انا مأقدر اكون اني حبيب في بعض احوال

[الجذااابة]

يعطيك العافية

واحداثها روعه


بس احس طلال مريض نفسيا لية معاملتة جافة مع لولوة


قلب الزهور ماقصرتي يالغالية

وننتظر التكملة

[قلب الزهـــور]

اقتباس المشاركة الأصلية كتبت بواسطة ؛؛ الجـذابـة ؛؛ يعطيك العافية واحداثها روعه بس احس طلال مريض نفسيا لية معاملتة جافة مع لولوة قلب الزهور ماقصرتي يالغالية وننتظر التكملة

هلاااااا وغلاااا جدابه حياك يالغلاااااااا


مبسووووووطه بمتابعتك ياحووووووووبي يسعدلي قلبك


تقبلي شكري وتقديري واحترامي

مع تحيااااتي قلب الزهور


باااااااااااااااااااااااي

[قلب الزهـــور]

اقتباس المشاركة الأصلية كتبت بواسطة طفله حلووووووه يسلموااااااااااا يعطيك العافيه

هلاااااااااوغلااااااااااا طفله حلووووووووه ربنا يحلى يامك اختي

بشكرك ع المتابعه يالغاااااليه


تقبلي شكري وتقديري واحترامي

مع تحياااتي قلب الزهور

باااااااااااااااااااااااااي

[قلب الزهـــور]

اقتباس المشاركة الأصلية كتبت بواسطة مسك العود الله يعطيك العافيه يالغاليه بس كملي اكتبي لنا اكثر من جزء باليوم ترى والله حمستينا وحاسه ان طلال طلق لولوه وقال لسعود يوصل الخبر لها تكفين عطينا من أبداعاتك وهل فيه روايه ثانيه لك بهالمنتدى او غيره تحياتي

هلاااااا وغلااااااااا الف مره اختي مسك العود يسعدتي وربي متابعتك

يالغلااااااا ربنا يسعد قلبك دنيا واخره يارب


حوبي هدي روايه سبق وخلصنا منها قبل هدي لو بتحوبي تقريها

بتعجبك اكتر وكمان ياحوبي ماعرف الا هدا المنتدى من تخلص هدي

بنزل تاني لعيونك يالغلااااااا

قصه مره روعه (بدر سامحني) للكاتبه بائعة الزهور


[URL="http://www.al-wed.com/vb/showthread.php?t=225826"]http://www.al-wed.com/vb/showthread.php?t=225826[/URL]

تقبلي شكري وتقديري واحترامي

مع تحيااااااااتي قلب الزهور

باااااااااااااااي

[قلب الزهـــور]

ان شاء الله اليوم بالمساء انزل الروايه للحلووووين


تحياااااتي يالغالين

قلب الزهور

باااااااااااااااااااااااااااي

[قلب الزهـــور]

[blink]

أنا ما أقدر أكون إني حبيب في بعض أحوال

[/blink]


نزلت تحت وانا افكر بطيبة قلب اخوي وحظه وحبه واللي لاعب به ...
قعدت عند لولوة وسولفنا وحش بأزواجنا يما خذوووووا من الحسنات ههههههه
نجول: يووووووووه نسيت...
لولوة: وش بتس؟

نجول: نسيت المقرود فيصل قال تكفين ابي كابتشينو واذا مافيه كلافه قولي لـ لولوه...اللحين يحسبتس عييتي ....
لولوة: تو الناس كان بكرى الصبح معلمتن قومي قومي نسويله ...
قمت انا وياه وطلعت الاغراض وقعدنا نحوس بالمطبخ ...
نجول: ابروح اشوف فيصل هو قاعد والا لا ؟؟
لولوة: لاتأخرين بسرعه ...على مأصبه بالبريق ..
نجول: ....... اوكي وراحت تركض ...
دخلت والا اللاب مشغل ومافيه احد بالغرفه انسدحت على السرير

