*,’رواية خذني بحضنك خلني اذوب بريحة انفاااسك ’,*

[ملكة الرومنس]

البآرت الـ 32




مزون كآنت توها دآخله الفندق تعبت كثير اليوم أول مادخلت رمت شنطتها والبالطو ع الكنبه وإرتمت ع السرير وقعدت تفكر بأحداث اليوم وكيف مر عادي بالنسبة لها مافي أحد تعرض لها وكثير زباين طلبو تجلس معاهم بس المدير فهمهم إنها ماتبي , خآفت من هالنقطة وإن ممكن وآحد منهم يحطها براسه "بعدين عشان تقنع نفسها نفضت هالأفكار من رآسهآ وقامت تاخذ لها شاور وتصلي وتنآم ..




فـي الشرقيه ’ فـي قصر أبو سعود ..

سعود وريف وأم سعود ورند كلهم كآنوآ جالسين بالصاله ..

أم سعود : يعني الحق مو ع أختك على هالحارس إللي طلعها وهربها
سعود : هم الأثنين غلطانين وهالحارس طردته ماعاد نبيه يشتغل
ريف بحزن : ما أتوقع عم محمود يسوي كذا
أم سعود : عما الدبب إن شاء الله ع شنو تحترمينه كله لا راح ولا جا حاارس يشتغل عندنا
ريف : حتى ولو يمه لاتنسي له عندنا فوق ال10 سنين ولازم أحترمه
أم سعود طنشتها لأن لو جادلتها بتطلع مع ريف بإنهزآم فلا تجادل أحسن
إلتفت لرند وهمست لها : قومي غرفتك سعود لو شافك رح يحط كل حرته فيكي
رند وقفت : طيب
وجات بتطلع من غير لا ينتبه لها وقفها صوته : ويــن ..!
رند تجمدت "بسم الله هذا وهو معطينا ظهره " إلتفت وقالت ببرود : ع غرفتي وين يعني ؟
سعود إلتفت وناظرها وقال بعصبيه : إقعدي هني مافي طلعة لا ع غرفتك ولا غيره
أم سعود بستغراب : وش فيك إنت أختك بتروح غرفتها حتى هذا الشي ممنوع ..!
سعود صرخ : قلت تقعد يعني تقعد مابي جداال
رند قعدت جمب أمها وهي خايفه ..
شوي رن جرس الفله .. والكل توجهت أنظآره عند الباب الخدامه راحت تفتح ..
دخل وهو يجر شنطته وراه وشابك إيده بإيد زوجته ..
الكل وقف وإستغرب بس ما إنصدم لأنهم يعرفوا إنه متزوج ..
تقدم من الصاله : السلام عليكم
الكل : وعليكم السلام
أم سعود تقدمت عندهم وناظرته بإستحقار وزوجته كذالك وطلعت فوق ..
رند حطت المخدة بطفش وطالعتهم بستحقار وتأففت : أووووف
ولحقت أمها ..
ريف ماعجبها تصرف أمها وأختها وقفت وسلمت ع أخوها وحضنته : الحمدلله ع السلامه يا اخوي
زوجته كانت تناظرهم بتكبر ومو عاجبها لان للحين محد عبرها ..
سعود سلم عليه : الحمدلله ع السلامه ..
سلمان : الله يسلمكم ..
ريف تكلمه : حرمتك تعرف تتكلم عربي ولا ؟؟
سلمان : إيه تعرف تتكلم لبناني لأن أمها لبنانيه بس أبوها أمريكي ..
ريف بهمس له : مسلمه
سلمان : أكيد مسلمه ..
ريف إبتسمت بطمئنآن ومدت إيدها تصافحها : كيفك أنا ريف أخت سلمان ..
مدت إيدها بغرور وبس إيدها لمست إيد ريف وخرت إيدها يعني مالحقوا يسلمو ع بعض
ريف ما فاتتها الحركة بس طنشت : أكيد إنتوا تعبانين وش رايكم تتعشوا وبعدها روحوا إرتاحو
ناظرت سلمان وبعدين ريف : لاء نحنا تعبانين بدنا نطلع نرتاح "ومسكت إيد سلمان بقوة"
سعود ناظرهم وهز راسه : والله حاله " أقول سلمان أبيك بموضوع إلحقني ع المكتب وزوجتك تصرف معاها ترا منت طاير ..
سلمان كتم ضحكته : إن شاء الله "وجه الكلام له " حبيبتي كاميليا أنا بروح المكتب مع سعود يبيني بموضوع مهم شوي وأرجع إقعدي مع ريف ع بال ما أطلع
كاميليا : ماراح تتأخر
سلمان : لاء حبيبتي ماراح أتأخر
وإبتسم لها وراح عند سعود ع المكتب .."

