*,’رواية خذني بحضنك خلني اذوب بريحة انفاااسك ’,*

[ملكة الرومنس]

في غرفة رند .. كانت تكلم غيداء واقفه عند الشباك وتناظر ع وليد ..

: أه يا غيداء أحبه وأموت فيه من أول ماشفته عجبتني أخلاقه ووسامته ورزانته وكل شيء فيه
غيداء : إنتي مهبولة ولا وش يا رند أحد يحب سوااااق
رند : حتى لو زبال الحب مافيه هالامور لما يدخل قلب الانسان ويسيطر ع مشاعره يصير معمي عن كل شيء
غيداء : الله من كان يتوقع رند المغرورة المتكبرة تحب ومن كمان سواق يشتغل عندهم
رند : قلت لك الحب مايعرف لاكبير ولا صغير
غيداء: مدري ايش بقولك يارند بس وش مصير حبكم اكيد مابكون الزواج يعني مستحيل اهلك يوافقوا ع هاذا وليد إنتوا وين وهو وين ...
رند : المهم اتركينا من موضوع وليد شيء سابق لاوانه ... اللحين بتجي اليوم إنتي وهاذي اللي اسمها خلود
غيداء : أكيدات رح نجي ..
رند : وياني وياكي يا غيداء نغلط بالخطه غلط واحد حتى لو بسيط رح ننكشف فهمتي
غيداء : لاتخافي ولاتهتمي أنا مضبطه كل شيء .. بس رند بقولك شي ؟
رند بعدت عن الشباك وجلست ع السرير : قولي ؟
غيداء : أول شيء ليه تكرهي مزون كل هالكره , وثاني شيء ليه تبي خلود تسوي هالخطه ؟
رند عصبت : أول شيء مالك دخل باللي اسويه وثاني شيء تنفذي وانتي ساكته نسيتي من انتي غيداء ولا اذكرك؟
غيداء اللي متعودة ع تجريح رند لها : لا مانسيت من أنا أنا البنت الفقيرة اللي امها وابوها متوفين وعايشه مع جدتها ببيت شعبي وإنتي تتصدقي علينا بفلوس وملابس
رند بعدم إهتمام : الحمدلله يعني حافظه الدرس ومانسيتيه .. المهم يا غيداء"وقالتها بسخريه" اليوم ع اتفاقنا أوكي ؟
غيداء بغصه : طيب
رند : يلا باي "وسكرت السماعه من غير لا تنتظر ردها
غيداء بعدت الجوال النوكيا عن إذنها وناظرت بإسم رند وقالت "الله ياخذك وأرتآح منك وحدة حقييرة "
سمعت صوت جدتها تناديها : غيداء يا بنيتي ...
قامت من سريرها : سمي جدتي ...


أما رند رمت جوالها ع السرير وطلعت من غرفتها وكانت بتنزل تحت شافت سعود ومزون طالعين من غرفتهم إبتسمت ببرود وتقدمت منهم : صباح الخير يا معاريس
سعود مستغرب من أسلوبها : صباح النور رند
مزون ابتسمت : صباح الورد رنودتي
رند : شلونكم
سعود ومزون : الحمدلله
سعود : إنتي كيف إيدك ؟
رند ناظرت إيدها وناظرته : الحمدلله إحسن بكثير من أول "إنتوا وين رايحين لابسين ومتكشخين ؟
سعود حضن مزون من كتوفها وغمز لرند : سر البزرآن مايعرفونه
رند أنقهرت لأنه حاضنها بس ما بينت : لاوالله انا بزره اللحين ؟
مزون ضحكت : ههههههههه لا تزعلي حبيبتي ... حتى أنا ما أعرف ...
رند تظاهرت الفرح : لاعادي حبيبتي مازعلت دام هالشي يونسكم عادي
سعود مسك إيد مزون : يلا عن إذنك
ونزلوا تحت وإختفوا عن نظر رند ...

رند تسندت ع باب غرفتهم ورفعت حاجبها بخبث "اليوم نهايتك يا مزون وإن ما كانت اليوم بكرا أوبعده وتنهدت بفرح وجات نازله لتحت "



بيت أبو نوآف .. في مجلس الرجال كآن خالد والنوري جالسين مع بعض ..

خالد مو عارف من وين يبدأ لأن وقت ماجا وهي ساكته وما تكلمت قال بهدوء : النوري فيكي شي حبيبتي ؟

النوري ياربي والله مالي خلق أتكلم قالت بهدوء : لاء مافيني شي بس أنتظرك تتكلم
خالد : طيب أنا جيت عشان بتفاهم معاكي على البعثه ؟
النوري ناظرته بمعنى كمل كلامك ..
خالد فهم عليها : أنا مو موافق على البعثه
النوري رفعت حواجبها بصدمه بعدين هديت ملامحها وإستوعبت : بس أنا أبي هالبعثه وبكلم دراستي برا
خالد : النوري أرجوكي تفهميني أنا أبي أتزوج وحدة تتفرغ لبيتها وزوجها بس مابي دراسه وشغل وخرابيط
النوري بستغراب من تفكيره : اللحين الوحدة لما تكمل دراستها وطموحها خرابيط ابداً ماتوقعت تفكيرك كذا يا خالد
خالد : النوري انا لامتحجر ولا غيره بس مابي سفر وبعثه ابيزوجتي تتفرغ لبيتها وزوجها بس
النوري وقفت : للإسف يا خالد ما كنت افكر تفكيرك كذا , يعني المرا لانها ضعيفه خلاص تندفن بالبيت والاطفال مالها طموح واحلام "ناظرته بأسف وطلعت"
خالد وقف وتندم وصار ينادي عليها لكن هي طنشت وطلعت ...
طلع خالد من المجلس وبعدها من البيت شاف نواف برا يطقطق بجواله طنشه وركب سيارته ومشي نواف انتبه له وصار يناديه بس مارد
دخل البيت عشان يشوف وش صار ..!



وصلوا مزون وسعود .. سعود وقف السيارة وإلتفت لمزون
: يلا روحي إنزلي ..
مزون ناظرت المكآن : الشاليه ...
سعود مسك إيدها : إيه الشاليه شهر عسل ياعسل
مزون : مو هذا نفسه اللي جينا عليه أول
سعود نزل من السيارة وراح فك لها الباب : لا هذا شاليه حقي أنا محد يعرف أني شاريه اشتريته يوم قررت اتزوجك
مزون نزلت وسكرت الباب : مخطط ماشاء الله ...
سعود مسك إيدها واشر للبواب يفتح : إيه مخطط
دخلوا عند المسبح : إسمع عبدالرحمن نزل الشنط من اللشنطه ودخلهم جوا
عبد الرحمن : حاضر طال عمرك
دخل سعود هو ومزون جوا الشاليه وكآن جدا راقي وكلاسيكي , الأرض كآنت بآركيه خشب بني .. وفي فوق غرفتين غرفة نوم وغرفة فاضيه , وتحت طاولة طعام صغيرة مرة والمطبخ أمريكي مفتوح ع الصاله والصاله فيها بلازما وجلسه بسيطه مرة , وقدآم الصاله بالضبط المسبح ولما تطلعي من عند المسبح تتمشي تطلي ع الشاليهات الثانيه
مزون ناظرت بإعجآب : ذوقك يهبل حبيبي
سعود : المهم تعالي أوركي غرفتنا "وغمزلها"
مزون فهمت له : لا بروح أشوف المسبح
سعود مسك إيدها : طيب أجي معك
مشيوا وراحوا عند المسبح مزون التفت لسعود : حبيبي بفصخ العبايه
سعود ناظر يمين يسار : طيب دقيقه ..
طلع برا واخذ الشنط من السواق ودخلهم وسكر الباب
راح عند المسبح وشافها جالسه ع الكرسي اللي قدآم المسبح تنتظره .. راح وجلس جمبها : خلاص حبيبي اذا تبي فصخي العبايه ..
مزون فصختها وحطتها ع الطاولة اللي قدآمها : تعرف سعود ودي أسبح -_-
سعود إبتسم : طيب أنا وإنتي وش رايك
مزون إستحت حيل وقالت : ءء لاخلاص مابي
سعود وقف وشدها : يلا عااد قومي بلا دلع
مزون تجمدت مكانها : لاسسعود مابي استحي والله مابي اسبح معك
سعود مسكها وشالها بقوة : ارميكي بالمسبح
مزون تعلقت برقبته ودفنت راسها : لاسعود الله يخليك مابي نزلني سعود الله يخليك
سعود صار يضحك بقوة : خلاص استعدي واحد اثنين ثلاثه
مزون صارت تبكي : لاسعود مابي الله يخليك مابي
سعود ما اهتم فكرها تمثل ونط بالمسبح هو وياها وهي بعدت عنه وقالت : إنقلع لا تكلمني
سعود صار يضحك بقوة مسك المويا ورشها
مزون صدق كانت زعلانه طلعت من المسبح وجلست ونزلت رجولها : لاتلكمني مابي اكلمك
سعود قرب عندها وشدها من رجولها ونزلت بين إيدينه وصار ماسكها من خصرها : يلا عاد يا قلب سعود لاتزعلي إنتي وحدة حساسه وبزره
مزون : بدينا بالغلط بزره ها ؟
سعود يناظر عيونها اللي تلمع : إيه بزرة
مزون دفته وغطست راس بالمويه وهو حاول يطلع بس مزون كانت تضحك وتزيد تغطس راسه ..
بعدين بعدت عنه وطلعت من المسبح خافت يسوي لها شيء
سعود طلع راسه ورجع شعره الاسود الناعم لوراء وكان يكح : كح والله يامزون لاوريكي كح
مزون واقفه برا ومتخصره : أحسن عشان ثاني مرة لا تنزلني غصب عني
سعود ابتسم عليها وع تفكيرها وكل يوم عن يوم يزدآد حب هالانسانه بقلبه .

