رسالة من أسير في السجون العراقية إلى أمه
بسم الله الرحمن الرحيم
السلام عليكم ورحمة الله وبركاته
اليوووم جبت لكم قصيدة خطيييييييره أخليكم معها
ألا يا غربة سنيني
أنا ابن آدم أنا إنسان
أنا من فارق أحبابه وكف الأسر يلويني
أسير وهمي بس أهدي رساله تذكر النسيان
لأغلى انسانه بكتبها حروف من حبر عيني
يايمه..يايمه أدري مشتاقه وحلمك ضمي بالاحضان
يايمه أدري مناتج قبل موتج تشوفيني
صدمتج..صدمتج بالفراق أدري
صدمتج بالفراق أدري في بعدي عشتي الحرمان
أنا وش بيدي يايمه حسافه ماهو بيديني
يايمه..يايمه فدوه لبلادي رضيت بقبضة السجان
يايمه سايري وقتج عسى في يوم تلقيني
يايمه..يايمه أرفعي راسج أنا رجل عظيم الشان
صعدت المجد بافعالي واظن أنج تعرفيني
أنا والنجم يايمه غدينا حسبة الأخوان
في ليلة ظلم يايمه تثور ثورة شياطيني
فزعت لديرتي يمه
فزعت لديرتي يمه أموت ولا أبد تنهان
ربيت بعز يايمه ومنو يقدر يوطيني
أنا أرمي عيني بنفسي وأعيش بدنيتي عميان
ولاذل(ن)يوطي الراس ولاظيم يخاويني
أسير وحلمي يايمه أقبل قاعة الأوطان
وحشني ترابها وانتي بعد عيني وحشتيني
وحشني صدرج الدافي ياكنز الطيبه والتحنان
يايمه..يايمه أذكري وليدج أمانه لاتخليني
صغير يوم فارقتج خذوني منج الغربان
طفوله مال هالكلمه مساحه في عناويني
كبرت اليوم يايمه
كبرت اليوم يايمه كبرت بوسط هالأحزان
كبرت وصرت رجال قطفت النجوم بيديني
كساني الشيب يايمه وشكلي منتهي تلفان
ياخوفي اليا تلاقينا ياخوفي ماتعرفيني
على الله تصدق أحلامي
على الله تصدق أحلامي أشوفج لو لقانا حان
وإذا ما بالعمر شوفه عسى بالجنه تلقيني
وإذا ما بالعمر شوفه عسى بالجنه تلقيني..
وش راااااااايكم؟؟حلووووه صح..
،؛مــهـــــــره؛،