ريف إبتسمت لها : تفضلي إجلسي بالصاله ع بال ما أجيب لك شي تآكلينه
كاميليا إبتسمت بمجامله : لا يسلموا مافي دآعي
ريف : لا تستحي إنتي صرتي منا وفينا خذي راحتك دقايق وأجي
راحت ريف .. وكاميليا صارت تتأمل القصر الكبير وتناظره بإعجاب ..
رند كأنت واقفه بنص الدرج وشافتها وهي تتأمل نزلت بخطوات واثقه وصلت عندها وقفت قدامها كاميليا وقفت ومدت إيدها : مرحبا
رند بستغراب "هاذي أمريكيه ولا سوريه ولا وش بالضبط " طنشت إيدها وقالت ببرود وهي تناظرها من فوق لتحت : أهلين ..
كاميليا تفشلت ونزلت إيدها وجلست .. رند أخذت الأيباد حقها إللي كان ع الطاوله وجلست ع الكنبه إللي تكون قدام كاميليا وصارت تطقطق عليه مع إن كل نظرها مع كاميليا ..
جات ريف وهي معها صينيه فيها عصير برتقال وكروسان وكيك .. حطتهم قدام كاميليا وإنتبهت لوجود رند بلعت ريقها لا تكون رند مسوية موقف بايخ مع كاميليا "
جلست جمبها وقالت : تو مانورت الشرقيه
كاميليا : تسلمي منوره بوجودك
ريف ناظرتها : فصخي عبايتك ولا عشان سعود هني ..
كاميليا وقفت وفصختها : لا أنا مابغطي ع اخو جوزي بس إزا طلعت برا بلبسه بس ما بحط الطرحه
رند بلمت بجسمها ولبسها ولما نثرت شعرها ع كتوفها ريف ناظرتها بإعجاب ..
كاميليا ما فاتتها نظراتهم وجلست ريف مدت لها كاسة العصير وصارت تشرب ..
رند إنقهرت حطت المخده بقهر وأخذت الأيباد وطلعت فوق بخطوات مزعجه وباين إنها مقهورة ..



صبآح يوم جديد وأحدآث جديدة ..


سآرآ كآنت بالمطبخ تجهز الفطور .. أخذت الصحون وحطتهم عَ الطاولة برآ .:$
طلع فهد من الغرفة وتوه قآيم من النوم كان شكله يضحك شعره مبعثر ع وجهه وعيونه مغمضه قال بصوت كله نوم : صباح الخير
سارا ناظرت عليه وضحكت : ههههههههه صباح الكسل والخموول
فهد فرك عيونه : وش هالصباح ؟
سارا : أول شي روح شوف شكلك تقول لسه نايم حبيبي روح خذ لك شاور سريع يخليك تصحصح شوي
فهد إبتسم : طيب ..
سارا ناظرته لين دخل الغرفة وسمعت صوت باب الحمام تسكر .. أخذت جوالها وإتصلت عَ الدكتورة وحجزت لها موعد اليوم العصر .. سكرت الجوال وحطته عَ الطاولة وسحبت كرسي وجلست وقالت وهي تفكر " ياربي أقول لفهد ولا برفض وبعصب .. بس لازم أعرف إذا بجيب عيال ولا مابجيب للأبد , أحسن شي أقوله عشان يعرف .."
طلع فهد من الغرفه وشعره مبلل وشكله كان حلوو :$
جا من ورا سارا وهي مسرحه وحط إيدينه ع رقبتها وباس خدها : بإيش الحلو يفكر ؟
سارا تنهدت بعدين إبتسمت : أفكر فيك ..!
فهد بعد عنها وسحب كرسي وجلس : هههههه تفكري فيني يابختي إذا شاغل تفكيرك
سارا تذكرت : إلا فهود بسألك أهلك دروا إنك طلقتني
فهد : لاء محد درى ماحبيت أقول لهم وأنا برجعك
سارا : أوكِ ..
فهد يناظر علامات وجهها : سارا فيكِ شي كأنك بتقولي شي
سارا بتردد : لاء مابقول شي
فهد : لاء في موضوع إنتي مخبيته عني
سارا بتلثعم : أنـ ـآ تـ ـونـ ـي إتصلت ع الدكتورة وحددت موعد معها عشان بروح اكشف اشوف اذا أجيب عيال ولا لا
فهد حط الشوكة بعصبيه وسارا غمضت عيونها من الخوف ونقزت ..
فهد : ألف مرة بتكلم بهالموضوع "وناظرها " سارا أنا مابي عيال وجودك معي يكفيني إفهميني
سارا عيونها دمعت : لاء إنت تبي بس تكابر علي "ومسحت عيونها عشان لاتنزل الدموع" طيب خليني أروح وأشوف أرجوك فهد يمكن فيه أمل
فهد تنهد وغمض عيونه "مايبي يقول لها إن التحاليل والأورآق طلعت كلهاا ضدها وإن أكثر من دكتور أكد إنها مستحيل تجيب عيال إلا إذا ربنا أرآد " ناظرها وإبتسم بحزن عليها : روحي وشوفي بكيفك
سارا إستانست : يعني موافق
فهد : إيه موافق وبروح معك كمآن ..
سارا وقفت وحضنته من ورا وباست خده
فهد ضحك : هههههههههه لو أدري كان وافقت من زمآن
سارا إستحت : المهم اللحين ابيك تاخذني بيت خالي أبو نواف الكل بكون هناك عشان بنسلم ع النوري لانها بتسافر وبعدها نروح المستشفى
فهد : أوكِ ..