[ملكة الرومنس]

فـي قـصـر أم سـعـود ..
__ فـي غرفة ريف كانت رند عندها وناشبه لها ..


رند : طيب قولي لي أي وحدة أحلى الحمراء ولا السوداء ؟
ريف تأفتت : ؤؤف خلاص رندوه طفشتيني ألبسي أي وحدا كلهم حلويين
رند ألتفت للمرايا : بلبس السوداء احلى وبعدين اليوم اول مرة تجي خلود عندي
ريف بتساؤل : مو هاذي خلود اللي كانت تكرهك ومتهاوشه معاكي ؟
رند : يب هي غيداء اتصلت علي تقولي تبي تزورك وتصالحك نشوف وش تبي ..
ريف : إنتبهي منها يمكن بتسوي لك شي ..
رند : مدري حتى أنا قلت كذا بس ما اعتقد هي طيبه
ريف بستغراب : رند انا اللي توقعت هالكلام يطلع منك تقوليلي طيبه وش غيرك صرتي مسالمه وماتشكي بخلق الله سبحآنه
رند وقفت : أووووه أذا الوااحد صاار طيب مايسلم وان صرت شريرة كمان ما اسلم أجل وش اسوي ؟
ريف : ياستي لا تسوي شي خليكي ع طبيعتك ولا تتصنعي شي مو لايق عليكي .. <.>
سمعوا صوت جرس البيت رند طلعت من الغرفة ركض لتحت وقفت أعلى الدرج
وشافت الخدامه لما فتحت لغيداء وخلود
رند ابتسمت بخبث اليوم نهاية مزون نزلت : هلا وغلا تو مانور البيت
خلود وغيداء اللي كانوا واقفين : منور بأهله
رند نزلت عندهم : تفضلوا أجلسوا ..
جلسوا خلود وغيداء ..
رند : المهم إنتي عارفه ياخلود الخطة اللي فهمتك هي غيداء صح
خلود : صح يارند
رند طلعت الـ cd من جيب بنطلونها ومدته لخلود : أمسكي أبيه اليوم يتوزع بلوتوث وع كل أمآكن التواصل الأجتمآعي يعني ابي كل العالم تشوفه واكتبي فضيحة مزون زوجة التاجر سعود راشد الـ ......
خلود أخذته وتعلو ملامحها ابتسامة خبث : من عيوني تآمري أمر ...
رند رجعت نفسها لوراء : واللي فهمتك اياه يصير .. ومن وقت ماتسوي هالشي تطلعي من الشرقيه كلها وتروحي الرياض الدمام جدة أي مكآن أوكي ؟
خلود : لاتخافي أول ما أنفذ المهمة بروح ع الرياض عند خالي ..
رند : عفيا عليكي هذا الكلام الصح "والتفت لغيداء اللي كانت تناظرهم بحسرة " وش فيكي ست غيداء تناظريني كذا ؟
غيداء تنهدت : ولاشي رند
رند قربت منها وشخصت نظرها عليها : سمعي غيداء ان هالشي هاذا عرفه احد غيرنا احنا الثلاثه والله لاتشوفي شي بعمرك ماشفتيه تعرفي البيت اللي انتوا فيه بكلمة مني لصاحب البيت تطلعوا منه هو صابر عليكم بالاجار لاني انا ادفع لكم والاكل والشرب والمصروف وكل شيء بنسحب ومكانكم بكون الشاااااارع وين الشااااااارع
غيداء بلعت ريقها بخوف : لا والله مابقول لاحد يارند انتي عارفتني ماراح افتح فمي بحرف واحد
رند وقفت : أوكي نشوف ياغيداء .. يلا تعالوا نطلع فوق ..


فـي الصبآح .. في بيت أم جرآح ..
__ وبالتحديد غرفة سارا .. إندق باب غرفتها كآنت منسدحه ع السرير وقدآمها الايباد وتطقطق عليه تركته وقفت ولبست شبشبها <الله يكرمكم > وشعرها كان مبعثر ونصه مفتوح ونصه ممسوك ببكلة ولابسه بيجآمه لون أصفر شورت لفوق الركبه وبلوزة عاريه الاكمام عليها بنوته كيوت باللون الاورنج فتحت الباب وتصنمت ..
فهد ناظر عليها مشتاق لها حيل سيطر ع مشاعره : ممكن أدخل ..
سارا دخلت وتركت الباب مفتوح يعني إدخل ..
دخل فهد وسكر الباب شافها جالسه ع السرير راح وجلس قدآمها ..
: ممكن نتفاهم
سارا من غير لاتناظر : ماعندي شي نتفاهم عليه غير الطلاق ..
فهد : سارا لا تحكمي ع الامور من غير لاتفهمي
سارا للحين هاديه وماصرخت : فهد ارجوك لا تضغط علي كلمة واحد أظن ماهي صعب تنطقها إنتي طالق
فهد : سارا لا تجننيني هالكلمة بتغير كل شيء بحياتنا هالكلمة بتدمرني وبتهدم حياتي وحياتك كمان
سارا ناظرته : حياتك إنت أما أنا لاء لاني مابخسر شي ..
فهد : مابتخسري شي .."وناظرها وهو رافع حاجبه "
سارا بثقه : إيه مابخسر شي بل بالعكس بكسب برجع إنسانه حرة نفسي مثل أول محد يتحكم فيني ولا احد يتأمر علي .. أصلاً حياتي معاك مالها دآعي للأسف
فهد جرحه كثير كلام سارا : مالها فايدة ومالها داعي اجل ليه تزوجتيني سؤال ؟
سارا : كنت طايشة وماعندي مخ افكر فيه وكل همي قال ايش الزوآج بس للاسسف كنت بقمة غبائي وطيشي
فهد : ماكنت أتوقعك كذا ياساارا
سارا : إنت اللي خليتني كذا يا فهد بتصرفاتك وخيانتك
فهد وقف وبعصبيه ضرب إيده بالكمدينه وقرب منها : لاتقولي بخيانتك انا ما خنتك كم مرة بفهمك "وصرخ بقوة"
سارا عيونها دمعت ودموعها ع وشك النزول
فهد : تبي تطلقي صح إنتي طالق يا سارا
وبعد عنها وطلع من الغرفه وصقع الباب بصعبيه ونزل كانت أم جرآح جالسه بتوتر وشافته نازل ومعصب نادته بس مارد عليها طلعت فوق وهي خايفه ع بنتها دخلت الغرفة ولقت سارا تبكي ومغطيه وجهاا بإيدينها ..
قربت منها وجلست قدآمها وبخوف : يمه بنيتي وش فيكي ؟
سارا رفعت راسها وكان كل وجهاا مليان دموع : يمه فهد طلقني طلقني يمه
أم جرآح بحزن حضنتها : لاحول ولاقوة الا بالله إهدي يمه إهدي ..



عـنـد مزون وسعود ..

كانوا نايمين بس للحين محد اخذ حقوقه من الثاني <فيس مستحي>
بعد ماتعبوا أمس أول ماخلصوا من السبآحه طلعوا وأخذو شاور وتغدو وجلسوا يسولفوا بعدين جات الساعه 9 الا هم نايمين ..
فتح عيونه بتعب ووهن لما جواله رن بمسج .. ما إهتم لجواله أخذه وسكره ..
إلتفت لمزون اللي لسه نايمه عدل نفسه وقعد يتأملها وإبتسم أحلى شي سوته أمي إنها عرفتني عليكي يا مزون حبيتك من أول مرة وحسيت إنك تعني لي شيء كبير , الله لايحرمني منك ..
قام من مكآنه ورآح للحمآم<وإنتوا بكرآمه> غسل وجهه وتوضأ عشان يصلي مع إنه تأخر بالصلاة ..
راح لمزون وهزها : مزونتي مزونتي حبيبي قومي صلي الفجر ..
مزون تحركت بكسل وفتحت عيونها بتعب : ها حبيبي نعسانه مرة ..
سعود : قومي صلي زينن ..
مزون عدلت نفسها ورجعت شعرها لوراء وإبتسمت : صباح الخير
سعود إبتسم لإبتسامتها : صباح الورد
مزون وقفت : بروح أتوضأ عشان أصلي وبعدها نبدل وننزل نفطر أوكي
سعود : أوكي حبيبتي
إبتسمت ودخلت الحمام ..
سعود أخذ جواله وقعد ع السرير .. فتحه وراح للرسائل وشاف فديو مرسول له من رقم غريب إستغرب وقبل لا يفتحه قرأ العنوآن "فضيحة مزون زوجة التاجر سعود راشد الـ ....."
الشرار صار يطلع من عيونه ووجهه صار أحمر فتح الفديو بسرعه وشاف مزون وهي لابسه الفستآن وترقص وتتمايل وجا بباله هذا الفديو الكل شافه رما الجوال ع السرير وراح عند الحمام ودق الباب بقوة : مزوووون ياحقيييييير إفتحي إفتحي لأكسسسر الباب عليكي




إنتهى <أدري مو وقتها بس شنسوي لازم ينتهي


أنتظر توقعاتكم -_-

[ملكة الرومنس]

البارت الثامن والعشرون
"ثمنية وعشرين"







رما الجوال ع السرير وراح عند الحمام ودق الباب بقوة : مزوووون ياحقييييييرة إفتحي إفتحي لأكسسسر الباب عليكي
مزون خآفت وتجمدت مكآنها فتحت الباب وهي ترجف : وش فيك حبيبي ؟

سعود مسكها من شعرها بقوة : أنا وآحد حمآر إللي وثقت فيكي وحدة حقييرة وخاينه
مزون تألمت وحآولت تفك نفسها بس ماقدرت : آه سعود فكني الله يخليك وش سويت أنا ؟
سعود رماها ع السرير بقوة وأخذ الجوال ورمالها اياه وشغل الفديو : ها شوفي شنو هاذا ؟
مزون أخذت الجوال بإيدين مرتجفه وتناظر سعود بعدين الجوال إنصدمت من الأسم فضيحة مزون زوجة التآجر سعود شغلت المقطع بسرعه وشافت نفسها وهي ترقص هاذا أول أمس لما رند سوت حفله من ناشره رمت الجوال وقالت وهي تبكي : سعود إسمعني الله يخليك إسمعني
سعود قرب منها ورفعها من شعرها والشرار يتطاير من عيونه : مابي أسمعك ولا أبي أفهم منك شي ترقصي وتوزعينه
مزون وهي تبكي : سعود أنا مانشرته والله مانشرته محد يبي يفضح نفسه صدقني يا سعود
سعود مسكها من ذراعها وفتح الغرفة الفاضيه ورماها ع الارض : بتبقي هني لين تخيسي لحد ما أشوف حل لهالمصيبه هااذي ..
سكر باب الغرفه بالمفتاح وتنهد ونزل تحت قال للحارس ينتبه ع الشاليه ركب سيارته وشغلها وتوجه لبيتهم ..

