واجه الواقع ترى مالك مفر *** لايردك دمع تعذيب الضمير
وأعلن الفرقا على كل البشر ** خل عدوانك من الفرحه تطير
وأحفر لحب ٍ مضى بيدك قبر *** وأدفنه وأذكر ليالينا بخير
وعزي نفسك وأمسك عنان الصبر ** ورشي قبر الحب.. بدموع النضير
لاتندم لاتكابر بالخبر *** خل كل الناس تعرف وش يصير
قلهم وش صار في فايت شهر ** قلهم حبل الكذب عمره قصير
برر الموقف في سكة سفر *** عش حياتك وأذكر الحب الكبير
وإن دعاك الشوق في ليل السهر ** واصل المشوار (لالا تستخير)