[ملكة الرومنس]

الساعه 12 الظهر فـي بيت أبو نوآف ..


النوري كانت نازله من الدرج ومعها شنطتها وكل أهلها بالصاله ..
ناظرتهم واحد واحد مو هاين عليها تترك أهلها ومآ تبي تضيع فرصة البعثه نزلت بخطوات بطيئه وحزينه تقدمت من أبوها وقفت قدآمه هو كان جالس ومنزل راسه شاف رجولها وإنها قدآمه وقف وسلم عليها وباس راسها وإبتسم : تروحي وترجعي بالسلامه
النوري ناظرت أبوها : يبه إنت زعلان لأني بروح و....
أبوها قاطعها : لا يابنيتي أنا مو متحجر ولا متخلف حتى أرفض دراستك وموافق لأني أعرف بنتي وتربيتها وأخلاقها وبذات إنتي يا النوري أعرفك وأعرف أخلاقك
البندري رفعت حاجبها : شنو يبه وأنا يعني ؟
أبو نواف ضحك : ههههههه وإنتي كمان بس إنتي يمكن تروحي تلعبي مو تدرسي
البندري : لا يبه زودتها انا وقت الجد جد ووقت اللعب لعب ..
أبو نواف ياخذها ع قد عقلها : طيب طيب , "وناظر ساعته" يلا يا البندري أنتظرك مابقي شي ع موعد الطيارة
البندري : طيب يبه
طلع أبو نواف ونواف ..
البندري توجهت مكان ما أمها جالسه وجلست جمبها وحضنتها من كتوفهآ .. : يمه اللحين متى بتسكتي ليه كل هالدموع , كلها كم سنه وأرجع
ام نواف : كم سنه وقليلة هالكم سنه بحسبها بالثانيه والدقيقه
النوري : بس أكيد يمه باخذ إجازة وبجي هني عندكم "وقفت باست راس أمها " يلا يمه أشوفك ع خير يالغاليه اللحين لازم أروح
وقفت أم نواف وحضنت بنتها وباستها بعدين سلمت ع البندري وحضنتها وشالت كادي اللي كانت ع الارض تلعب وباستها وحضنتها نزلتها عَ الأرض ..
وناظرت أمها وإبتسمت وطلعت ."
أم نوآف صارت تبكي والبندري حضنتها تهديها ..


النوري جات بتركب السيارة إلا فهد وسارا جايين نزلوا من السيارة وفهد سلم ع أبو نواف ونواف وسارا سلمت ع النوري وودعتها ..
سارا : من في دآخل ؟
النوري : اللحين بروح أسلم عَ جدتي وهنآك فيه عمتي أم جرآح
سارا : طيب تروحي وترجعي بالسلامه حبيبتي
النوري : الله يسلمك
نواف : النوري يلا لا نتأخر
النوري : طيب
وسلمت عليها لأخر مرة وركبت السيارة ..
سارا ألتفت لفهد : يلا فهود عشان نروح المستشفى
فهد بستسلام وتنهد : يلا
ركبوا السيارة وتوجهوا للمستشفى ..~