مزون كانت جالسه بزاوية الغرفه وضامه رجولها لصدرها وتبكي بقوة وتشاهق بشكل يقطع القلب , وينك يمه محتاجه لك يا جنتي محتاجه لك حيل ودي أشكي لك وأرتمي بحضنك أختي وأبوي وينكم محد يحس فيني كثركم , أنا قلت خلاص مع سعود بشوف السعاده بس طلعت غلطانه غلطانه بشكل سعود إنسان مريض وشكاك , بس من ممكن يسوي هالشي ومين نشره والمقطع مو مع احد الا مع رند ورند مو ممكـ ... "سكتت وفكرت شوي" معقول رند تسوي كذا لا يامزون رند مو لهالدرجه تكرهتي حتى إنها تفضحني وتشوه سمعتي .. "وقفت بثقل وذراعها يعورها مكآن ما سعود مسكها نأظرت الغرفة كآنت كبييرة وفاضيه ومافيها ولا شي "ياترى يا مزون لمتى بتبقي عايشه بهالعذاب وعايشه هنا تحت رحمة سعود لمتى بس "
ورآحت جلست ع الارض "بس إن سعود تمادى معاي وطول لسانه ومد إيده مرة ثانية بتطلق منه أنا مستحييل أكون له مستحييل خلااص نصيبنا مو مع بعض القدر حاب يفرقنا بإي شكل من الأشكال , والمصيبه سعود يصدق بسرعه , خلاص انا بتطلق منه وبرجع أسافر ع فرنسا أكمل دراستي وأبني حياتي من أول وجديد من غير أي أحد يكرهني ويتحكم فيني ويشك فيني آه يارب "



وصــل سعـود بيت أهله نزل من السيارة وهو معصب والشرار يطلع من عيونه فتح له الحارس باب القصر دخل وفتح باب بيتهم لقى الكل مجتمع بالصاله ووآضح ع وجهم الضيق
أم سعود أول ماشافت ولدها وقفت وتقدمت عنده : شفت فضيحة زوجتك شفت شلون تتمايل وترقص وهالفديو موزع ع كل العالم الكل شافه
سعود قرب منهم كلهم وناظرهم واحد واحد : وأنا جيت عشان هالموضوع بفهم من مسوي هالحركة الوصخه هاذي ؟
"وشخص نظره ع رند "
أم سعود : لا والله جاي تححقق معنا إحنا أهلك وتارك بنت إبليس روح أسألها هي من له كانت تتخصر وترقص ..
سعود : رقصها كان هني بالصالة وببيتنا يمه بس من اللي مصور وناشر الفديو مين بفهم ؟
ريف وقفت جمب سعود : أللي صور رند "وغيرت نبرة صوتها " بس يااخوي مو معقول رند تنشره
أم سعود : إنتي وياه بنتي مالها علاقه روحوا شوفوا مين ناشره ووخروا عنه ومزون يا سعود بعد هالفضيحة تتطلق زييين
رند وقفت وصارت تبكي : كمآن عشان أنا صورت صرت اللحين ناشرته صحيح ما أحب مزون كثير لكن ماتوصل فيني المواصيل أنشره وأفضحها مالقيتوا إلا انا
سعود قرب منها وبعصبيه : أجل مين ؟
رند وخرت وراحت جمب أمها وإرتمت بحضنها بتمثيل : مآدري والله مآدري ..
ريف : يمكن أحد سرق الـcd من غرفة رند ونشره
سعود : ومين هالشخص هاذا ؟
ريف : مادري هاذا الشي اللي نبي نعرفه
سعود : مصير الحقيقه تبآآن وانا رح أبينها
"وطلع من البيت"


في المستشفى كآن فهد توه دآخل ع المستشفى وقفه صوتها
: آءء فهد
فهد إلتفت وإستغرب : أهلا أمل ..
أمل بتردد : فـ ـهـ ـد أنا حآبه أشكرك ع كل شي سويته معي يوم توفت أمي , وأنـ ...
فهد إبتسم بمجآمله : أمل ماله دآعي تشكريني أي وآحد مكآني رح يسوي الشي اللي انا سويته وأكثر كمآن ولا شكر على وآجب
أمل : طيب فـ أقصد دكتور فهد انا بطلب منك مساعده لأن مالي أحد ألجأ له بعد الله إلا أنت ؟
فهد بتساؤل : خير أمري ..؟
أمل : الخير بوجهك ومايامر عليك عدو .. انا رح أنطرد من البيت إللي انا فيه"فهد ضيق وجهه ونزل راسه " بعد ماتوفت أمـي أنا طلعت من الشغل وعلي دفع إيجار الشقه ما اعرف شسوي رحت لخوالي وأعمآمي تبروا مني ومحد منهم راضي يساعدني ومالي أحد غيرك إنت ..
فهد رفع راسه وبتسرع : أمل تتزوجيني ..O_O !
أمل إنصدمت ماتوقعت يعرض عليها هالشي بهالسرعه هاذي .. نزلت راسها وسكتت ...
فهد عرف إنها مو موافقه قال بندم : أنا أسف أمل
"وجا بمشي دآخل المستشفى "
أمل قالت بتسرع وتردد : آءء فهد
فهد ألتفت عليها وهو ساكت "
: أنا موآفقه "ونزلت راسها "
فهد إبتسم بفرح : صدق موآفقه
أمل : إيه موافقه
فهد : خلاص بعد ما اخلص دوآم نتقابل بمكآن عشان نحدد وقت العرس ونتفاهم ..
أمل : طيب
فهد طلع فلوس من جيبه : خذي خليهم معك خذي لك تاكسي خليه يوصلك ع اي فندق واحجزي لك غرفة اقعدي فيها ع بال ما اجيكي انا بعد الدوآم
أمل : لاء فهد أروح عند صديقة لي أقعد عندها وإنت تعال خذني من عندها
فهد : لاء خذي الفلوس وروحي ع اي فندق ما ابيكي تحتاجي لأي أحد "وأعطاها الفلوس "
موعدنا اليوم بعد ما ينتهي دوامي لا تنسي ..
وإبتسم لها وأعطآهآ ظهره ودخل المستشفى وهو يتنهد مايعرف اللي سواه صح ولا غلط ..
أمل أول ما دخل طلعت جوالها من شنطتها وإتصلت ع نجلاء تقولها اللي صار ..

[ملكة الرومنس]

فـي بيت أبو نوآف .."


نوآف كآن توه دآخل البيت ما عليه شغل ولا شي مآخذ إجآزة له أسبوعين , لقى أمه والبندري قاعدين باالصاله .. تقدم عندهم : السلام عليكم
أم نواف والبندري : وعليكم السلام
نواف باس راس امه وجلس ع احدى الكنبات وناظر البندري : ليه ما رحتي ع المدرسه
البندري بترقيع عشان امها لا تنشب لها : بطني يعورني
أم نواف : وليه ما قلتي يا بنيتي كان اخذتك ع العيادة
البندري بتسليك : لا ماما هو وجع بسيط لا أكتر شربت حليب بالزنجبيل وخف الوجع
نواف : بطنك يعورك وتطقطقي بالبيبي
البندري وقفت وتناظر نواف بنظرات قهر : أقول يمه أنا بطلع غرفتي لان شوي وبرتكب جريمة
أم نواف بستغراب تناظر نواف : وش فيها هاذي وش تخربط ؟
نواف عدل جلسته : ماعليكي يمه منها , أنا أبيها تقوم عشان ابيكي بموضوع مهم ..
أم نواف بتساؤل : خير يمه ؟
نواف : إحم يمه أنا بغيت أعرس "ونزل راسه "
أم نواف بفرح : وأخيراً يا وليدي ما بغيت هاذي الساعه المباركة اللي اشوفك فيها معرس
نواف إبتسم وباس إيدها : الله يخليكي لنا يمه ..
أم نواف إبتسمت بحنآن : وفي ببالك وحدة ولا أدور لك ..
نواف : في ببالي وحدة
ام نواف بتساؤل : من هي ؟
نواف : رند بنت عمي راشد
أم نواف إبتسمت بس مو متطمنة : زين ما إخترت رند حلوة ومؤدبه
نواف يناظر تعابير وجهاا : يمه أحسك مو مستانسه ..
أم نواف بحيرة : مو كذا يا وليدي بس رند من إللي أعرفه إنها قويه ولسانها طويل
نواف رفع حاجب بستغراب "كل هالبراءة اللي شفتها ولسانها طويل " : لاتخافي يمه يعني أنا بخليها مثل ماهي بعدل لها أسلوبها والبنت لما تتزوج تتغير
أم نواف تطمنت شـوي : خلاص يا وليدي إن شاء الله نروح هاليومين أنا وعمتك وجدتك نخطبها لك ..




