.. ~ {وش تقــول للــي فـ بــاللــك } ~ ..

[جوري قطر]

ليه ما ارتاح الا وانت جنبي
ولما عني تروح اتعذب واعاني
بكل صراحة عنك انا مليت اخبي
بجد ابيك وما ابي انسان ثاني
ودي تعرف عن صدى احساسي وحبي
بس كل ماجيت اعبر ما امداني
ابغى اقول انك سكنت وسط قلبي
واني اتنفس عشانك وعشاني
اشتياقي زاد لك وماهو ذنبي
وانت لاناسي ولا ذاكر حناني
جيتني وغيرت في هالحب دربي
فيك حتى احساسي من روحي خذاني
كان ماتدري ترى ربك وربي
ان حزني من تلاقينا نساني
الحياة بكربها قربك و قربي
وقلبك اصدق ما بها الدنيا احتواني

[قـيـس نـجـد]

ياهلا والله وغلا ومرحبا

[أسرة الحب]

ولـدت ساطـي ومتغطـرس وأحـب الخصـام
ولا أعـتــرف فــــي إدارة طــبــع والا مــديــر
أوجـدت نفسـي مــن الـلاشـي والانـعـدام
نـبـذت فالمجـتـمـع لانـــي صـريــح وفـقـيـر

ماكـان تفكيـري الا كيـف أخـطـف السـنـام
والحـمـد لله خـطـفـت الـيــوم كـــل البـعـيـر
إن لــم يـكـن مـركـزي بالـصـف الاول أمـــام
ماعـاد تفـرق معـي لـو كنـت قـبـل الاخـيـر
الله أكــــبـــــر ولله الـــبـــقـــاء والــــــــــداوم
وهـو الالــه الاحــد وهــو السمـيـع البصـيـر
أخـذت مـن مدرسـة أحمـد عليـه الـسـلام
مــالا خذيـتـه مـــن مـخــاوى وزيـــر وامـيــر
وأخــذت مـــن تـجـربـة عبدالـعـزيـز الامـــام
وش يصنـع العلـم لاخــاواه سـيـف شطـيـر
واخـذت مـن فلسفـة هتلـر عـدم اللالتـزام
وكسبـت نفسـي وريحـت القلـق والضميـر
وابـشــرك حـالـتـي دايـــم عـلــى مـايــرام
مــن ركعتـيـن الفـجـر الـيــن بـعــد الاخـيــر

صحيـح عنـدي تحفـظ علـى بـعـض الانــام
مـثــل مـعـمـر وابـــو مـــازن وتـونــي بـلـيـر

لــكــن انــــا مــااحـــب اقــلـــل الاحــتـــرام
واذهـب ضحيـة طمـوح الـغـرب وانــا صغـيـر
قوميـة المسلمـيـن الـلـي عليـهـا الـكـلام
راحـت مـعـا خـالـد وعـمـرو وعـلـي والزبـيـر

الله ولا ذل والــتـــخـــويـــن والانــــــهــــــزام
ياعابـديـن الـعـروش الـوضــع جـــدا خـطـيـر

يابـو خلـف كيـف حالـك عــل حـالـك تـمـام
انسى القصيدة وهات علوم اخـوي الكبيـر

شـيـخ عرفـتـه وتقريـبـا لــي اربــع اعـــوام
يـومـنــي اجــيــه لا جــايــر ولا مسـتـجـيـر

يشوقني له نشوق الوسـم عقـب الحيـام
فــي صـفـرة جـوهــا مـاهــو بـفـيـة هـديــر

الشـيـخ ابــو خـالـد محـمـد عــداه الـمـلام
الـلــي يـصـيـر مـــن الاصـــرار مـــالا يـصـيـر

حـــد الـثـمـالـه اعــــزه لا عــلــي الــحــرام
انـــي احــبــه وحــــبٍ لــــو درابــــه يـطـيــر

