وينك ؟ ترا تعّبت وينك واْنا اسأل
من لوعتي حتى التعب قال وينك !
الحل بيدك وانت ما شفت لك حل !
واْنا يمينى ما اْرتوت من يمينك
الثقل صنعه بس مع غيري اثقل
ما ينطبق هالحال بيني وبينك
بقبِل لعينك وانته .. لعيني اقبِل
أصلا بقا بي شي ما اقبْل لعينك !
اجرحني اكثر حب عاتب وازعل
بس لا تغيب وراحتي في يدينك
وان كان تقبلْ فاْنا راضي وبقبل
باللي مقدر وانكتب في جبينك
ارحل ولكن بسألك قبل ترحل
يا كيف تقفي واْنت ما اْوفيت دينك؟!
أدري تبيني لكن البعد يحصل
وادري قساوة وقتك اتحد لينك
ذبلت وعودك ليت هالشوق يذبل
يعينني ربي عليه .. ويعينك
ياخي ترا مليت والبعُد ينمل
يعني تحب وتنحرم من ضنينك !