وصـل سعود ع الشاليه طلع فوق وصل للغرفة اللي فيها مزون ناظرها بحزن وتقدم ومسم مقبض الباب كان بفتح لها لكن صورتها وهي ترقص وإن كل الناس شافتها مو راضيه تغيب عن باله نهائي ..
ترك مقبض الباب وراح للغرفه الثانيه
مزون كآنت بالغرفة وتناظر من شباك الغرفة ع تحت وببالها فكرة مجنونة .. إنتبهت إن في حركة عند الباب وكانت تدري إنه سعود لأنها شافته وهو طالع تنهدت بضيق ودموعها تنزل ع خدها بصمت .. راحت عند الباب وحطت إذنها تبي تسمع إذا في أحد سمعت صوت حركة عرفت إنه راح ع الغرفة .. بعدت من عند الباب وجلست بزاوية الغرفة ..

عند سعود كان جالس ع أحدى الكنبات اللي بالغرفة طلع جواله وإتصل ع سكرتيرة معاذ ..
وصل صوته : ألو أهلين معاذ .. لا أنا بخير لا تخاف .. أنا متصل عليك عشان الشي اللي صار .. إيه المقطع اللي توزع إنت دريت .. ع قولك من مادرى .. المهم أبي منك تروح لبيتنا وتكلم الحارس المصري محمود بس من غير لا أحد ينتبه عليك لا امي ولا وحدة من خواتي وتكلمه يفك لك الكاميرا اللي ع الباب مع الأجهزة وتجيبهم عندي ع الشاليه فهمت وإنتبه أحد يشوفك والحارس أعطيه كم ألف عشان يسكت وقوله المعزب سعود يبي كذا فهمت ..
يلا أنتظرك في أمان الله ..
بعد الجوال عن إذنه وضغط عليه وهو يفكر من ممكن يسوي كذا .. اللحين بعرف من الكاميرا من دخل بيتنا ومن طلع ..





العصر عـنـد قصر أبو سعود .. توها ريف ورند نازلين من السيارة .. وشافوا معاذ السكرتير يكلم الحارس
رند تكلم ريف وهم داخلين : ريفوه مو هاذا معاذ السكرتير اللي بالشركه ؟
ريف وهي مو معاها تناظر وليد إنتبهت : هآ ؟
رند : وش ها أقولك هاذا مو معاذ اللي يشتغل بشركتنا
ريف ناظرت وراها وكان وليد نازل من السيارة وجات عينها بعينه التفت لرند : إيه والله هو وش جايبه هنا ؟
رند وصل لباب البيت ورنت الجرس : مدري والله يمكن أخوكي يبي منه شي
ريف وهي بالها مع وليد قالت بتسليك : يمكن ..
دخلوا البيت وكل وحدة كانت بتروح غرفتها بس ام سعود وقفت رند : رند
رند التفت لامها : أووه يمه إنتي بالصاله ما إنتبهت لك سوري
ام سعود : المهم بعد ماتبدلي ملابسك , تعالي ع غرفتي ابيكي بموضوع مهم ..
رند وهي خايفه يكونوا عرفوا ع فضيحة مزون : إن شااءء الله يمه
طلعت رند فوق ع غرفتها أول ما دخلت رمت الشنطة ع السرير وفصخت عبايتها ورمتها كماان ع السرير أخذت ملاابس دخلت الحمام وأخذت شاور سريع لبست بنطلون برمودا اسود وتيشيرت بدون حملاات لون ازرق ونشفت شعرها وفردته وبخت عطر وطلعت من غرفتها وهي راسمه ابتسامة خوف ع وجهاا تقدمت من باب غرفة أمها دقت الباب وصلها صوت أمها دخلت وسكرت الباب وقفت ورآ أمها اللي كآنت تنآظر شباك الغرفة ..
: هلا يمه بغيتيني ..؟
أم سعود إلتفت ع بنتها وإبتسمت ببرود عشان تطمنها : إيه بغيتك إجلسي ..
جلست رند ع أحدى الكنبات اللي بغرفة أمها وأمها جلست قدآمها
تكلمت أم سعود بجدية : إسمعي يا رند تو قبل لا تجي من المدرسه إتصلت علي زوجة عمك ام نواف .."وسكتت تشوف ردة فعلها "
رند بستغراب : إيه يمه وأنا وش دخلني ؟
أم سعود كملت : وحددت موعد عشان بتجي تخطبك لولدها نواف .
رند o_o
أم سعود تناظر علامات وجهاا : وش فيكي ؟
رند بعصبيه : مو موافقه من اللحين أقولك
أم سعود وقفت : هآو ليش وش فيه ولد عمك بصير دكتور ومحترم ويحبك وهو اللي قال لأمه تخطبك ..
رند وقفت وكانت تتكلم وتمشي بالغرفة : يمه خلاص قلت ما ابيه وأنا ما بتزوج من اللحين بكمل دراستي اولاً وثانياً نواف معقد وعصبي وما أحبه
أم سعود : رندووه سمعيني إن ما اخذتيه لا أوريكي شي بعمرك ما شفتيه ماعمر واحد فيكم سمع كلامي بشي سعود كسر كلمتي واخذ مزون وكاهي فضحته وسلمان سافر من غير شوري وانتي بعد من باقلي احكم عليه والله صرتوا انتوا تتحكموا فيني مو انا اتحكم فيكم
رند : يمه اغصبيني بشي ثاني لكن الزواج لاء والف لاء هاذي حياتي واللي بتزوجه بشاركني حياتي مو موضوع تافه حتى تغصبيني عليه
أم سعود : ياربي صبرني ع ما ابتليت فيه , "وقربت منها ومسك كتوفها من وراء وقالت بهدوء عشان تقنعها " طيب في ببالك واحد اشري عليه والله لا تتزوجيه
رند سكتت شوي بعدين التفت لامها وقالت بتردد : إيه في ببالي واحد
أم سعود : طيب قولي اشوف
رند بسماجه : قصدك أسمع
أم سعود بنفاذ صبر : إيه أسمع يلا قولي
رند جهزت نفسها عشان تقول وتهرب : أءءء السواق وليد
"وفتحت باب الغرفة وطلعت بسرعه خارقه "
أم سعود تحاول تستوعب وقالت وهي تكلم نفسها : هاذي تتكلم من جدها ولا تستهبل ..
وطلعت من الغرفة متوجها لغرفة بنتها ودقت الباب : رندوه إفتحي ابي اتفاهم معاكي ..
رند من وراء الباب كانت تبي تضحك : وش تبي يمه
أم سعود : إفتحي عشان أقولك وش أبي
رند : ماراح أفتح لأنك رح تضربيني
أم سعود : طيب مصيرك تطلعي
وجات نازله لتحت شافت ريف طالعه لغرفتها ومعها كوب قهوة
ريف بستغراب لأن باين ع أمها العصبيه : وش فيك يمه ؟
أم سعود وهي نآزله : أختك بتجنني أقول لها ولد عمك نواف متقدم لك تقولي مو موافقه "وجلست ع الكنبه "
قلت لها وش السبب في احد ببالك تقولي ايه كان اقول لها من هو تقولي بكل ثقه وبرود وليد السواق
ريف إنصدمت وطآح كوب القهوة من إيدها "
أم سعود وقفت : بسم الله عليكي وش فيكي؟
ريف عيونها دمعت , إنتبهت لنفسها ونزلت تلم القزاز عشان تخفي دموعها : ءء بس إنصدمت
أم سعود : إيه والله شي يصدم رند بنت الحسب والنسب تاخذ سواق هاذا اللي باقي
ريف رفعت راسها وهي مصدومه وراحت المطبخ .."

[ملكة الرومنس]

فـي بـيـت أبو نواف وقت المغرب ..

كآنت النوري بغرفتها تفكر بالشي اللي قاله لها خالد , أحسن جات منه عشان ارفضه قال ايش مو موافق ع البعثه يبيني اتزوج
واندفن للطبخ والغسل والاطفال , لا والله مو أنا إللي أهدم أحلامي وأدفن طموحآتي عشآن وآحد والمصيبه ما احبه لو أحبه يمكن
أضحي بهالأشياء عشانه , قطع تفكيرها دخول البندري عليها ..
وما لقتها الا ناقزة قدآمهآ : الحلو بوش يفكر ؟؟؟
النوري تمددت ع السرير : ما أفكر بشي ..
البندري : كل هالتكشيرة والسرحآن ولا بشي ..!
النوري بحيرة : إممم أفكر بخالد
البندري غمزت لها : إيه قولي بحبيب القلب ..
النوري : لاحبيب قلب ولا حبيب روح السالفه ومافيها إني ما أبيه
البندري بصدمه : لييشششش ؟
النوري علمتها السالفه يوم جا ورفض إنها تكمل دراستها وتسافر عشان البعثة "
البندري : أفاا ما هقيت تفكيره كذا
النوري : ولا أنا صرآحه عشان كذا محد فينا موافق ع شروط الثاني
البندري : يلا حبيبتي مو مشكله الله يعوضك باللي احسن منه
النوري: صرآحه أنا حتى لو جاني واحد ثاني مو موافقه بكمل دراستي وبس ..
البندري : بكيفك ..! المهم قلتي لأبوي إنك مابينه وذء ؟؟!
النوري : لاء لسه ما قلت له اليوم إن شاء الله لما يجي من الشغل بقوله ..!