يطيـر مثـل الوحـش لاضــف ريـشـه وحــام
وحـول علـى الـذايـره بالـجـو مـثـل المغـيـر

ان الـمـلــوك اذا اعــطــوك حــــب وغـــــرام
خـلـوك مــن سـائـر الـخـدام يعـنـي خفـيـر

الا انــــت يــاراعــي الـتـقـديـر والاهـتـمــام
ياللي رحمت الصغير وشلـت هـم الكسيـر

اذا الـبــلاط الامــيــري والـكـنــب والــرخــام
لـه شـاعـر يدهـلـه فــي صـبـح والا عصـيـر

فـانــا دهـلــت الـثـريـا و الـقـمـر و الـغـمــام
وحولت اداهم طرف مشلحك مالي خشير

كــفــرت بـالـنـاقـصـه والــغـــدر والانـتــقــام
وامـنـت بـاانـك حـزامـي بالـنـهـار العـسـيـر

مــن لايـقـدر ثبـاتـك مـــع عـكــاك الـزحــام
مـاهـو بــوالله مـقـدر ويــش معـانـي جـريـر

يارا س عيطا يـا مسـك البـدء قبـل الختـام
يالنـادر اللـي علـى صيـد المكـارم شهـيـر

يالمـهـدي المنتـظـر بالحاجتـيـن الجـسـام
الـمــدة المسـكـتـه والاخـــذ بـيــد الـضـريـر

ياسيـدي ودي افـهـق لــك ضـلـوع العـظـام
واعطيـك شـي بصـدري وانـت رجـل خبـيـر

انـاتـرانـي اعـانــي نــــوب مــــن انـفـصــام
يوثر على البرمجة فـي راسـي المستديـر

واصـيـر احــس انــي الـبـارود والا الحـسـام
في ساحة الشعر من تبوك لاقصى عسير

مـمـا يسـبـب لبـعـض اعـدائــي الاحـتــدام
اللي يحسبون قرض الشعـر مثـل الشعيـر

والشـعـر وان كـانـه المقـصـود بــاول مـقـام
فالله يـرحــم ابـــو الـطـيـب ويـرحــم زهـيــر

روح التنـافـس وحــب الشـيـخ والانـضـمـام
ماهـي بتعنـي لـدى الكثـرة نهـايـة مصـيـر

والشاعـر اللـي معـه عـزوة خــوال وعـمـام
تـفــداه وايـــل وتـرقــب مـسـتـعـدة مـطـيــر

والله فــــلا يـنـقـهـر والا يـضــيــق ويــضـــام
لاجــاء الـلـزز والمـلاقـى والقـبـس والنـذيـر

وجمع الدراهم ماهي باكبـر طمـوح الغـلام
اللي جمـع مـن قلـوب النـاس شـي كثيـر

مـن حبـنـي رغــم تفويـتـي لــه الانـخـدام
واللي كرهنـي فهـذا شخـص ملعـون صيـر

دام الـمـعــارك صـغـيــره مـاعـلـيـنـا لـــــزام
يـنـوب عــن سيـفـي البـتـار اصـغـر جـفـيـر

قــــرات فيـمـاقـراتـه مــــن بــلــوغ الــمــرام
الـلـي تـــرك شـــي لله عـاضــه الله بـخـيـر

[ريمآ بنت دآفنشي]

خآآطرك مو مثل غيرك

[قـيـس نـجـد]

الحزن في غيبتك له لون داكن...مات قلبي ويحسبوني الناس حي ..

كنت عايش إيه فـ غيابك ولكن .. فاقد إحساسي بحياتي وكل شي ..