في بيت الجده , نزلت النوري وسلمت عَ جدتها وعمتها وغلا وبعدها راحت
الجدة بكت شوي بعدين سكتت ..
غلا كانت جالسه معهم رن جوالها شافته كانت رساله من جراح "غلاوي أنا عند باب المطبخ
الخارجي أبي أشوفك"
غلا إبتسمت لاشعورياً ورسلت له " ما أقدر أترك أمي بهالحاله مقطعه روحها من البكي عشان نوير الدوبه سافرت"
جراح رد عليها " مالي علاقه تصرفي مشتاق لك "
غلا بطفش ماردت عليه قامت من جمب أمها وجات بتطلع
الجدة كلمتها : وين بتروحي ؟
غلا تلعثمت : آء يمه باكل لي شي من المطبخ جيعانه
الجدة : طيب
راحت غلا ودخلت المطبخ وناظرت برا إذا فيه أحد شافت الخدامه قالت لها تروح ..
شافت جراح واقف برا عند الباب اللي يطل ع الحوش إبتسمت وفتحت له الباب ودخل عَ المطبخ ..
جراح يناظرها من فوق لتحت : وحشتيني ..
غلا إستحت : وإنت أكثر
جراح : شلونك ؟
غلا : تمام إنت أخبارك
جراح : بعد ماشفتك صرت بأحسن حال ..
غلا تذكرت : إلا جراح متى تبي أتصل ع هذاك الرجال عشان أحدد موعد معاه حتى أكلمه بخصوص أبوي .!
جراح تكتف : ولو إني أحسه يلعب ومو مصدقه بس إتصلي عليه وحددي موعد وبجي معاكي أشوف صدقه من كذبه ..
غلا : لا أنا إحساسي يقولي إنه صادق وإن يعرف موضوع أبوي ومكآنه
جرآح : طيب إتصلي عليه ونشوف "وقرب منها ومسكها من خصرها " وش رايك نطلع
غلا وخرت عنه وإستحت : جنيت وين نطلع
جراح قرب منها أكثر : أي مكان قولي لجدتي بروح بيت عمي أبو سعود أي مكان ونطلع أنا وإنتي
غلا : لاوالله ولو شافني سعود ولا نواف هم 24 ساعه طالعين مو ناقصني مشاكل
جراح ماحب يحرجها : طيب براحتك , وعَ فكرة أمي وافقت تخطبك وشكلها اللحين كلمت جدتي
غلا إستانست : جد وافقت كيف
جراح : أقنعتها وقلت لها يا تزوجيني غلا يا ماراح أتزوج طول حياتي
غلا بحزن : حرام جراح كذا أحس بتحقد علي ومابتحبني لأنها مغصوبه وما وافقت من نفسها
جراح : لاتخافي أمي ماتحقد ولا تكره وأهم شي بتكوني لي
غلا إستحت ونزلت راسها
جراح تذكر وطلع العلبه من جيبه واعطاها هي : تفضلي
غلا بستغراب : وش هاذي ؟
جراح : إفتحيها
غلا فتحتها وكانت سلسه عليها إسمها عجبتها : وآآو تجنن
جراح إستانس لما شافها مستانسه : عجبك
غلا : يب مرة عجبتني شكراً حبيبي "وإنتبهت لنفسها وإستحت"
جراح : ياحلوها من لسانك عيديها
غلا : خلاص ترى وربي أستحي
جراح ضحك : ههههههههه "طيب عطيني ألبسك هي"
غلا أعطته ولفت له وبعدت شعرها عن رقبتها لبسها هي وباس خدها : تتهني
غلا إستحت وبعدت وشافتها وعجبتها
: غلا يا غلا وينك
غلا خافت وصارت مرتبكه : ياويلي أمي تنادي خلاص جراح روح أشوفك بعدين
جراح : بينا إتصال أوكِ
غلا : أوكِ بس روح
طلع جراح وغلا سكرت الباب وصبت لها كاسة عصير وطلعت إنها كانت تاكل ..
دخلت الصاله : هلا يمه
الجدة وأم جراح كان يناظروها ويبتسموا لبعض
غلا بستغراب تناظرهم : وش فيكم ؟
الجدة : توها أم جراح خطبتك لجراح
غلا إستحت وشدت ع الكاسه إللي بيدها ونزلت راسها
الجدة إبتسمت : وأبي أسمع رايك ..
غلا وصوتها مخنوق : إللي تشوفينه يمه
الجدة : يعني موافقه ؟
غلا حطت الكاسه ع الطاولة : إيه
وطلعت فوق بأقصى سرعة حتى شوي وتتعكرف
أم جراح والجدة ضحكوا عليها ..

[ملكة الرومنس]

فـــي قـصـر أبو سعود ..

وقت الغدآ ..

نزلت كاميليا من الدرج وهي لابسه بنطلون جينز أسود ماسك وقميص لون موف ماسك وفاردة شعرها البني فاتح وحاطة ميك أب خفيف وروج فآقع لون فوشي وصوت كعبها وآصل لأخر القصر ..
نآظرت الصاله فاضيه ومافي أحد قالت بستغراب : شو هالبيت من وقت ما إجيت ماعندهم نظام .؟
نزلت وصلت لوسط الصاله جلست ع الكنبه إللي عند الـ tv وأخذت الجهاز وصارت تقلب بالقنوآت وحطت ع قناة أغآني ورفعت الصوت وصارت تدندن مع الاغنيه بصوت وآطي ..
رند إللي كانت بغرفتها توها راجعه من المدرسه وتبي تنام بس ما قدرت من صوت الأغاني حطت المخده ع وجهاا بس مو قادرة بعدت البطانيه بعصبيه وطلعت من غرفتها راحت غرفة ريف بس مافي صوت .. ناظرت الدرج ونزلت وقفت بوسطه وشافت كاميليا جالسه رجل عَ رجل وتشرب كابتشينو ومنسجمه مع الأغنية كملت نزولها وقفت ورا راسها وقالت بعصبيه ونبرة أمر : هي إنتِ يَ هيفاء وهبي .؟
كاميليا من غير لاتناظرها : عم تحكي معي ..
رند بنرفزة وقلدتها : عم تحكي معي "إيه معك ليه في أحد غيرك بالصاله
كاميليا خفضت الصوت وناظرتها بنص عين وصارت تأشر عليها : اولاً إسمي كاميليا مو هيفاء وهبي , وتانياً شو بدك جاي تتنفخي علي شو مساويتلك ؟
رند : طيب ياكميليا هانم خفضي صوت الأغاني نبي نعرف ننام مو ببيتك إنتِ جالسه
كاميليا : والله برفع الصوت أد مابدي بيت جوزي هوي بيتي مو هيك أنسه رند ..
رند بقهر ونرفزة صارت تصارخ : يمممممممه ريييييييييييف
كاميليا سكرت أذونها : شو هالصوت هاد , بعدين مافي حدا هون البيت مافي إلا أنا وإنتِ
رند بنرفزة مسكت المخده إللي عَ الكنبه ورمتها عَ الأرض وطلعت فوق وهي مقهورة
كاميليا ضحكت عليها وهي ناوية تأدبها ..