فـي الشاليه عـنـد سعود .. كآن بالغرفة يكلم معاذ بالجوال
: أوك , خلاص أنا نآزل لك ..
سكر الجوال وطلع من الغرفة نآظر الغرفة إللي فيها مزون وقال بقلبه "قريب بعرف الحقيقة يا مزون قريب "
نزل تحت ولقى معاذ جالس بالصاله سلم عليه وشكره وطلع معاذ .."
شبك سعود الاسلاك وشغل الكآميرا عشان يشوف , ناظر وقال هاذي غلا والبندري طيب ..؟
بعدين المطقع اللي بعده كآنوا بنتين غريبين إستغرب : من ذولااا لا بنات عمي ولا بنت غلا ؟؟ معقول صديقات خوآتي ..
طيب بس هاذول اللي جو بيتنا من وقت الحفلة اللي سوتها رند معقول لهم يد بالقصة ..
سكر الكاميرا .. وطلع فوق عند مزون فتح باب غرفتها
كانت مزون قاعدة بالزواية ودافنه راسها رفعت راسها لما شافت سعود قدامها سعود قلبه وجعه ع شكلها وجها كله دموع وعيونها منفخه من كثر البكي
مزون ناظرته بنظرات ندم وقهر
سعود نزل لمستواها وناظر بعيونها اللي تلمع مد لها الجوال : إمسكي إتصلي بريف وإسأليها من البنتين اللي جو أول أمس مدري أمس ع بيتنا يلا
مزون أخذت الجوال بإيدين مرتجفه وراحت قائمة الاسماء ضغطت ع اسم ريف وبعد كم رنه وصلها صوتها : هلا سعود
مزون شوي وتبكي من صوت ريف تبي احد تشكي له : هلا رييف انا مزون ..
ريف بلهفة : يا روحي إنتي كيفك أخبارك وينك فيه ؟
مزون : أنا بخير "وكانت تناظر سعود اللي اعطاها نظرة تخوف " واموري تمام في الشاليه
ريف : وسعود كيف يعاملك بعد الفضيحة اللي صارت؟
مزون : يعاملني عادي أصلاً سعود ما صدق وما ضربني "وحست نفسها بتفضح " المهم أنا متصله عليكي بسألك من أول أمس مدري أمس جا عندكم ؟
ريف تتذكر : إممم محد "بعدين تذكرت " ايه ايه صديقات رند خلود وغيداء ليه تسألي ؟
مزون : لا بس سؤال .. "وشافت سعود يأشر لها تسكر " يلا حياتي مطره اسكر سلمي ع الجميع
ريف : في أمان الله طمنيني عنك مزونتي
مزون : إن شاء الله حبيبتي يلا مع السلامه
ريف : بحفظ الله
سكرت مزون وأعطت سعود الجوال بعصبيه ..
سعود ناظرها : فوق شينك قواة عينك ليه ترمينه كذا ؟
مزون وقفت وصرخت بوجهه : أكرهك أكرهك "خلاص ماعاد فيني صبر وتحمل أنا يا سعود كل يوم عن يوم أموت مية مرة شك وإهآنه وضرب , ولا مرة شفت معك يوم حلو طفشت من غيرتك وشكك وأي شي يجي عني تصدقه لمتى بتبقى كذا لمتى بدل ما توقف معي بهالمصيبة وتخفف عني تضربني هاذا بدل ما تقولي بعرف اللي فضحك وبتحدى الكل عشانك تسوي فيني كذا "ونزلت لمستواه وناظرت بعيونه " مابي شي منك ولا شي بس تثبت برائتي من اللي صار وتقولي كلمة وحدة إنتي طآلق وبالثلاثه كمآن" وقفت وأعطته ظهرها " وإنت من طريق با إن الناس وأنا من طريـ ـق "وقالتها بغصه "
سعود مصدوم من اللي قالته كيف أطلقها مستحيل مزون روحي وحيآتي وقف ومسكها من كتوفها : كيف أطلقك ما أقدر يا مزون أنا أحــ ,,,
مزون ألتفت عليه وحطت أصابعها ع شفايفه : لاتقول هالكلمة اللي يحب ما يذل اللي يحبه وما يشك فيه ومايصدق اي شيء يجيه عنه اللي يحب يدافع عن اللي يحبه ويحميه ويتحدى الكل عشانه لا تقول هالكلمة يا سعود لأنك ماتعرف معناها
سعود : لا يا مزون بقولها حتى لو كنت إنسان ما أفهم بالحب شيء بس أنا أحسك بدآخلي وأحبك أحبك أحبك وكل دقة بقلبي تنطق بإسمك , لاتقولي أذلك وأهينك أنا أغاااااااار عليكي من أي شيء حتى من الهواء
مزون : بسميها غيرة بس هالغيرة رح تهدم حياتك مو بس معي لما تطلقني وتتزوج غيري وتحب غيري وتبقى تغار كذا رح تنهدم حيااتك
سعود مسكها من وجهاا : لاتقولي أغار ع غيرك ولا احب غيرك وطلاق ما بطلقك يا مزون سمعتي ما بطلقك "وقرب وجهاا من وجهه وأنفاسه صارت ع وجهه "أنا أحبك وأعشقك "
مزون غمضت عيونها ودموعها كانت تنزل ومنها تجي ع وجه سعود بعدت عنه بهدوء واعطته ظهرها : هي كلمة وحدة يا سعود بس تعرف الحقيقة طلقني انا وإنت حتى لو كنا نحب بعض ما رح نقدر نعيش ونكمل حياتنا مع بعض "والتفت عليه وقالت بهدوء وصوتها مبحوح من كثر البكي " وأرجوك أرجوك وافق ع الطلاق ولا تعاند خلني مرة وحدة أمشي كلامي وأخذ قرااار أكون مقتنعه فيه خلني مرة وحدة أمشي ورا عقلي مو قلبي ...
وأعطته ظهرها وكانت دموعها تنزل بالصمت
طلع سعود من الغرفة بخطوات بطيئه وعيونه متحجرة فيها الدموع ونآظر عليها نظرة أخيره وطلع من الغرفه
مزون فضلت واقفه مكآنها لين سمعت صوت باب الشاليه تسكر
سكرت باب الغرفة وتسندت عليه لين نزلت ع الأرض وضمت رجولها لصدرها ودفنت راسها وصارت تبكي بقوة ..


فـي الفندق ..
كآنت أمل قاعدة بالغرفة من بعد ما اليوم تقابلت هي وفهد وحددوا موعد الزوآج ..
وقال لها كمآن أسبوع لأن توه مطلق سارا والناس ماترحم ومو حلو يسوي بقاعه وكذا لأنه متزوج قبل كذا فاراح يسوي حفلة صغيرة وإنتهينا ..

كآنت سآندة ظهرها ع السرير وتقول بينها وبين نفسها "صح إللي سويتيه يا أمل ولا غلط , مدري أحس بتأنيب ضمير لاني أنا اللي فرقت بين سارا وزوجها , وسمعت كلام نجلاء الحاقدة , بس ما كذبت ع فهد أمي توفت "خنقتها العبرة" والسبب خوالي الحقيرين مارضوا يدفعوا فلوس لعمليتها وفات الاوان وتوفت , انا رحت لفهد عشان يساعدني بس هو اللي طلب مني الزوآج .. بس أنا سبب طلاقه من مرته يوم أتصلت عليه لما هي ردت , آآآه يارب أحس بضيقه وتأنيب ضمير مدري وش بسوي ..
أندق باب الفندق وقفت ومسحت دموعهآ ورتبت شعرها وأخذت الطرحة وحطتها ع شعرها ونادت من وراء البااب : مين ؟
ردت بصوتها : أنا
فتحت الباب لما عرفت صوت بنت نآظرت وإنصدمت وقالت بدون إستيعاب : آءء سارا ..






إنــتــهـــى البارت ..

أنتظر توقعاتكم وكذا

[ملكة الرومنس]

البارت التاسع والعشرون
"تسعه وعشرين ":$






فتحت الباب لما عرفت صوت بنت نآظرت وإنصدمت وقالت بدون إستيعاب : آءء سارا ..
سارا نآظرتها بإستحقار من فوق لتحت ودفتها ودخلت
أمل خآفت وتوترت سكرت الباب ودخلت "*