<<<عاد لاب فيصل غنيمه ابشوف من زمان وش به لان له رقم سري ...
بسرعه فتحت المستندات ...
والا كله ملف حبي والا مجلد لولوه ....روحي بقربه ...الصدمه لما فتحت الصور لقيت كل صور لولوة من يومه صغيره الى عمر 14 سنه بس منين جايبهن ...والله فيه صورة بنت واقفه بمزرعتنا من بعييييد ولابسه جلال اسود ومصورة ماهي واضحه بس كانت عند مزرعة النخل ومكتوب عنوان الصورة روحي متوهق عرفت انه لولوة يوم سمعت صوت باب الحمام انفتح وانا اسكره بسرعه وانا اقف ..
نجول: هلا والله ترى نسيتك وخليت لولوة بالمطبخ تسوي لك اللحين اجيبه قعدنا نحش بااااااااي وطلعت ....
استغرب فيصل من حركاته ....
جا وانسدح على اللاب والصدمة لقى صورة لولوة مفتوحه وومجلد الصور مسكر استغرب اوكي يانجول اوريتس لاتفضحك الخبله ,,,,
الخبله سكرت المجلد ونست الصورة ....
نزلت تحت بسرعه..
.نجول: ابروح بسرعه عطيني
لولوه:...عطيته وانا اقول انهبلت ...
نجول: ولاجيت ابقولتس شيء خطيررررررررررررررر...
رقيت اودي لفيصل الكاباتشينو ....
لقيته عند باب غرفته ...واقف ...
فيصل :ادخلي بسرعه ...
دخلت وانا ساكته ياويلي شكله معصب ...وش به ؟؟؟؟
نزلت الكاباتشينو...ولفيت له...
نجول: هلا امر سم تدلل ...
فيصل : اختي على عيني وراسي بس تفتش بأغراضي لا...
نجول: والله ماجيت كبتك ولافتشته وحتى مكتبك والله ماقربت له ..
فيصل: واللاب ؟؟
نجول: ماجيته..
فيصل: شفت الصورة وش ملقفك تفتحين الصور ..
والله وبالله العظيم لو تمدين يدتس عليه مره ثانيه ماهو احسن لك ويايلتس تقولين لــلولوة ادريبتس ماتخبين شيء عنه تسمعين ؟؟؟
نجول: ان شاء الله
وطلعت بكل احترام وانا اضحك تدرون ليش ياكرهي لاسلوب الرجال يعني انا ماني ضعيف قدامه يعني انا نسيتس كذااااااابين هههههههههه

نزلت تحت ورجعت للولوة وسوالف وكملنا سهره وشغلنا مسرحية البيت بيتك لطارق العلي ومتنا ضحك ....




من ضمن المسرحيه لبس طارق كعب الممثله ويرفع الثوب والسيقان لاتعليق ههههههههههه كنا نضحك من قلب الله لايغير علينا ....

كملنا المسرحيه وحنا نضحك وساعه نتقهوى وساعه نعلق على بعض ونتخيل اشكالنا ...

لولوة: ياربي نجول الساعه اربع ونص قومي قومي ننام قبل يقعد خالي بسرعه

نجول: انتي وين عايشه باي عصر ابوي مبطي صار فري

لولوة: يالعنبو حيتس متى تغير ؟؟
نجول: مبطي ابوي خربان صاير يسهر من تقاعد وهو كذا ...
لولوة: ياحياتي مثل ابوي يوم تقاعد قعد يتابع التلفزيون لا ومسلسلات تركيه يقول ياشيب قلبي يالولوة تبي عشيقه وحرموه منه لو انا منهم ازوجه وشوله اعمل بهم هلون يعني لميس ويحيى
ههههههههههههههههههههههههه

نجول : لا ابوتس عايشه بديرتن غير ديرتنا هههههههههههههههههههههه انا ابوي توه مراهق بس بدى يسهر ....الله اعلم بكرى وش يسوي يمكن نلقاه ورى البيت يشرب دخان صرت ماستغرب شيء بالدنيا هههههههههههههههههههههههههههههههههههه


[blink]نتاااااااااااااااابع كمان [/blink]

[قلب الزهـــور]

[blink]

أنا ما أقدر أكون إني حبيب في بعض أحوال

[/blink]



هههههههههههههههههههههههه

قمنا توضينا وصلينا وطلعنا للحوش نشوف الفجر مبطي ماشفناه الله يهبل وقت الشروق وصوت العصافير ولو كنا بالصيف ترى الفجر بررررد بحايل مادري عن المدن الثانيه ...