طلعت عَ غرفتها دخلت وسكرت الباب بقوة وإزعآج أخذت جوالها وإتصلت عَ غلا
وصلها صوت غلا : ألو
غلا : هلا رنودي كيفك
رند وهي تمشي بالغرفه : ماني بخييير شوي وتجيني جلطه ياغلا
غلا وهي ترتب ملابسها وبرواقه : له له ليش مانتي بخير وش صاير لك ؟
رند : قولي وش مو صايرلي سلمان أمس وصل من السفر وجا هو وزوجته لو تشوفينها يا غلا متكبرة ومغرورة وتقههههههههر توني واصله من المدرسه وتعبانه وشايفه الفيل نمله وبطلع ع غرفتي أرتاح إلا أسمع صوت الاغاني واصل لاخر البيت نزلت قلت لها قصري الصوت ردت ببرود يقتل "وصارت تقلدها " والله برفعو ع اد مابدي وبيت جوزي هو بيتي "
غلا ضحكت من قلب : هههههههههههههه عليكي تقليد يا شيخه , تصدقي قلعتك وأخيرا جا احد كذا ينرفزك ويبرد حرتي فيكي دايم إنتي اللي تقدر ع الناس واخيرا جات وحدة تقدر عليكي ..
رند بقهر : طسي إنتي الثانيه متصله أشكي لك وأبرد حرتي زدتيني قهر
غلا كاتمه ضحكتها : هههههه أسفين عمتي , المهم انا حدي مستانسه اليوم أم جراح خطبتني لجراح وجراح جا عندنا وشافني وجابلي هديه وه يا رند بغيت أنهبل منه
رند إستانست لها : زين مبروك , بس ها إثقلي لا تصيري مطفوقه
غلا : وش قالولك عني رند
رند : لاحبيبتي أنا مافي أثقل مني بهالامور بس إنتي إدعي الله يرزقنآ
غلا : هههههههههههههه الله يرزقك يا ستي



فـي فرنسا , الساعه 8 بالليل موعد شغل مزون ..