سارا إنتظرتها لما دخلت قعدت ع إحدى الكنبات اللي بالغرفة وناظرت أمل وقالت ببرود :
أقعدي ..
قعدت أمل قدآم سارا وهي ساكته تنتظرها تتكلم ..
سارا تنهدت وقالت من غير لاتناظرها : شوفي أنا مو جآيه اهآوش وأصرخ كل اللي أبيه منك شي وآحد , تقولي لي من عرفك ع فهد
أمل توترت وبلعت ريقهآ : محد عرفني ع فهد انا بروحي عرفته لما أمي كآنت تعبانه ورحت ع المستشفى إللي هو فيه
سارا :مابي أكرر وأعيد سؤالي من عرفك ع فهد قولي الصدق يـ ... "وقالت بستهزآء " أظن إسمك أمل صح ؟
أمل طنشت سؤالها : ساارا أنا مالي علاقة بطلاقك من فهد إنتي شكآكه وتغاري وفهد طلقك من تصرفاتك ولأنك كمآن ماتجيبي عيال "وقالتها بتردد "
سارا وقفت بهدوء ودمعتها عالقه برموشها : صحيح طلقني لأني ما أجيب عيال ..
ومشت بتطلع بعدين إلتفت "بس ماراح أتركم تتهنوا وشوفي وش بسوي فيكي يا أمل "
وفتحت باب الجنآح بتطلع لقت فهد بوجهاا عصبت وبنفس الوقت إنقهرت
فهد إنصدم ما توقع ولا 1 بِ 100 يلقى سارا هنآ .. قال بتعجب وهو ينآظر دآخل الجنآح : وش جآبك هنآ ؟؟
سارا ضحكت بسخريه : جيت أسلم ع عروستك وأبارك لها ..
فهد تلعثم : أءء وش عرفك ؟
ساارا عصبت وصارت تصارخ : هاذا اللي هآمك وش عرفني ؟
فهد يحاول يهديها مسك إيدها بهدوء : سارا إهدي إحنا بفندق ومكآن عآم مو ببيتنا تصارخي
سارا فكت إيده وصارت تركض طالعه للدور اللي فوق وفهد يحاول يلحقها بس هي كانت اسرع منه
وصلت للسطح فوق وفهد لحقها وشافها قريبه من السور قال بخوف وهو يناظر المسافه اللي تفصل بين سارا والسور : سارا يا مجنونه وش بتسوي انهبلتي انتي ؟
سارا وقفت وكانت شوي وترمي نفسها : لاتقرب مني فهد إن قربت والله لأرمي نفسي
فهد يحاول يقرب بهدوء وهو يهديها : إهدي سارا إهدي "وكأن يقرب"
سارا صرخت لما شافته يقرب : لا تقرب لاتقرب لارمي نفسي
فهد خاف وبعد وكآن كل شوي ينآظر المسافه اللي بين سارا شوي وتطييح قال بهدوء وهو خايف : سارا الله يخليكي لاترمي نفسك سارا فكري وش بصير فيني انا بعد كذا سارا أنا أحبك والله أحبك
كل الناس سمعوا صراخ سارا وطلعوا فوق وخافوا من منظرها وأمل كآنت واقفه تناظر وقلبها يدق خايفه لسارا تطيح وتصير هي السبب
سارا تكلمت وهي دموعها تنزل : مابي أعيش أبي اموت لو عشت إنت ماراح ترجع لي وأنا ما أجيب عيال
البعض متأثر والبعض الثاني نزلوا ينادوا أمن الفندق
فهد إلتفت للي للنآس وصرخ عليهم كلهم : مآبي أحد هنآ إنزلوا تحت مابي أشوفكم
نزلوا بعض الناس والبعض الثاني يهدي بفهد
طلعوا أمن الفندق فوق
: خير أخوي وش صاير
فهد طنشهم وقرب من سارا بخفه ونزلها بسرعه وهي كانت متمسكه فيه وخايفه تبكي
فهد التفت للأمن : مافي شي أخوي سوء تفاهم
الأمن إلتفت للناس : خلاص ياجماعه مافي شي يلا كل واحد ينزل
نزلت الناس والامن كمآن
أمل بقت وآقفه عند الباب وتناظرهم من غير لا ينتبهوا ..
سارا كانت حآضنه فهد لمدة 10 دقايق بعدت عنه ومشت بتنزل لتحت فهد مسك إيدها بهدوء وقال لها : سارا وش فيكي ليه سويتي كذا ؟
سارا ودموعها عالقه برموشها : مافيني شي إتركني بنزل تحت بروح بيتنا
فهد قرب وصار قدآمهآ : سارونه انا أعرفك لما توصلي لهالحالة يعني في شي مضايقك حيل
سارا دفته عنها : فهد إتركني لو سمحت ماصار شي يربطنا حتى تكلمني بهالطريقة وبهالاسلوب وإذا بشكي مابشكي لك فهمت
ونزلت تحت وتركته مقهور ومحتآر ومتنرفز وكل شي ..


أمل تخبت عشان سارا لاتشوفها ونزلت سارا تحت
أمل دخلت ع السطوح وشافت فهد يناظر ع سارا وهي نآزله .. جات من وراه ومسكت كتوفه
فهد نآظر بنص عين وعرف إنها أمل قال بهدوء : ممكن تتركيني بروحي أمل
أمل قالت بدلع وخبث : لاء ماراح أتركك بروحك أخاف تسوي بروحك شي
فهد إلتفت عليها وقال ببرود : أمل مو مجنون أسوي بروحي شي خليني بروحي أحسن حل
أمل نزلت إيدينها وإستسلمت لرغبته ونزلت تحت
فهد تنهد ومسك راسه وقال : ياربي إللي أسويه صح ولا لاء ..!


صبآح يـوم جديد فـي الشاليه ..~



مزون فتحت عيونها لما شافت الشمس كلها ممليه الغرفه , مسكت ظهرها وهي تتألم من نومة الأرض , تذكرت هالنومة من زمآن عنها كآنت دآيم تنآمهآ ببيت عمها ..
عدلت نفسها وهي تتأوه من الوجع .! نآظرت الفرآغ وتذكرت أحدآث أمس بلعت غصتها بألم وقفت وتقدمت من باب الغرفهه ومسكت مقبض الباب وترددت تفتح ولا لاء ..! خآيفه سعود يكون تحت وهي لها يومين لا بدلت ملابسها ولا أكلت .. فتحت الباب بهدوء وطلت ع الصاله وع غرفة سعود طلعت وسكرت باب غرفتها كمآن بهدوء .. نزلت تحت بخطوآت بطيئه وقفت ع أخر الدرج وشآفت سعود نآيم وحآط إيدينه ع عيونه تنهدت وكملت طريقها للمطبخ ..
سعود وخر إيدينه عن عيونه أصلا ما كآن نآيم وبعدها رجع حطهم وصآر ينآظرها بنص عين ..
مزون طلعت عصير برتقال من الثلاجه وتوست وجبنه , توجهت للدولاب طلعت كآسه وصبت فيها العصير , وحطتها ع الطاولة وسوت لها سندوتش توست وجبنه , ورجعت كل شي مكآنه وقعدت ع طآولة السفرة إللي برآ بالصاله لأن المطبخ مافيه طآوله , وصارت تآكل بهدوء ..
سعود كآن شايفها بس ما حب يبين لها إنه قآيم لأنه إذا شآفته رح تبطل تآكل وهو يبيها تآكل ومايبي يزعلها
مزون خلصت أكل ودت الصحن والكآسه للمطبخ غسلتهم وجآت بتطلع من المطبخ لقت سعود فوجهاا ..
تنهدت بضيق وشآحت وجهاا للجهة الثانية ..
سعود مسك وجهاا بكفوفه .. مزون نزلت إيدينه بهدوء وقالت بنبرة بآردة خآليه من أي تعبير : أرجوك سعود لاتحرجني ولاتقرب مني أبي الحقيقه تظهر ونتطلق ..
سعود إحترم رغبتها ولو إنه مستحيل يطلقها لو إيش مايصير بعد من قدآمهآ : برآحتك مزون
مزون طلعت فوق وكآنت دموعها تسبقها وهي تنزل ..


سعود تنهد وأخذ مفآتيحه من الطآوله وطلع برا الشاليه .. ركب سيآرته وشغلها وصآر يمشي بالشوارع بلا هدف .! مايدري وين يروح .. مايعرف لمين يفضفض .. اللحين صبح والناس بدوآمتهآ إلا أنا مالي خلق أروح الشركة بعد الفضيحة إللي صارت , ع الأقل لما تبآن الحقيقه أروح للشركة براس مرفوع ..
أخذ جوآله وإتصل ع فهد .. : ألو هلا فهد .. بخير الله يسلمك .. المهم إنت بالمستشفى صح ؟ .. أها مارحت أجل طلعت مثلي .. ع قولك الكل نفسيته ضآيقه هاليومين .. أنا كنت متصل عليك بقولك خلنا نطلع .. أوكِ أنتظرك هنآك .. فمآن الله ..
سكر سعود الجوال وتوجه للبحر ..

[ملكة الرومنس]

فـي قصر أم سعود ..

ريف كآنت نآزله من غرفتها وهي لابسه العبايه ومعها شنطتها والطرحة ع كتوفها ومعها الكتب .. شآفت أمها تفطر بروحها .
. حز بخآطرها رغم قسوة أمها وعنآدهآ إلا أن تبقى أمها مهما صار ومهما كآنت معآملتها معهم .. "مسكينه يمه مافي أحد يفطر معك "
تنهدت ع الوضع اللي وصلوا له وتقدمت وهي رآسمه إبتسآمه وآسعه ع وجهاا وبآست رآس أمها : صبآح الخير يا أحلى أم سعود بالشرقيه كلها ..
أم سعود إبتسمت غصب ع إبتسآمة ريف الحلوة : صبآح النور يمه ..
ريف سحبت الكرسي وجلست ومكست إيد أمها ونآظرتها بحنآن : وش فيكي يمه مو على بعضك سرحآنه ومتضايقه ..
أم سعود تنهدت : كل إللي فينا وتسألي ياريف ..
ريف : لاتخافي يمه إن شاء الله كل شي بتعدل .. مزون مظلومه ومصيره سعود يكشف إللي فضحها وسوا هالحركة الوصخه هاذي .. وسلمآن لاتزعلي عليه بكمل شغله وأموره هنآك وبجي هني بستقر بالشرقيه هونيها وتهون يا يمه ..
أم سعود : وأبوكي ياريف إللي أمس سآفر بالليل كأنه يهرب من المشآكل إللي تصير , الشركة كل شوي تدهور أخوكي سعود لاهي بفضيحة زوجته .. وأبوكي سآفر .. ومافي أحد مآسكها ..
ريف : يمه وش لك بالشركة وهالامور وبعدين جرآح ولد عمتي مهتم بكل شيء لا تخافي
أم سعود تنهدت : الله يعين .. "وتذكرت " يلا إنتي وش مقعدك روحي جآمعتك
ريف : أنتظر الست رند تنزل الساعه بتصير 7 ونص وهي لسه
أم سعود : لا رند قآمت من بدري ورآحت المدرسه .. "وقالت بأصرار " أعرفها ليه قآمت وكل هالنشآط الخبيثه عشآن تبي تروح مع السواق بروحها .. بس ما خليتها تتهنى رحت معهم وتوني رجعت ولاحظت الضيق ع ملامحها تبي الجو يخلى لها "وكملت بقهر " هالبنت مدري متى بتترك هالتفكير السخيف
ريف ضآق صدرها من هالموضوع وقفت لأن ماتبي تتجآدل : الله يعين يمه .. يلا أنا بروح تبي شي
أم سعود : سلامتك "وكملت بتحذير " إنتبهي إنتِ الثانيه لا تتعلقي بهالسواق ..
ريف فتحت عيونها وبقهر : يمه وش هالكلام "وأعطت أمها ظهرها لاتنكشف " يلا مع السلامه
أم سعود : بحفظ الله ..

