.. ~ {وش تقــول للــي فـ بــاللــك } ~ ..

[جوري قطر]

يا احبك او احبك اختار من هالكلمتيـــــــــــــــــــــــن

[عاشق الأحساس]

يازين مزح الحبيب وضحكة سنونه
اللي يفرح خفوقي كل ماشفته
يازينها مزحته ويازينها عيونه
غيره من الناس لو مزيون أنا عبته
أحب كل اللذي لجلي يحبونه
لو التقاليد تمنع عن معاشرته
وأعاف من يكرهه لو بنت مزيونه
مادام أنا ضعت في نبتة ومزرعته
طعم العنب فيه ومن شكل العنب لونه
وفراولة شفته تطغي على نبته
فيه أمتزج لون تفاحة وليمونه
وحتى الكمثرى بوصفي غصب أنا جبته
والخوخ والتين ماظنيت ينسونه
والورد منه مع الزيتون وشجرته
منه زعل لون رمانه وزيتونه
وحتى خدوده خذت من لون مشمشته
أبا أتغزل في شعري فيه وعيونه
ويغفر لي الله إذا فبحر الشعر عبته

[أسرة الحب]

الله يسامحك
والله انك خربته بالكلمه عني
الله يسامحك
واسفه والله ماكرر غلطتي
عشان ماتفهم قصدي غلط

[عاشق الأحساس]

اللي على حبل التواصل تمننت
بأمانة اللي مايرد السؤالي
لاتحسب اني من فراقك تألمت
من باعنا بعناه لو كان غالي
اتشوف رقمي وتسفهه يوم كلمت
هذا وانا موصيك اول وتالي
شفت هالعذارى قل لهم لو تبسمت
يرجون مني بس قولت حلالي
وانتا ولا مقدر ولا بي تطمنت
مبسوط ؟متضايق؟ ينام الليالي
لاهنت يا المزيون لاهنت لاهنت
اسرفت في تعذيب خلٍ موالي
ويوم المشاكل واجهتك وتندمت
جيت وزهمت وماظفرت بوصالي
قال الرقم مفصول عذرن وخمنت
سافر وخلاني وحيدن لحالي
لا ما التمست العذر فيني ولا لنت
قلبك حجر مثل الصخر مايبالي
الله كريم ولشوفتك ما تكرمت
بشوف غيرك وانت دور بدالي

[جوري قطر]

اشوف الناس بعيوني ومن بدهم اشوفك غير
واحس مثلك في هالدنيا فدنيا ابد مايصير
في عينك سحر ياخذني ويخليني معاك اسير
واحس عمري وقف عندك ويامي وراك تسير

[عاشق الأحساس]

الشعر معنى للقوافي وتعبير
وأحساس مرهف وانت اجمل قصيدة
ياسيدي ياسيد كل الغنادير
ياحلم يبقى لليالي البعيدة
رغم الظروف ورغم طول المشاوير
قلب العنا تبقين نبض بوريدة
متى على الله نجتمع في أغادير
مدينة فيها الحبايب سعيدة
بيني وبينك جيش ردع وطوابير
وعيون ترصد كل حاجة جديدة
بس الامل يبقى بحضن المقادير
ويشوف قلب المهتوي سيد سيده

[جوري قطر]

آغار منْ ألجهآز إللي ِ عَكس في ِ شآشتـﮧ " أجفآنڪْ "
و آغآر منْ ألحَروف إللي ِ لمسهآ " كَف نآدآني ِ "
غَريب وُديرتي ِ " آعيوُنڪ " أبي ِ أوصل يمهآ أوطآنڪ !
أبيك آتشيلني ِ وُسط " ألخفوُق " و لآ تنسآني ِ

[زهور الكون]

