هنيت فيك الشعر والشعر هناك
يالي ملكت القلب عرضه وطوله
ياكاملن في الزين محلا سجاياك
فوق الحلا والزين نفسك خجوله:
أخذت من نور القمر في مزاياك
نورك مثل نور القمر في حلوله
الريم وصفه ماخذه من حلاياك
والطبع طبع الريم دايم جفوله
صابر على ظلمك وجورك وجفواك
والحال من جورك تراها معلوله
وشلون بنسى مامضى اليوم واياك
وشلون برضى بزول من غير زوله
سبحان من سواك في الزين حلاك
ملكت قلبي في كلامن تقوله
غالي وطبعك لاتغليت يزهاك
خذيت فكري غصب ماهي بسهوله
منساك والله برمش العين منساك
حبك أخذ بالراس صوله وجوله
أنا قصيدي لانخيته تعزواك
حبك بوسط القلب محدن يطوله
تفداك روحي يا اريش العين تفداك
ماهمني ناسن بحبك عزوله
انت الوحيد الي غرامي تمناك
والله يشهد في كلامن أقوله
ياهواك قلبي ياهوا البال يهواك
انت الوحيد الي خذيت البطوله
وانت الذي في القلب يازين ذكراك
وانت الذي حبك بقلبي نزوله
__________________
أنا حياتي أحبها00وأحبك إنت قدها00لكنحياتي حلفتني 00أحبك أكثر منها
تحياتي
المزيونة *r
العرض الشجري