نجول: وش رايتس نسوي فطور ونكمل هنا؟؟؟
لولوة : يالعنبو حيتس احس اني ابنفجر من البارح وحنا ناكل ....
نجول: انقلعي المفروض كل شيء اقولتس تقولين ابشري
لولوه: هههههههههههههههههههه لو اطيعتس بكل شيء قسم لايشيلونا للمستشفى ونفطس قبل ناصله

بعد تعب السهر وحش بأزوجنا الكرام وسعود وكل الاهل رحنا ننام بغرفة نجول فرشت فراش ونمت بسررررعه لاني تعبانه ....

قعدت والا الساعه 2 ونجول ماهي عندي قمت وغسلت وتوضيت وصليت الظهر وانسدحت بالفراش ....افكر بــــ
فيصل ليش امس كان يبي يطلع وماطلع ليش قعد وليش يبي كابتشينوالا من يدي وليش ؟؟وليش؟؟؟وليش؟؟؟؟
لاصار هو يحبن على قولتهم ليش خطب غيري وليش سوى كذا وليش تراجع عن خطبته ونجول اللي كنت احسبه متهنيه مع زوجه طلعت العن من حياتي ووووو....آه بس مأحد مرتاح...


تذكرت سعود ياروحي تعبان ...
دقيت على جواله ورد علي...
سعود: هلا والله ...
مروق غريبه ...
لولوة: هلابك وشلونك اليوم ؟؟
سعود: الحمدالله بخير وتغديت انتي وشلونتس ان شاء الله استانستي ؟؟؟
لولوة: الحمدالله نواف وينه؟؟؟

سعود : وش تبين به؟؟
لولوة: ابيه يجيبن بعد شوي ؟؟
سعود : لاجهزتي دقي علي انا تحت عند فيصل ...
لولوة: ان شاء الله ..



دقيت على جوال نجول:هلابتس قعدتي جيتس

وسكرته بوجهي


دخلت الغرفه ...
نجول:ياعيني قاعده مبطي ومادقيتي علي
لولوة: احس جسمي مكسر ...
نجول : قومي تغدي انطرتس..
لولوة: يالله ابلبس جلالي واجيتس
لبست جلالي ونزلت ...رحنا للمجلس وحطت االغداء لنا وسلطه تهبل من اختصاص نجول اعرفه
كليت مادري من الوناسه مادري ليش بس كليت لين حسيت اني ابنفجر .....
ترى للحين ماشفت خالي ...
قلت: نجول وين خالي ..
نجول:ابوي بالديوان ...عند العيال يلعبون ورقه ...
لولوة : ابروح لبيتنا امي اكيد فاقدتن اللحين ...
نجول: لا ياشيخه تكفين اقعدي ...
لولوة: اذلفي لزوجتس لاتخلين مجال لامه تكلم معه اللحين دقي عليه قولي مرن ابروح للبيت معك مو يروح لبيتهم على طول..
نجول: برايك كذا؟؟
لولوة: لا خليييه يما يتزوج عليتس ...
قامت وكفختن
نجول: كش وجهه كش وجهه كش وجهه
لولوة: اااااااااي ااااااااااااي يادبا خلاص عساه مايعرس بس خليني ...
نجول: خلاص ابدق عليه ...
دقت نجول وطلع توه بيحرك من البر وزنت عليه يمره يوديه للبيت بحجه انه تبي بيتهم وانه مشتاقه له ...

