ن عقب فرضي الخامس..اطرقت راسي
حسيت فرضي قاصر.. وقمت صليت!
اثر الفروض مكملة.. بالقياسي
واني حسبت السادسة فرض.. واخطيت
متعود ٍ منك اتصالك.. وناسي
واثر اتصالك عالمزاج.. وتعاييت
وقمت اغافل لوعتي والحواسي
اجدّم الساعه.. واغش المواقيت
واناظر البدر.. وأحَسْبه مواسي
و(اجيك) الموبايل.. واحسبك دقيت
أبعدت فكري عنّك.. وثرْك راسي
شروا الجبال مثبّته دون تثبيت
واثر اتصالك.. يا وجودي.. أساسي
واثرك بقلبي غالي وْقلت ياليت
ليتك معي.. في وقظتي والنعاسي
وليتك قريب ٍ من عيون ٍ مباييت
يا مولعٍ في القلب عزمي وباسي
لا تحسب اني كاره الخبْر والصيت
إني مصلّي الستّ والسبع ناسي
لامن تحرّيت اتصالك.. وعيّيت