طلعت ريف وهي مرتبكه حدهآ وخآيفه عدلت طرحتها ولثمتها , ومسكت كتبها بإيدها , وشنطتها ع كتفها ومشت بثقه وكآن وليد ينتظرها , فتحت الباب إللي ع اليمين وركبت . وقالت بهمس : السلام عليكم
وليد وهو متفشل من يوم ما سمعته قال بهمس : وعليكم السلام ..
وحرك السيارة وطول الطريق الطرفين سآكتين ..!



فـي البحر .. كآنوا فهد وسعود جآلسين وكل وآحد سآكت وينآظر البحر بعيون بآين عليها الهم والضيق وكل وآحد بين دقيقه ودقيقه يطلق تنهيدة طويله , لحد ما فهد تكلم ..
إلتفت لسعود إللي ينآظر البحر وسآكت : يا أبو الشباب جبتني هني عشآن نتصفن ببعض ..؟
سعود أخذ مجموعة أحجآر وصار يرميها بالبحر بغير إهتمآم : وش تبيني أقول
فهد عدل جلسته : لا الولد جن رسمي . مو متصل علي قايلي تعال البحر ابيك بموضوع ومدري شنو ..؟!
سعود سكت لفترة بعدين قال : أبيك تسآعدني بموضوع مهم ..
فهد بستغراب وتسآؤل : أمر ..
سعود بهتمام : أبي ولد يكون ذكي وقوي ..
فهد بنفس الاستغراب : ليه ؟
سعود : اللحين أتركنا من ليه .. هالولد موجود ..
فهد بطفش : إعتبره موجود .. بس ليه ؟
سعود صار يضحك : ههههههههه تصدق صرت ملقوف مثل بنت عمتي عدتك شكلها ..
فهد تنهد من طاري سارا ورجع له الهم : آآآه بس يا سعود
سعود : أفا أفا ورا هالتنهيدة سر كبير "وضربه ع رجله بخفيف " يلا قول أسمعك ..
فهد قاله سالفة الطلاق وقت ماشكت فيه لين أمس أخر موقف بسطوح الفندق "
سعود : الله كل هالمشآكل تصير بعايلتنا ومحد يدري .. صدق إحنا عائله مفككه ومشتته
فهد شآح وجهه للجهة الثانيه وقال بسخريه : هه توك تدري ..!
سعود رفع حآجب : نعم ؟؟
فهد إلتفت عليه : المهم أبيك تساعدني وش أسوي مع سارا .. ؟
سعود بتفكير : والله يافهد ياريت مشكلتي مثل مشكلتكم لا كآن حليتها من اللحين .. يا اخوي الحل وآضح .. روح ورجع سارا وإتركك من هالأمل وآضح عليها لاعاابه ورآعيت خبث وهالحركات السخيفه .. وسارا تقدر تتعامل معها بأسلوبك ع قصة الشك والغيرة اللي مسويتها "وضربه ع كتفه بمزح " وبعدين مفروض تستآنس احد يغار عليك .. أنا مزون الله خير ماتحرك سآكن ..
فهد : هههههههههههههههههه أصلا كل سالفة زوآجك من مزون غلط بغلط
سعود زفر : إيه والله ..



وقت المغرب ..

في بيت أم جرآح في غرفة سارا بالتحديد .. كآنت وآقفه قدآم المرايا وبإيدها مجموعة من حبآت الدوآء وعيونها تنزل منها الدموع ومترددة تآكلهم ولا لاء .. !
تذكرت يوم فهد حضنها أمس .. ويوم كآن يكلمها بقسوة .. وتذكرت أيآمهم الحلوة ..
زآد الجرح بدآخلها وصارت تبكي بقوة أكثر من قبل .. قالت بقلبها "وش أبي من هالحياة دآمني خسرت إللي أحبه الشي إللي أبيه
رآح واللي أحبه وكنت أتنفس لأجله رآح ليه أبقى عآيشه " شربت حبآت الدواء , وبلعتهم بصعوبه وهي مغمضه عيونها وشوي بدآ مفعول الدواء يأثر ع جسمها وطآحت مغمى عليها ..

[ملكة الرومنس]

تحت في الصاله ..
كآنت توها أم جرآح مسكرة تلفون البيت ورآسمه إبتسآمه وآسعه ع وجهاا , لأن فهد كلمها وقال لها أعطي سارا خبر تتجهز عشان اللحين بجيب الشيخ وبردها ..
وصلت لغرفة بنتها ودقت الباب وهي مبتسمه : سارا يمه إفتحيلي عندي لك خبر حلو .. "زآدت الدق " سارا فتحي.. لما مالقت جوآب
فتحت الباب وشافت بنتها طآيحة ع الارض وحوالينها علب الدواء الفاضيه .. شهقت برعب وصارت تبكي .. وتقدمت عندها ومسكت راسها
وصارت تضربها ع خدها بالخفيف وهي تبكي : سارا يا بنيتي قومي وش سويتي بنفسك "وصارت تنادي ع الخدآمآت " سونيا جآني وينكم فييه
طلعوا سونيا وجآني : نئم مدآم
وخآفوا من شكل سارا
أم جرآح : إتصلوا ع الأسعاف بسرعه
جآني بخوف : حادر مآمآ





فـي شقة فهد ..

كآن وآقف قدآم المرايا ويصفر بروقان ويعدل الكبك سكره ونآظر نفسه ببتسآمه وآسعه : وكدا نكون كشخنا أحلى كشخه "ياه اليوم بعوضك يا سارا عن كل الأيآم إللي تعذبتيها ببعدي عنك "
عدل يآقة الثوب . وحط من العودة اللي سارا تحب ريحتها .. وأخذ مفاتيحه وجوآله
وطلع وهو يسكر باب الشقه رن جوآله رفعه ولقى "أم جرآح" يتصل بك .. رفعه لإذنه ورد وهو مآشي لسيآرته : ألو هلا خآلتي ... شنو سارا حآولت تنتحر .. "وصار يركض " طيب مسافة الطريق وبكون هنآك .. سكر الجوآل وركب سيارته وشغلها وهو متوتر وضآيق صدره ..



فـي قصر أبو سعود .. الساعه 8 العشاء ..

كآنت رند جآلسه بالصاله هي وأمهآ وينآظروا الـ tv وأم سعود ودها تتكلم مع رند
بخصوص نوآف .. بس قالت أأجلها شوي ..

ريف كآنت فوق بغرفتها تذآكر ..
رن جوالها إللي كآن جمبها رفعته وشآفت الإسم "كآن سلمآن" إبتسمت وردت بلهفة : هلا سلوم .. وحشتني يا قآطع وحشتني حيل .. الحمدلله بخير وأمي وأبوي ورند وسعود الكل بخير ويسلم عليك .. الحمدلله ماشي حالها قربت السنه تخلص .. "بستغراب " موضوع خير تفضل .. "وقفت بصدمه" شنووووووو تزوجت ؟؟؟ ... ليه كذا ياسلمان والله أمي لاتنجلط .. لاحول ولا قوة إلا بالله .. كل مصيبه تنزل ع راسنا أقوى من إللي بعدها .. "قالت بعصبيه" أيه مصيبه وأكبر مصيبه كمآن إنك تتزوج وحدة مو من ثوبنا ولا ديناا .. طيب وحتى لو مسمله لكن غريبه وبالسر كمآن ماقلت لأهلي لو موآجه أمي كآن الموضوع أهون بس متزوج بالسر .. "قالت بصدمه .. " لا والله تتكلم من صدقك تبيني أنا أقول لأمي عشان تثور علي .. لا لا سلمان إنت تتصل عليها أو تجي وتقول لها أنا لا تدخلني بالموضوع نهااااائي .. "تنهدت بتعب " خلاص خلاص لاتزن بقول لها وبشوف .. يلا فمآن الله ..