وانا دقيت على سعود وطلعت ومريت خالي بالديوان
وقفت عند الباب وسلمت وردوا علي
وجاني خالي برى علشان اخذ راحتي

ابو فيصل: وشلونتس يامي ؟؟
لولوة: الحمدالله بخير عساك بخير..
ابو فيصل: واهلتس وامتس وشلونهم ؟؟؟
لولوة:بخيروالحمدالله انت شلونك خالي وشلون صحتك؟؟
ابو فيصل: الحمدالله بس لاتسالين عن صحتي لاسالتوني اتذكر الظغط ووجع الظهر..
لولوة: هههههههههههههه خلاص والله توبه ماسألك
ابوفيصل: محتاجه شيء وانا خالتس ؟؟
لولوة: لاوالله سلامتك ..
ابو فيصل: طمنيني عن زوجتس وانا خالتس ان شاء الله بخير..
لولوة: الحمدالله يقولون العلاج يطول وللحين الله يعين ..
ابو فيصل: اللهم آمين ...
طلعت وركبت مع سعود ورجعت لبيتنا تسبحت وبدلت وحطيت مكياج خفيف وتبخرت ونزلت لامي
اللي اقلت لي انه تبي تسير على جيراننا ومن زمان مارحت لهم قلت يالله خذينا قهوه وشاهي وسويت حلا على الطاير بديما بسكوت بالتمر ورحنا لهم العصر


[blink]نتااااااااااااااااااااااااابع كمان [/blink]

[قلب الزهـــور]

[blink]

أنا ما أقدر أكون إني حبيب في بعض أحوال

[/blink]


طلعنا انا وامي لجيراننا من زمان ماسيرنا عليهم هاذي اسمهم طول الله اعماركم ام عواد ومن وقت لوقت يجيها مرض نفسي بس هذا مايمنع ان الناس تزوره ونحبه ونفقده لان الامراض بيد الله سبحانه وتعالى بس ياهي حبوبه وصابره على زوجها العله وهو متزوج عليها وهي عنده ثلاث بنات وثلاث عيال اكبر عيالها من وعيت على الدنيا وهو يدرس مادري متى يخلص ويرجع لحايل لاتحسبونه برى ترى بالرياض بس عندنا غربه ههههههه
المهم دخلنا وسلمنا عليهم وهي ترحب وتهلي عسى ربي يدوم عليها بالعافيه بس تدرون وشو عيبهم بناتهم حياهم غير عن كل حياء بس بنتهم مها حبوبه واصغر مني بسنه وتدرس معي بنفس المدرسه ولذلك هي اللي تقعد معنا واستانس حيل عليها دايم اتمنى يتزوجها واحد من اخواني …
قعدنا سوالف واحلى مابجلستهم مايحبون يحشون يعني نعلق على بعض نسولف عن الدنيا عن كل شيء …
رجعنا لبيتنا وانا مروقه لاني احبهم ومثلهم جيران ماراح نلقى حتى عيالهم ادب واخلاق وللعلم من 11 سنه جيران ولا شفتهم ولا مره مو انا شقيانه طول عمري بفيصل وبعدين بطلال ….

طالت مده العلاج وانا قلبي نار عليه وهو تلقينه عند هالشقر عساك للماحي ماكلف خاطره حتى برساله آآآآآآه يافارج الهم فرج كربتي

قررت انا وامي نروح نسلم على ام طلال لان لي مده ماشفته وعيب بعد ام زوجي وله حق علي ..
دقيت على منوله :
لولوة: الو
منول: ياهلا وغلا بريح الحبايب
لولوة: هلابتس ياقلبي وشلونتس ؟
منول: بخير انتي وش اخبارتس يالقاطعه
لولوة:الحمدالله ماشيء االحال ...منول ياقلبي عندكم طلعه اليوم؟
منول: ايه ابرتب غرفتي هههههههههه ماني فاضيه
لولوة: هههههههههههه لا صتس عاد بلا مزح انا وامي نبي نجيكم ..
منول: الله ياحظنا ناس يبونا يجوننا الله حياكم تكفون تعالو كلكم حتى اجدادتس
لولوة: ههههههههههه ان شاء الله يعني خالتي ماهي طالعه اليوم
منول: نو نو نو اصلن من سفرت طلال وفهد قليل تطلع
لولوة: اجل ان شاء الله نجيكم العصر ...
منول: اقول لولوة...والا خلاص ...
لولوة : لا بالله تقولين وغلاة الناس عندتس؟
منول: انتي ماتدقين على طلال ماتسألين عنه؟
لولوة: دقيت مره وتعامل معي كانه ثلج وطابت نفسي لا ارجع واكلمه ..
منول: ياملا الوجعه لعنبو حيتس هذا رجلتس لو تدقين على امير فنزويلا وتطلبينه ماهو لايمتس
لولوة: هي قالت امير فنزويلا انا متت ضحك هههههههههههههههههههههههههههههههههههههههههههههههههه ههههههههههههههههههههههههههههههه

