قبل السالفه ابي اعرف وش يحس به هلأدمي
احد يركب الجست كي كذآ صدق شبابنا متهورين...
هذي وحده اعرفها
<< احس كلهم الحين يقولون اكيد انتي ^_^
تقول :
امنيتي ابوي يوديني البحر ودي اغامر وادخله
ابوي ان تهور ودانا مكه او القصيم ننام عند اهلي ونرجع
طبعاً اتضح انه موب انا انا مو من القصيم
قدر الله لها وتزوجت قبل فتره وراحت مع زوجها
لماليزيا وتحكي لي تقول احس اني رايحه
للعالم كلها محد قدي رايحه ماليزيا
عاد تخبرون عروس ويعني لازم برستيج تقول قدام رجلي
مابي يحس اني قرويه ماقد طبيت للبحر ولا شفت البحر
الا بالتلفزيون الوكاد انه قالت لمه ودي اركب جست كي
تقول وانا اقولها اقول يارب اني قلتها صح لايضحك علي الحين
سألها تعرفين له يعني تعرفين تركبينه بوسط البحر
تقول كذبت وقلت ايه خلينا نركب ليش انت ماتعرف
قال لا والله ماعرف وماقد ركبته بس يالله عشانك بركبه
تقول ياليته عيا علي ولا قال لاتركبين ولا هاوشني مثل ابوي
لاقلت خلنا نروح للشرقيه
طبعاً اجواء ماليزيا متقلبه فجأه الدنيا تغرق مطر
والجو ينقلب 180 درجه
بس تقول شجعته وقلت يالله ودخلنا اهي وزوجها طبعاً
تقول ماكان فيه لا غيم ولا شي الجو حلو وكل ماقال خلاص
خلينا نرجع يابنت الحلال تقول لا لا وكل مالهم ويبعدون
تقول فجأه دخلنا بغيمه سودا وامطرت الدنيا والبحر امواجه
صارت ترتفع وتنزل وقلبهم موج
تقول قبل لانركب كنت اقول مابي البس الجاكيت
بس وانا انقلب اتذكر اني اقول الحمدالله اني لبسته
المهم تقول وربي ياملاك اني مادري خلاص احسب اني رحت بطن الحوت
زوجي مادري وين راح وانا تحت المويه اسمع احد ينادي اسمي
ابي اصارخ ابي اطلع ابي اتنفس احسب اني مت تقول فجأه طلعت
وأشر بيدي الا زوجي بعيد والمركبه بعيد وانا اصارخ مدري هو يسمعني ولا لا
وانتبه لي اخر شي ماتعرف تسبح اهي
انقذها زوجها تقول وانا اسبح وراه نبي نوصل للمركبه
تقول انا اتشهد واقوله سلمني على اهلي وقولهم اني احبهم
وقول لأبوي بعذرك ماكنت تبي تسفرنا اثاريك تخاف علينا
تقول كنت خايفه يجينا حوت ولا قرش
او شي وأحس زوجي معصب علي لأني انا الي كنت اسوق وكنت اسرع
وكان يقول هدي اخر شي انقذوهم
يوم طلعو من البحر قال انا اكثر شي كنت خايف منه لو متي
وش بقول لأهلك خذتها منكم ورميتها في البحر
لاتقولين مره ثانيه بروح للبحر وانتي حتى سباحه ماتعرفين
طبعاً البحر انا ماحب ألمسه بس احب اناظره
يعني لمن نروح البحر ونركب اللنش اتعقد
ومره وحده سويتها وحصل موقف وصرت ماحب اركبه
بسبب هالموقف طبعاً والموقف محرج لايذكر
الوالد عنده مهارات بالسباحه كونه انسان رياضي
ويعشق الرياضه وكثير حاول فيني اتعلم السباحه
بس انا والخوف اصدقاء ماحب وغير الخوف
اني اذا بغيت خلاص بتعلم بس دام اني اقول لا
مابي فما ابي خلاص مافيها تفاهم بس بيوم وبمثل هالمكان
بنزله من الكام تبعي بس بوقت ثاني
مسبح المزرعه تبعنا حصل لي هالموقف
كنت جالسه على طرف المسبح واتفرج
على البنات وهم يسبحون
طبعاً لمن كنت اتفرج عليهم مانتبهت ان في احد جا
من وراي ماحسيت الا انا جوا المسبح والكل يصارخ
كنت احسب اني بموت واحاول فيهم ينقذوني وأسمعه
يقول ولا واحد يساعدها لاغرقت انا بنقذها خلوها
مهيب ميته
وطبعاً سبحت وسبحت لين وصلت للطرف ومن عقبها
صرت اعرف اسبح وعصبت وزعلت على هلأنسان
ليش ومين سمح له يرميني والكل يضحك علي وكسر عنادي
البحر غدااار
كلهاااا ملح
العرض العادي