[تح ـــدوووه الناس]

سأعيد ترتيب المساء بما يليق بخيبتي و غيابها

[أسرة الحب]

ولـدت ساطـي ومتغطـرس وأحـب الخصـام
ولا أعـتــرف فــــي إدارة طــبــع والا مــديــر
أوجـدت نفسـي مــن الـلاشـي والانـعـدامنـبـذت فالمجـتـمـع لانـــي صـريــح وفـقـيـر

[تح ـــدوووه الناس]

أتابعك من على بعد كاف لا يلفت الانظار
أضع المسافات بيننا مرغمة

[عاشق الأحساس]

حد علمي بالغلا يوم كنت أسوى كثير
يوم كانت ضحكتي طبع و عنادي سمه
و حد علمي بالغلا يوم خفاقي ضرير
قبل أهدم العشق و أبنيه و أرجع و هدمه
و حد علمي بالبكاء يوم لي قلب و ضمير
قبل أشوف المسلم يموت بيد المسلمه
إيه عدّت من يدي بس ماعدّت بخير
ليلةٍ عيّت تجيني و جتني مظلمه
من عرفت إحساسها كن في قلبي نذير
و النهار المكتئب باين ٍ من مقدمه
ليلةٍ حسيتها لاتجور و لاتجير
مثل طفل ٍ ماحقرته و عيّت إحشمه
و أصبحت مثل شعره و أقصمت ظهر البعير
و أبتدى في موته الجرح من حيث إختمه
صار لي بالعشق مالا هقيت أنه يصير
أنظلمت بعشرت أنسان ما كنت إظلمه
العشير اللي تبرى من ضلوع العشير
الحلا عزّز خطاياه و الحظ إخدمه
لا تبسّم يكسر النور بعيون البصير
وكن شمس المغربيه تبات إبمبسمه
معتدل في قامته لاطويل و لا قصير
ممتلي بالزين من معصمه لي معصمه
فيه بلوان الهدب لون غير ولون غير
مثل ما للرمش بالعين قصه مبهمه
كنها نكس البيارق على شط وغدير
و مثل لملمت الشتات بشتات اللملمه
مع سواد مجدّل ٍ ما يثور إلا يثير
كنه اللي ينهم الريح ثم ٍ تنهمه
ما تجمع لين قيّد حرير ٍ مع حرير
في ضلام ٍ علّم الليل مالم يعلمه
ما هقيت إن الهدب صلف و أجفانه تغير
لين سلهم لعنبوا جد ذيك السلّهمه
ماعتقني لين ساق البشاير للبشير
يوم صد و جاه قلبي بشحمه و لحمه
و الله إنه حط قلبي تحت رحمت شطير
في يديه و كل ما راد يقسمه قسمه
يا عساني ماعدم إرضاه في برد و هجير
و لو عدمت مروّته يا عساني معدمه
إن طلب عيني رضا قلت ما غيره نظير
و أنشرب دمي غضب قلت يستاهل فمه
و اهنيّه يرقد الليل مرقاد الغرير
كن نومه لابغى يهزم الجفن إهزمه
و إلنا من صفرة عصير الى صفرة عصير
و السّهر يا يلزم العين و إلا تلزمه
لو صحيح إن الحبيبين يجمعه مصير
كان نفس اللي حرمني من النوم إحرمه
و الله إن مروّتي ولّعت فيني سعير
يوم شفته تل قلبي و داسه بقدمه
ما رحم زهرة شبابي و أنا توّي صغير
لين ضيّق خاطري ضيّق الله إنسمه
إيه عدّت من يدي بس ما عدّت بخير
ليلةٍ عيّت تجي بس جتني مضلمه
حد علمي في عناها عذاب و زمهرير
يوم قمت أوحي بالاضلاع صوت و همهمه
و حد علمي بالرجا من نصير اليا نصير
يوم شفت النّفس تذبح و هي مستسلمه
و حد علمي بالبكا يوم لي قلب و ضمير
قبل أشوف المسلم يموت بيد المسلمه

[تح ـــدوووه الناس]

لوعني هواك لوعني...مشاني وراك ضيعني

خلاني بروح مطرح ما تروح

لا اخدني...و لا رجعني