كانت تلبس وبتروح الشغل .. أخذت شنطتها وسكرت باب الفندق بتطلع لقت الموظف متقدم لها وأعطاها الفاتورة لازم تدفع تنهدت بضيق مامعاها فلوس للفندق وقعت وقالت له هاليومين بتدفع ..
طلعت وركبت تاكسي ووصلها للمرقص قالت أكلم المدير يعطيني أدفع للفندق وأستأجر شقه ماينفع أبقى بالفندق .. دخلت وماكنت خايفه مثل أول مرة طلعت فوق لغرفة التبديل .. دخلت كان فيه كم من بنت إبتسمت لهم وعرفتهم ع نفسها .. ودخلت الحمام<وإنتوا بكرامه> ولبست لبس الشغل وراحت غرفة المدير دخلت وسلمت عليه وكلمته وهو أعطاها فلوس وإستانست إنه ما رفض أو شي زي كذا ..
نزلت تحت وبدأت شغلها ..
العآمل يكلم مزون : إنه يوجد رجل هنآك يريد أن يتحدث معك
مزون : إنت لاتفهم أنا لا أجلس مع زبائن
العامل : فهمته ذلك لكنه مُصر
مزون تأففت بطفش وحطت الصينيه إللي فيها الكاسات وراحت تشوف وش يبي وقفت قدآمه ومن غير لاتناظره وببرود ونفس شينه : ماذا تريد ..
ناظرها من فوق لتحت وقال لها : بالأول إقعدي
مزون إنصدمت يتكلم سعودي ؟؟!!! ناظرته وعرفت إللي كان معها بالطيارة قالت بصدمه : وش جابك هني وش تبي مني ؟
قال يبي يهديها : شوي شوي وبجاوبك ع كل أسئلتك إقعدي أول شي عشان أفهمك
مزون طنشت المكان إللي هي فيه وقعدت : يلا جلست قولي وفهمني وش تبي مني ؟
: بالأول أنا ولد عمك
مزون بصدمه : ولد عمي ؟
: إيه ولد عمك وإسمي طلال
مزون ماصدقت : أكيد تكذب علي
طلع بطاقته ومده لها أخذتها وقرئت الأسم ورجعتها له : طيب وش تبي مني ؟
طلال : أبيكي تجي معي مايصير بنت عمي تشتغل بمكان مثل هاذا
مزون : وإنت ليه جاي لمكان مثل هاذا ؟
طلال : جيبت حتى أخذك
مزون : وينكم يا عيال عمي يوم أهلي توفوا محد منكم سأل عني وكلكم رفضتوا تاخذوني لبيتكم اللحين جيت لما شفتني بديت أشتغل وأكون نفسي
طلال : مزون صدقيني جدي وقتها قال لنا لو أحد منكم كلم ولدي أحمد ولا سأل عنه رح أقاطعه ولا أكلمه ووقتها عمامي ما كلموه ولا عرفنا إنه توفى إلا قريب وجدي ندم ع كل شي وقاللي دور ع حفيدتي مزون وجيبها بشوفها هي إللي بقتلي من ريحة ولدي
مزون حقدت ع جدها بس بعدين كسر خاطرها وقالت بعناد : بس أنا مابي أروح بعيش بفرنسا وبكون حياتي هني
طلال عصب : مزون لاتعاندي إحنا أهلك وتجي تعيشي معانا مانسمح لك تعيشي ببلد غريبه وماتعرفي فيها أحد من بكرا بجي وباخذك عشان ترجعي معي ع جدة عند أهلك
مزون تبي وماتبي خايفه ومحتارة بقت ساكته
طلال حسها بتوافق ضغط عليها : ها وش قلتي خلاص بكرا أجي أخذك
مزون هزت راسها بالإيجاب
طلال إستانس ووقف : يلا قومي عشان أرجعك الفندق
مزون وقفت : طيب بس المدير والشغل
طلال : إعتذري قولي ماأبي أشتغل
مزون طلعت الفلوس : وراتبي توني أخذته
طلال مشي : تعالي أنا أتفاهم معه وأرجع له الفلوس
طلعوا فوق ع غرفة المدير وكلمه وهو تفهم وشكره وأعطاه الفلوس ومزون بدلت ملابسها ونزلت مع طلال تحت ..
ركبت السيارة وهو ركب ومشي ..
طلال يناظرها : طيب ما سألتيني عن أهلك ماتبي تعرفي عنهم شي ؟
مزون بحماس : أكيد بعرف عنهم كل شي أول شي كم عم عندي وبنات عم وعمات
طلال ضحك : ما أظن بلحق أقولك كل شي شرايك نروح مطعم نتعشا واقولك
مزون وافقت من غير تردد وإبتسمت : طيب
إبتسم طلال ودقايق وصلوا المطعم نزلـوا ودخلوا وجلسوا ع إحدى الطاولات وكان جداً هآدي ومرتب ..
جاهم القرسون وسألهم وش يشربوآ ..!
طلال : وش تحبي تشربي
مزون : أي شيء
طلال طلب إثنين عصير والقرسون راح يجيب الطلب
مزون : يلا جاوبني عَ كل أسألتي
طلال : طيب إنتي عندك خمس أعمام غير أبوكي وثلاث بنات
مزون : إمم يعني ثلاث بنات خمس أولاد
طلال : هههههه إيه وأكبر شي أبوي عبد الله وعنده ثلاث أولاد وبنت وبعدين عمي منصور متزوج وعنده ولد وبنت أعتقد تعرفيه إللي كنتي عنده وبعدين عمي سلطان متزوج وعنده 4 بنات وماعنده عيال وبعدين عمتي نوره عندها تؤام أولاد وبنت صغيرة وبعدين أبوكِ الله يرحمه وبعدين عمتي نوال عندها ولد وبنت من زوجها وبعدين عمي محمد مو متزوج والكل يحبه وفلاوي وبعدين أخر شي عمتي أروى
مزون : ماشاء الله وأخر شي عمتي أروى مو متزوجة
طلال : لاء مو متزوجة وتقول كذا مرتاحه وهي وعمي محمد قالبين البيت معركه
مزون ضحكت وتحمست تشوفهم : طيب وجدي
طلال : جدي يحب الكل وعصبي درجه أول وكلمته ماتصير ثنتين بس مع ذلك قلبه طيب وكلمه توديه وكلمه تجيبه
مزون : لا واضح هالكلمه ما تأثر عليه إلا إذا كانت من إللي يحبهم حيل
طلال : ههههههههه طلعتي مو هينه إيه أكثر ثنين مايرد لهم طلب أنا وبنت عمتي نوره مزون
مزون بستغراب : إسمها مزون .؟
طلال : إيه عَ إسم جدتي الله يرحمها
مزون وهي تفكر : أهـآ يعني أنا إسمي ع إسم جدتي ولا عمره أبوي قاللي
طلال : الله يرحمه يمكن ماكان يحب يتذكر أهله
جا القرسون وحط العصير ..
كمل طلال : المهم من بكرا بنرجع ع جدة ورح تتعرفي عليهم كلهم وصدقيني رح تحبينهم
مزون بحماس : إن شاء الله