منول: ايه اضحكي يما يجي متزوج فنزوليه سمرا مملوحه جذابه وترقص له رقص فنزويلي عاد اكا الساعه خلي ينفعتس راستس الحجر
لولوة: ماظنه يسويه اهون عليه برايتس ؟؟
منول: الا تهونين لاتدقين ولاترسلين ولاتحسسينه بقيمته خلتس كذا احسن يصيرن حريم اخاوني منوعات هههههههههههههههه
لولوة: خلاص خلاص ادق اللحين
منول: ايه هذا الكلام السنع تعدلي وانا امتس ماحد نافعتس لاخذا عليتس
لولوة: ههههههههههههه صرتي امي بعد يالله يالله باي ابدق عليه
منول: باي ولاتنسين ترى انطركم ابزين لكم من اختراعاتي حلا .
لولوة: ان شاء الله بدك شيء ؟؟
منول: لا مع السلامه ...
سكرته منه ودقيت وانا بنفسي مو مرتاحه لاتصالي مادري ليه مع انه زوجي بس جافي حيل

سمعت صوته:
الو
لولوة: هلا ..
طلال: هلابتس ..
لولوة: شلونك طلال وش اخبارك ان شاء الله بخير
؟
طلال : الحمدالله بخير
لولوة: .....( ياربي وش اقول) مطول العلاج؟
طلال: لاتقولين اشتقتي لي
لولوة: بسرعه بدون ماتفكر: الا والله اشتقت لك
طلال: تشتاقلتس العافيه
لولوة: ياويلي من هالجفاف اموت ناقصه عمر : طلال
طلال: نعم
لولوة: انت ماتبيني والا وش بك ماتبي حتى تكلم معي اذا ماتبيني يابن الناس قل ترى نفسي عزيزه واللي مايبني مانبيه .. وبدت دموعه تنزل بصمت ماتبي تبين له ان تبتسي ...
طلال: الا والله ابيتس وابي الارض اللي تمشين عليه بس الظروف...
لولوة: أي ظروف علشانك تعبان ؟؟كلهم يقولون الحمدالله انك احسن من اول وانت بنفسك تقول انك احسن وكثير اجل أي ظروف ؟
طلال: اكلمتس بعدين؟؟؟



[blink]نتااااااااااااااااااااااابع كمااااااان [/blink]

[قلب الزهـــور]

[blink]

أنا ما أقدر أكون إني حبيب في بعض أحوال

[/blink]



لولوة: مابيك تكلمن ولا اكلمك من اللحين قل ياتبيني او لا ...
طلال: قلت لتس بعدين ..
عندت اكثر وعصبت منه ومن جفاه وانا اللحين مايهمن احد قسم فورت منه يعني اعصابه احسن من اعصابي انا لي كم شهر وانا حالتي كذا وهو يحسبه شايل الهم لحاله
لولوة: وانا قلت لك اللحين
طلال: يعني تموتين اذا ماعصبتيني ارتحتي اللحين يوم عصبت وانا قلت بعدين يعني بعدين وانطقي ببيت اهلتس يما ارجع واشوفلتس حل .. وسكره بوجهي
ارسلت رساله

