مساء النور والبهجه وعود أزرق وريح أطياب
مساء ورود الرياض اللي أشوفك بينهن مزهاك
ياحي اللي وصلني مع مراسيله آلم وعتاب
كتابن يرسله يمي ومضمونه وش اللي جاك
قريته قبل مقرأ أسمه على أنه مثل كل كتاب
ولكن حسني عنوانه اللي كاتبه مغلاك
وعرفت أنه نظر عيني ودمعي غرق الاهداب
حبيب ن مانسيته يوم كتب لي مستحيل أنساك
تراك أنته على بالي قريب ن وأقرب من الاقراب
دوا القلب في قربك وموت القلب في فرقاك