[ملكة الرومنس]

صـبـآح يـوم جديد ,

قصر أبو سعود ..
رند طلعت من غرفتها وهي لابسه المريول .. ومعها شنطتها نزلت تحت شافت سلمان وكاميليا وريف يفطرون ..
كاميليا لما إنتبهت لنزول رند صارت تأكل سلمان عشان تقهرها وريف ما فاتها هالحركة وتكمت ضحكتها .. وصلت ريف لطاولة السفر قالت بقهر : صباح الخير
الكل : صباح النور
سحبت كرسي وجلست جمب ريف ..
سلمان وكاميليا كانوا يتكلموا وصوت ضحكهم واصل لفووق ..
ريف ناظرت لرند إللي مقهورة وتناظر كاميليا بحقد همست لها : وش فيكي رند أكلتي البنت بعيونك
رند وهي تآكل التوست بقهر : قاهرتني من ـأمس مآ عرفت أنام بسببها ربي ياخذها
ريف : لاتدعي لأن الدعوة بترجع لك
رند وقفت : وإللي يسلمك فوزية الدريع سكتي "ورفعت صوتها " أنتظرك برا
ريف كتمت ضحكتها عَ رند إللي شوي وتنفجر وقفت وأخذت كتبها : يلا مع السلامه
سلمان وكاميليا : مع السلآمه
طلعت ريف ولقت رند داقتها سوالف مع وليد إنقهرت وصار وجهاا أحمر بعدين أخذت نفس وقالت وهي تهدي نفسها : ريلاكس ماصار شي إهدي ياريف إهدي
وصلت للسيارة وركبت : السلام عليكم
وليد إرتبك لما دخلت ورند حست ع نفسها ورجعت نفسها لوراء : وعليكم السلام
ريف ناظرته بعيون مقهورة بس مابينت وإلتفت لرند وهزئتها : إنتي مو حاسه ع نفسك راميه نفسك بين كرسيه صدق منتي متربيه
رند مستغربه من عصبيتها : وش فيكي ريف مو من عادتك تهزئي كذا ماصار شي وتعرفيني شي عادي بالنسبه لي
ريف : عادي لك أما الولد مو عادي عنده
رند بستهزاء : الولد ليه هو شكالك الحاال .!؟
ريف توترت لما شافت وليد يناظرها من المرايا اللي قدامه ناظرت الشباك : خلااص رند سكري ع الموضوع
رند تأففت : اووف



الساعه 2 الضهر ..

سارا كانت بغرفتها من أمس لما جو وهي تبكي ..
فهد يدق الباب عليها : سارونه إفتحي الباب طمنيني عنك .. سارا لاتخوفيني عليكِ كآفي بكي
سارا ماردت عليه وكل شوي صوت بكائها يعلا
فهد تنهد بطفش : ساارا حبيبتي إفتحي الباب بس طمنيني عنك
سارا صرخت : وش تبي فيني إتركني بحالي
فهد رجع دق : طيب إفتحي بقولك شي
سارا مسحت دموعها وقفت وفتحت الباب ورجعت ع السرير
دخل فهد وسكر الباب وراح جلس قدآمها وحضنها : خلاص حبيبتي بسك بكي ربنا برزقنا إن شاء الله
سارا وهي تبكي ومتمسكه بتشيرته : بس ما سمعت الدكتورة وش قالت قالت مافي أمل ولا واحد بالميه
فهد يبي يضحكها : وش أسوي إذا الدكتور متشآئمه
سارا إبتسمت
فهد بعدها عنها ومسح لها دموعها ورجع لها شعرها ورا إذنها : سارونتي إهدي وإنسي إللي صار ولا كأنه رحنا لدكتورة ولاغيرها وإستانسي وربنا ماينسى عباده وبرزقنا بطفل
سارا هزت راسها وسكتت
فهد باسها من خدها : يلا قومي شوفي فيلم معي
سارا مسكت إيده وطلعوا برا ..





فــي فرنـسـآ .. السآعه 6 وقت المغرب ..

مزون كآنت هي وطلال بالمطآر بروحوا ع السعوديه ..






ركبوا الطيارة ومزون كانت متحمسه & خايفة وكل هالأشياء تحس فيهم ..
طلال إنتبه لتوترها : وش فيكِ متوترة وخايفة ؟
مزون تكلمت من غير لاتناظره : خايفه محد يتقبلني ويحبني
طلال إبتسم : من هالنآحيه لاتشلي هم قلت لك رح تحبيهم وهم رح يحبونك الكل هنآك مايعرف يكره
مزون : إن شاء الله ..