اقتباس المشاركة الأصلية كتبت بواسطة عاشق الأحساس اللي على حبل التواصل تمننت بأمانة اللي مايرد السؤالي لاتحسب اني من فراقك تألمت من باعنا بعناه لو كان غالي اتشوف رقمي وتسفهه يوم كلمت هذا وانا موصيك اول وتالي شفت هالعذارى قل لهم لو تبسمت يرجون مني بس قولت حلالي وانتا ولا مقدر ولا بي تطمنت مبسوط ؟متضايق؟ ينام الليالي لاهنت يا المزيون لاهنت لاهنت اسرفت في تعذيب خلٍ موالي ويوم المشاكل واجهتك وتندمت جيت وزهمت وماظفرت بوصالي قال الرقم مفصول عذرن وخمنت سافر وخلاني وحيدن لحالي لا ما التمست العذر فيني ولا لنت قلبك حجر مثل الصخر مايبالي الله كريم ولشوفتك ما تكرمت بشوف غيرك وانت دور بدالي

[عاشق الأحساس]

ضاق الفضاء .. وأهتزت عروش الأشواق
وباح الكنيـن .. وباقي العمـريقفـاه
طاحت على خد الشقـاء دمعـة أفـراق
وعزيز دمعي .. محجر العين يملاه
دمعـة ولاسالـت علـى خـد عشـاق
دمعة غلا من نار جوفي وفرقاااه
سيل الدمـوع ..اللي على الخد حراق
يوم أنسكـب مـن موقهـا وأنتثـر مـاه
دمـع ٍ يخـون العيـن بالحـال دفــاق
دمع ٍ يترجم من كتبني و يقراه
ماأحد جـرع كـأس العنـا مـرّ الأذواق
وعلقـم مذاويقـه علـى البعـد ذقـنـاه
حتى وأنا بطيفـه.. لذيـذ الشقـاء راق
آخـذ وأضمـه طيـف مثـل المناجـاه
يالوعـة المسلـم ليـاغـاب وإن فــاق
وأقسـى مـن القاسـي ليا عشت رجواه
والحزن مرهقني ..علـى كلـي ارهـاق
وضعف الامل فقر الغنـي عقـب دنيـاه
بعضي ذبح بعضي على ساعة أعناق
نأخـذ ونعطـي والعطـاء ماجحـدنـاه
حملتني مالا احتمل فوق مأ أطـاق
وطبـع المواجـع فاجـع الطبـع بلـواه
واللي ورى صمـت المواجـع ولافـاق
حلم ٍ.. يموت ولاوصل غــاية مناه
ماضاق صدر البعد.. لومالفضاء ضـاق
وش علم الفرقـاء علـى الحـال تبـراه
هـم ٍ لجـا فـي داخلـي جـل ودقـاق
وأوجس خــفاء جـرحي عن الناس وأرفـاه
حزني دفين ..وســاكنٍ وسط الأعمـاق
هـاذي مراكـب علـة القلـب بـلـواه
وش فاد دمع الصبـح يانـور الأشـراق
يـوم الدمـوع وسـوم بأسمي امسمـاه
خل المصافـح صفحـة اصبـاح تريـاق
ليـن العيـون تـروق شوفـك وتـرواه
نـارٍ تسـارج داخلـي تحـرق إحـراق
أضمهـا فالحـال وأمــوت وأحـيـاه
هـم ٍ يخـج الصـدر والقلب خفـاق
وخضر الطعون جـداد مضـراب شلفـاه
واقفت على ركب الشقاء وقـت الأشفـاق
من لوعـة المغـرم علـى البعـد ماسـاه
وأقفى عزاهـن بالضمايـر علـى سـاق
تتبع مظاهير الشقـاء .. وأقفـت أخطـاه
ياشـوق شـوق العين للشوف بـراق
تهزوجداني مـن أقصـاه لأدنـاه
ياشوق نار الشـوق في قلب مشتـاق
ماشاق شوقـه ..شايـق الشـوق وشقـاه
ياجامعـه طهـر العفيفـات وأخــلاق
وأجمل وصوف ٍ مالهـا شكـل وأشبـاه
تاج الفخـر .. يامعانـق المجـد تـواق
يامصـدر إلهامـي وقـافـي ومعـنـاه
مبـداي تزهـر به وفـاء خضـرالأوراق
خل الشقاء لي وأنت شامخ لمبناه
بينـي وبينـك ساعـي القيل مالاق
واللي قرأ وجه القـدر .. كيـف ينسـاه
.

[القمه]

يا الله
كل شي غير