السلام عليكم
اقدم لكم هذه القصيده موجهها لمعزبي صاحب السمو الملكي الامير سعود بن حمود بن سعود ال سعود
يـا سيـدي بيـن الاوادم تمشـيـت--------ولقيتـك أغلـى سالفـه للأنـامـي
كلن يسولف بك وأنـا بـك تغنيـت--------وسط البيـوت الشامخـات العظامـي
اللـي ليـا عديتهـا مــا تعـديـت----إلا النجـوم بسطـوتـي وبغـرامـي
يحـق لـي مـدام معهـا تساويـت-----من الفخر فـي هرجتـي وأهتمامـي
بأمجـاد منهـو لا مدحتـه تحليـت----بأغلى صفات الشاعر اللـي همامـي
والشعر جزله كل ماجيـت وأهديـت----ما أهديـه غيـر لكـل حـرٍ قطامـي
في سيدي سعود المكارم ولا اخطيـت----المدح فيـه يصيـر عالـي وسامـي
يا أبن المليك اللي بطيبـه تساميـت----صيتك يكفّـي عـن كثيـر الكلامـي
وأبا أنشدك للناس وش عـاد خليـت-----يـا سيـدي وانتـه حفيـد الامامـي
أنت الذي صيتك رفع هامـة الصيـت----كنك على كسـب المراجـل محامـي
وأنت الذي فوق الصعايـب توطيـت----شامـخ مقامـك يارفيـع المقـامـي
وأنت الذي لك في ماكر الاوله بيـت-----وموقفـك دايـم فالمقـام الامـامـي
وأنت الذي ما قـد غبـت وتخليـت----موقفك مثل النـور يجلـى الظلامـي
وأنت الذي فـوق المساكيـن حنيـت----تنفـق ولـو تقعـد بليـا طعـامـي
وأنت الذي للخيـر عنـدك مواقيـت-----يا ابو اليتيم اللـي حياتـه حطامـي
وأنت الذي مخلص لمـولاك صليـت----وأنت الذي في ساحـة العـز حامـي
يالنـادر الصـارم سليـل العناتيـت-----حكـام نجـد مخضبيـن الحسـامـي
وأنت الذي فـي كـل عليـا تعليـت----عزمك قوي وأنتـه قـويٍ عصامـي
في هامـة الامجـاد جيـت وتربيـت-----ونظرتك دايـم فـي علـو السنامـي
سعـود ياليـت الليـالـي ويالـيـت-----إني نصيتك قبـل كسـرت عظامـي
قدام لا أصبح حي في منـزل الميـت----أمشي وأناجيعـان واعيـش ظامـي
ما عمري مع الناس جيـت وتهنيـت-----الوقـت يطعنـي بساعـة منـامـي
من دنيتي يا سيـدي قـد تقاضيـت------ذقت العناء شـرقٍ وغـربٍ وشامـي
جرعـت مـن مرالليالـي وونـيـت-----والهم فـي شريـان الاحـلام زامـي
أحدن على سجاد وأحـدن بموكيـت----وأنا علـى حصيـر وقتـي دوامـي
يا سيدي ضاقت وأنـا يمكـم جيـت----ناصيـك وأعلـن للمقـام أحترامـي
ومدامنـي طرقـت بابـك وصكيـت-----باب السنين اللـي عليهـا العسامـي
بابك بعـد بـاب الولـي لا تخطيـت-----ألقـاه مفتـوح وعليهـا الاسـامـي
عنوانهـا الترحيـب مهمـا تنحيـت-----والفزعه الجزلـه بمسـك الختامـي
إن جيت أعد إخصالك اجهدت وازريت----ما تنحصر والطيـب ثابـت وحامـي
من مجد أبوك ومجد جـدك تقهويـت-----ومجدك مع الامجـاد جـاه أنظمامـي
أنا أشهـد أنـك بالرجولـه تماديـت-----حتى وصل طيبـك لفـوق الغمامـي
يشهد لك التاريخ لا أصبحت وأمسيت----ومنهو نصى مثلك حشى مـا يظامـي
مثبّـت أفعـالـك وللـعـز نـاديـت----ترمي على الاهداف من كـف رامـي
الله يديمـك سيـدي ذايـع الصيـت----وأسلم سلمت من الدهر يـا حزامـي
وسلامتكم
العرض العادي