طلق اريح لي ولك بين عليك انك ماتبيني

خذت ربع ساعه وجته رساله

مشكله بعض ناس بهم غباء والظاهر تحول جنون

كش ياكرهي لك ولطبعك اللي يجيب كل هموم الدنيا لبست على الطاير وحطيت مكياج خفيف ورحنا انا وامي لاهله
ماطولنا سلمنا نص ساعه ورجعنا لزموا بالعشاء بس انا اوامي ماودنا نطول ومنوله تدعي علي وانا ميته ضحك عليه
منول: ياربي ياشينتس يعني هذا مو بيتس ....
لولوة: الا بس يما يرجع طلال ان شاء الله واجي
منول: يعني حنا وانا اولهم ماحنا مالين عينتس
لولوة: لا والله بس ببيت ابوي اريح وهنا عيال ولاصار طلال ماهو هنا وش يقعدن
منال: لحظه لحظه ..
ماسمعت الا صوت يقول هلا وياويلي من هالهلا

يقوله حتى لاهله بطريقه غير وانا كانه يكلم رجال

منول: هلا باخوي وشلونك
طلال: الحمدالله انتم شلونكم وامي وابوي والعيال كلهم؟
منول: كلنا بخير الا وحده
طلال:امي به شيء؟
منول: لا لا بسم الله على امي مرتك المقروده مادري وش بلاه ..
طلال: منيل تكلمي وش صاير خلصيني به شيء؟؟
منول: اييييييه به بس انت دق عليه ...
طلال : والله العظيم ان ماتكلمتي ماهو احسن لتس تسمعين
منول: عيت تقعد عندنا وانا ابيه تنام بشقته ..
طلال: اللحين هاذي السالفه
منول: ايه طفشت مالقى احد احاتسيه غير الجدران وباب شقتكم
طلال: وينهي عندتس ؟؟؟
منول: ايه ..
طلال: عطيني اياه
خذيت الجوال بدون ماقول شيء:
طلال: الو ..زعلانه ...
لولوة: ايه
طلال ضحك ضحكه بس وصلت لقلبه تحسه جنبه
طلال: ولايهمتس بس ارجع اراضيتس
لولوة: كله كلام بس تجي يصير شيء ثاني ...
طلال: ههههههههههههههههههه وش بيصير طلاق لو تحبين السماء ماطلقت تدرين عاد اني اموت بتس
لولوة: مادري هو اللي كلمته قبل شوي والا مبدلينه مروق ياويلي اخاف شارب بلا ..
ردت عليه بسرعه وبدون تفكير
الحلم يجمعني بكم كل ليله ...
طلال: انا ابسكر الجوال ماهو عشان زعلان بس خايف انسى العلاج واجي ومنيل هاذي قولي له حسابه بعدين يعني لازم تذكرن بالشقه وايامه
سكت ياويلي فسد الرجال راح خلاص ...
طلال: ياربي مادري مشوين الناس ياطول لسنهم واللحين يازين الادب يعني مافيه حبيبي روحي قلبي ..
لولوة: تدري انك كل شيء واكثر بعد
طلال: شكلتس عندتس احد بالليل اكلمتس ..
لولوة: ان شاء الله
طلال: لولوة..
لولوة: هلا..
طلال: بذمتس مو مشتاقه لي
لولوة: الا..
طلال: عطيني بوسه ؟؟
لولوة: ماقدر ..
طلال: عطيني اقولتس والا قسم بالله لاجيت لاخليتس تبوسينن قدامهم ..
لولوة: طلال وربك عاد ..
طلال: هين بس هين كله كم شهر واوريك والله لاطلع هالجفاء من عيونتس ...
لولوة: ان شاء الله وتذكرت كلمته وقالت ..لا لا اقصد لا ان شاء الله
طلال: هههههههههه انا رجال امشي على الكلمة الاولى اما الكلمة الثانيه ماخذ به ابد يالله سلمي عليهم كلهم ..
لولوة: الله يسلمك مع السلامه وسكرت





[blink]نتاااااااااااااابع غدآآآآآآآآ ان شاء الله [/blink]

نشكر كل من تابع الرواااااااايه

مع تحياااااااااااااتي قلب الزهور

باااااااااااااااااااااااااااااااي

[مسك العود]

يعطيك العافيه يالغاليه بس عطينا اجزاء اكثر ترى وربي شوقتينا على النهايه