إنتهت من المكآلمه وتنهدت بتعب ورجعت شعرها لوراء وأخذت نفس عشان تستعد وتنزل تقول لأمها .. حطت الجوال ع الطآوله .. طلعت من غرفتها نزلت تحت للصاله شافت أمها ورند ينآظرون الـ tv نزلت وهي مرتبكه وجلست جمب امها وهي متوترة ..
ام سعود نآظرت وجهاا بستغراب : ريف وش فيكي مو على بعضك ؟..
ريف عدلت جلستها وصارت قدآمها : آءء يمه أبيكِ بموضوع ..!
أم سعود بتسآؤل : خير .!
ريف : لا خير يمه .. إممم توه سلمان إتصل علي ..
أم سعود بفرحة : صدق وليه ما عطيتيني أكلمه .. "بعدين نآظرت علامآت وجه بنتها " أخوكِ في شي ريف تكلمي ..!
رند إنتبهت لهم وسكرت الـ tv وإلتفت لهم : خير وش صاير ..!
ريف وقفت وقالت وهي مشبكة إيدينها ببعض : يمه سلمآن بخير .. بـ بـ بـس قآلي إنـ ـه إنـ ـه .. "وسكتت"
أم سعود وقفت ومسك كتوفها : وإنه إيش تكلمي ريف وش فيه أخوكِ ؟
رند وقفت بخوف وتنتظر أختها تتكلم ..!
ريف قالت بسرعه : إنه تزوج .. "ونزلت راسها"
رند شهقت ونآظرت أمها تشوف ردة فعلها ..!
أم سعود ما تحملت الخبر وطآحت ع الأرض ..
ريف ورند ركضوا نآحيتها وقومها وسدحوها ع الكنبه وجآبو مويا ورشوها ع وجهاا بخفيف .. وفتحت عيونها بخفيف : وش صار علي ..!
ريف بخوف : يمه إنتي بخير ..
أم سعود عدلت جلستها وتذكرت وقالت بخوف وتبي تنفي الحقيقه : ريف إللي قلتيه صح أخوكِ تزوج ..
ريف بحزن ع حآلة أمها : إيه يمه صح .. ولازم نتقبل الحقيقة
أم سعود مكست راسها بإيدينها وقالت بيأس من أولادها : حسبي الله ونعم الوكيل .. ولاواحد من إخوآنك معبرني الأول تزوج مرتين وغصب عني والثاني ما قاللي من الأساس هاذول أولاد ,, أنا أكيد مسويه شي بحياتي حتى ربي باليني بعيال عاقين مثل هاذول
ريف : يمه الله يهدآكي وش هالكلام لاعاقين ولا شي , بس الله يهدآه سلمآن مدري وش صار له
أم سعود وقفت وقالت من غير إهتمام : والله أنا ماعاد تفرق عندي تزوجوا ماتوا صار لهم شي تبريت منه هو وسعود
كآن توه سعود دآخل وسكر باب القصر ودخل وهو يلعب بالمفاتيح وقال : وش فيه سعود بعد
أم سعود : اول شي سلم دآخل كذا تهاوش ..؟!
سعود جلس ع الكنبه المفردة : بسم الله يمه وش فيكي كذا معصبه وتنافخي ؟
أم سعود وهي مالها خلق تتكلم : أنا تعبانه وبطلع فوق أرتآح خلي خوآتك يقولوا لك وش مهبب أخوك
وطلعت فوق .."
سعود إلتفت لخوآته وقال بتساؤل : وش فيه سلمآن ..؟
ريف جلست وتنهدت : تزوج وحدة أجنبيه ..
سعود بصدمه بعدين تنهد : وربي مصيبه متزوج وحدة أجنبيه وكمآن ما أعطآنآ خبر
رند قالت بستهزآء : هه يعني إنت أحسن منه .!
سعود هو خلقه معصب منها : رند إحترمي نفسك لأقوم أكوفنك مكآنك خلقه أنا هاليومين معصب منك
رند وهي رآيحه : أطلع غرفتي أحسن لي لأن صاير الجو خنققققه <ومطت كلمة خنقه
سعود هز رآسه بيأس من هالبنت وعنآدهآ ..
ريف إلتفت لسعود : ماعليك منها سعود , المهم وش صار ع موضوع مزون
سعود نآظر الفراغ : لاجديد
ريف : يعني ماسويت شي مالقيت دليل ..
سعود نآظرها بهتمام : أنا شآك بأحد بس أبي أتأكد
ريف بتساؤل وإستغراب : بمين ؟
سعود : برند ..
ريف ما إنصدمت لأن توقعت إنه بقول رند : كنت متوقعة إنك بتقول رند
سعود : دآمك متوقعة يعني أكيد بكون لها إيد بالقصة ..
ريف : إممم شوف مابقولك مستحيل .. أختي وأعرفهاا زين يطلع منها هالشي , بس مو قآدرة أستوعب إن ممكن تسوي شي زي كذا
سعود : توك تقولي يطلع منها وشوي تقولي ما استوعب ..
ريف مسكت راسها بتعب وتوتر : متوترة كثير ياسعود وفكري مشوش ..
سعود مسك إيدها : ليه ماترتآحي وتعتذري للجآمعه أسبوع ع الاقل
ريف : ياريت التعب من الجامعه , التعب من البيت والأمور إللي تصير فيه
سعود : ربك يعين .. المهم أنا بكلم رند بكرا وبشوف وش تقول ..
رن جوآل سعود رفعه وكآن رقم غريب .. طنش ومارد
ريف تنآظره بستفسار : ليه مارديت ؟
سعود :رقم غريب ومالي خلق ..
فضل الرقم يدق لين ما سعود طفش ورد : ألو من معي .. إيه نعم انا سعود .. تبي تشوفيني .. "بصدمه " بخصوص الموضوع حق زوجتي .. "وقف " طيب طيب دقايق وأجي إيه أعرفه يلا مع السلامه
ومشي طالع لبرا
ريف وقفت ونآدته : سعود سعود وين رايح ؟
سعود وهو مآشي : وحدة إتصلت علي تقول عرفت اللي فضح زوجتك
وطلع برا
ريف بستغراب ومع تفاؤل : وحدة من ممكن تكون ؟. بس يلا إن شاء الله تكون صادقه ونعرف من اللي فضح مزون ..




فهد وصل المستشفى طلع فوق لقى أم جرآح وجراح قاعدين ينتظروا خروج الدكتور
فهد قرب عندهم وقال بخوف : وش صار لسارا ؟
جراح كان يناظره بنص عين ومارد عليه
أم جراح قالت بغصه : بنتي حآولت تنتحر يافهد والسبب إنت ..
فهد أعطآهم ظهره ومسك راسه بتعب : يالله "والتفت عليهم " طيب الدكتور ما طلع .. ماقال لكم شي ..
أم جراح : لسه ..
طلع الدكتور والكل تقدم عنده
أم جراح بلهفة : ها دكتور شلون بنتي ..؟
الدكتور : لاالحمدلله مافيها بخير , بس البنت تعآني من ضغوطآت نفسيه ويبي لها إهتمام وراحه وأهم شي لاتخلونها تتضايق
فهد : إن شاء الله دكتور , طيب نقدر نشوفها
الدكتور : لاء هي اللحين نآيمه وترتاح لا قامت تقدرون تشوفونها ماتشوف شر "عن إذنكم
فهد : إذنك معك
جراح ناظره بحقد : عاجبك اللي صار ..!
فهد : جراح مو وقت هالكلام هاذا
جراح أعطاه نظرة وسكت .. والتفت لأمه : يمه روحي البيت وبكرا تجي وتشوفينها
أم جراح : لاء بنتظر لين تقوم بتطمن عليها
جراح : يمه مابتفيد قعدتك هني الدكتور قال بكرا بتقوم روحي البيت وارتاحي وبكرا اجيبك هني
أم جراح إستسلمت وقآمت وجرآح قآم عشان يوصلها ..



فـي إحدى الكوفيهآت , كآنت غيدآء قآعدة تنتظر سعود ومتلثمه ومابينت وجهاا ..
دخل سعود وألقى نظرة ع الكوفي شوب غيدآء عرفته واشرت له نآظر لها وتقدم وهو متحمس سحب كرسي وقعد : السلام عليكم
غيداء : وعليكم السلام
سعود : إحم إنتِ صدق تعرفي اللي فضح زوجتي ..
غيداء : إيه أعرفه .. والشي إللي خلاني أجي وأقولك تأنيب الضمير ماقدرت أنام ولا أسوي شي من ضميري
سعود : طيب أنا اللحين بعرف من سوا كذا ..
غيداء : بقولك للاخر بس لا تقآطعني ..
سعود بلهفة : طيب تلكمي ..
غيداء : قبل فترة اختك رند إتصلت علي قالت لي مزون زوجة أخوي قاهرتني سببت مشآكل بين أمي وأخوي والبيت صار مخربط بسببها أبي أسوي شي عشان سعود يطلقها قلت لها وش هالشي قالت بسوي حفلة هاليومين وبخليها ترقص وبصورها وبنشر هالفيديو قلت لها حرام بس هي هددتني إن ما ساعدتها رح تمنع المصروف عني وعن جدتي وإحنا فقارة ومالنا أحد وأختك رند تصرف علينا فرضيت وسكتت وجا يوم الحفله وخلت مزون ترقص وصورتها وأعطته وحدة إسمها خلود قالت لها إنشرينه وإذا السالفه إنكشفت بقول لأخوي إنك جيتي بيتي وسرقتي الـ cd وهاذي السالفه بالمختصر
سعود ما إنصدم لأنه توقع إنه رند اللي مسويه كذا : طيب أختي مشكور إنك قلتي لي .. بس مفروض من الاول تجي وتقولي كآن وقفت رند عند حدها
غيداء : خفت تسوي شي فيني وفي جدتي
سعود وقف : المهم اللحين بينت الحقيقه . وأشكرك ع تفهمك وإنك إعترفتي "وجا بطلع بعدين تذكر " ومري عندي ع الشركه عشان أساعدك
"وإبتسم وطلع "
غيداء تنهدت برتياح : اللحين إرتحت الحمدلله ..




إنـتــهـــى البارت أنتظر توقعاتكم ..~

[شمس القوايل]

يعطيج العافيه ملكة الرومنس ع البارت الرائع

ننتظر المزيد لاهنتي

[ملكة الرومنس]

كل الشكر لتواجدك الغالي شمس القوايل والمميز هنا
ودي وتقديري