وبدأ الجد وبدت كل دكتوره ودكتور تلقي نصاايحها
وهالسمستر اغلب الدكاتره مصآآريآ << يعني الله يعين
لازم هذرتن واجده ولازم سنتره عند المايك عشان كل شوي مشاركه وأرز أسمي له كل شوي لمن اشارك
عشان انجح :(
المصآريا يحبون الدوافير والي تشارك ولو انه غلط
ربنا يوووستر << باللهجه المصريه ^_^
طبعاً جامعتنا صارت خآآيسه مره زحمه
والبنات كثيريين مره << يعني جامعة أبوك تبين تداومين بلحالك مثلاً
بس بجد مره زحمه وانا انسانه احب الهدوء ماحب الأزعاج
يعني القاعه الي انا فيها يوصلون البنات في بعض المواد الى 140 بنت خير عسى ماشر
يعني كيف بفهم ولا كيف بستوعب
كان عندي محاضره فاضيه فيها اليوم
وكانت وحده من البنات عندها موهبة التقليد صوتاً وشكلاً
فقالت يالله بقلد كل وحده من البنات كيف تتكلم وكيف اسلوبها
ولمن جا دوري ضحكت ضحك لمن قالت :
يالله بناات شوفو ملاك كيف تتكلم لمن يجي اخر الدوام وبتطلع
يرن جوالها بصوت ماينسمع تكلم وبعدين تقوم << طبعاً الحين تقلدني
وتقول يالله بنات بابا جا انا بطلع تامرون شي وترووح
واذا عصبت من شي ومره احد قهرها تناظره بطرف عين وتقول ياشينك مالت عليك كلي هوآآآ << يقالكم الحين تقطعت وهي تسب
ورجعت البيت وانا كل ماتذكرتها ضحكت وكلمتها على الجوال وانا احس اني لازلت اضحك على نفسي يعني انا كذا ^_^
بلأمس كنت معزومه عزومه خوالي مسوينها لخالي الي تزوج بالعطله
اكثر انسان كنت مشتاقه له نوافي
لأنو كان مسافر وشفته بعد ماجا بس ماشفته شوفه تبرد الخاطر لأني كنت مشغوله وقتها
فأمس مرسمين بالعزيمه ونستقبل الضيوف واقفه مع خالاتي والحريم يدخلون فجأه شفت
طيفه انا شفت ولا ماشفت
تركت كل الي كنت واقفه عندهم ورحت لمه ولميته بعد حيي نووافي
وامه بس تضحك وبنات خالاتي قامو يضحكون
طبعاً لما قلت له يالدوب اشتقت لك مره
قال حتى انا والله كثير مره اشتقت واحبك كثير
فديت هالولد بس طول العزيمه كنت بس جالسه اسولف معااه جت خالتي
قالت وش تحسين به تعالي اجلسي مع الضيوف
فقلت اجمل احساس بالحياه بلا ضيوف بلا هم نوافي هو ضيوفي صح نوافي
ونوافي يرد ويقول اي صح
لمن جا يروح قلت لأمه وأبوه ابي ينام عندي بليز تكفون
امه تقول ملاك ماقدر انام وهو مو عندي
وأبوه يقول انا مالي دخل فيكم
فقلت لأمه بلا طمع ظول الأسبوع عندك يوم واحد بلييييز
قالت لا لا سوري ملاك ماأقدر اعذريني :(
رحت البيت بعد العزيمه وانا اتذمر وأقول لبابا مالت على ولدك
يمنون علي بولدهم اوريهم انا << ماعصبت ابد
وصلت البيت وانا بالغرفه توني بنام
الا اسمع جوالي يدق والساعه 3 الفجر
الا اخوي يدق جهزي جمبك مكان لنواف تراي قريب من البيت وهو نااايم
واااااو ساعتها مادري احس اني فرحت وكأنهم قالو ترآ بكره
بيتحقق لك الي في بالك <<<
سؤال يتردد في ذهني دايم ليش طفولة هالوقت غير طفولتنامن اول ..؟
ياحليينا من اول كل شيء برآءه مانعرف الا بيتنا وجدرانه ولعب طفولي بريء ينحصر ولايتعدى الا معقول
هالوقت الطفل صار جوال لاب توب ألفاظ وردود تبشر بالخير<< أمحق
لمن اجلس مع الصغار احاول اسمعهم اراقب لعبهم الاقيه ليس الا تطبيق لمن حولهم وخصوصاً من اعلام سيء لايقدم الا البذيء بنسبة 98%
طلعت اليوم من الجامعه سمعت اختي تقول بابا انا كبرت خلاص ابي جوال كل البنات معاهم جوال بابا: واذا يعني معهم جوال لازم يكون معاك اختي: أي لازم بابا: وش تحتاجينه فيه اختي: انو ألعب وأتفرج عالصور وأرسل رسايل لصاحباتي بابا: بس هو مو لعبه يابابا اختي: بس انا ابيه بابا: ملاك انتي متى خذتي جوال ملاك: يوم تخرجت من ثالث ثانوي مع ان كل صاحباتي كان معاهم جوال اختي: بس الوقت تغير الحين << والله وكبرت البنت وصارت تعرف ترد
طبعاً بعد محاوله وأقناع وكلام وسوالف معاها اقتنعت بس احساسي انه مو من الداخل ولازلت اتحدث معها محاوله اقناعها
وكل عمر معين تظهر متطلبات اعظم الأطفال يحتاجون توجيه وعنايه وتوعيه يحتاجون لممشاة العصر بشكل ايجابي ينفعهم ولا يضرهم يحتاجون عطآء بحدود ولكن العطآء لايعني ترك الطفل والمراهق وخصوصاً في فترة مابين العاشره من العمر حتى عمر 20 تقريباً لأنه طفل ومراهق لم يعي بعد ولم يتعلم الصح من الخطأ
العرض العادي