نوقف هنآ


التوقعآت ..؟
مزون وعآئلة أبوهآ وش ردة فعلهم ؟. هل رح تتأقلم معهم ..؟
ريف ووليد ؟
سعود بقدر ينسى مزون ولا رح يحن لأيآمه معهآ ؟
سارا وفهد ؟
غلا وجرآح وأبوهآ ؟



أنتظر توقعاتكم

[شمس القوايل]

يعطيج العافيه ملكة الرومنس ع الطرح والبارت الرائع

مجهود مميز عساج ع القوه

ننتظر المزيد لاهنتي

[ملكة الرومنس]

كل الشكر لتواجد الغالي شمس القوايل والمميز هنا
ودي وتقديري

[ملكة الرومنس]

البآرت الـ 33 ..


فـي قـصـر أبو سعود .. الساعه 5 العصر
البيت كَ العآدة هدوء والروتين يكون ممل .. رند كانت بغرفتها وكاميليا وسلمان طالعين .. أم سعود طالعه .. سعود مادوام اليوم وبغرفته ..
ريف طلعت من غرفتها وكانت بتنزل تحت تجلس بس ناظرت باب غرفة سعود وقررت تروح تجلس معه توجهت ودقت الباب مرة مرتين ثلااث مارد خافت ودخلت ولقته منسدح ع السرير ومشخص نظره بالسقف ومايرمش قربت منه وبلعت ريقها وشهقت : ياويلي وش فيه أخوي "وقربت بخوف وهزته بخفيف " سعود سعود "وصرخت " سعود
سعود قام مزوع ويناظر ريف إللي عيونها دمعت : وش فيكِ وش صاير ؟؟
ريف ضربته عَ كتفه ومسحت دموعها : حسبي الله عَ إبليسك وش فيك مسرح ولا معناا كل هذا تفكيييير
سعود تنهد وعدل جلسته ناظر الباب كان نصه مفتوح أشر لها بعيونه عَ الباب : سكري الباب وتعالي بقولك شي
ريف تحمست سكرت الباب بسرعه وجلست بحماس ورجه : يلا قول
سعود يناظرها وهي متحمسه وضحك : ههههههه لا مابي كل هالحماااس لأن أعرف الموضوع ماراح يعجبك لا تتحمسي ع الفاضي
ريف : ههههههه طيب بس إنت قول يلا
سعود بجديه ويبي يقنعها : شوفي رييف أنا فكرت وحآولت وعزمت إني أنسى مزون "ريف ميلت فمها أجل السالفه فيها مزون " لكن ماقدرت ما أقدر أشيلها من قلبي أنا جماانه أول كنت أحبها حب مابعده حب بعد ما خانتني وهاذا وهي مسويه شي حاولت اكرهاا تبيني مزون إللي ما سوت شي وحبتني بأخلاص أكرهاا مستحييل
ريف حاولت تكون معه بارده بهالموضوع ماتبي تلين معه ع شي مابصير : طيب والمطلوب مني وش تبيني أسوي لك ؟!..
سعود : بسافر عَ فرنسا وأبيكي تجي معي عشان ارجعها ..
ريف بصدمه : نــعـــم ؟ إنهبلت إنت ياسعود ؟
سعود : إيه إنهبلت لاتنقاشيني بتجي معي ولا لاء ؟
ريف بحيرة : لو جيت معك مزون ماراح توافق ترجع
سعود : وأنا ليش ماخذك لسواد عيونك عشان تقنعينها ترجع
ريف كشت عليه : مااالت عليك عَ بالي عشاني "ولما شافته يناظرها بحده رجعت قالت " طيب موافقه أجي معك بس بشرط
سعود ماعجبه : يلا أخر عمري بنت تشرط علي قولي يا ست هانم وشو شرطك ؟
رييف : إذا مارضت تجي معنا تنسااهااا ولا ترد تفكر فيها .."وناظرته بتحدي "
سعود غمض عيونه بعدين قال : مواافق
ريف وقفت وتمغطت : طيب متى الرحلة ؟
سعود : إحنا خلنا نحجز بالأول بس إحتمال هاليومين ..





فـي المطآر , طلال ومزون وصلوا عَ جدة مزون كآنت خايفه وبنفس الوقت متحمسه تبي تشوف عايلة أبوها إللي تمنت تشوفهم ولا مرة وحدة .!
طلال إنتبه لسرحآنها حرك إيده قدآم عيونها : هي مزون
مزون إنتبهت : هآ
طلال : هآ , لا إنتِ مو معي نهاائي
مزون ضحكت : هههههههه لاوالله بس أفكر وش بصير , إمم وش كنت تبي ?
طلال : عطيني جواز سفرك عشان اللحين عند الختم وهالامور
مزون طلعته من شنطتها وأعطته إيآه أخذه طلال وسوا أمور الحجز والأورآق ..
رجع وأعطآها جوآزهآ : يلا مشينا ..
مزون : بنروح بتاكسي ؟
طلال : لاء أخوي عبد العزيز ينتظرنا برا
مزون بصدمه : قلت لهم عني
طلال إبتسم : كلهم يعرفوا واللحين تلقي بيت جدي ملياان الكل هنآك
مزون إبتسمت وتنهدت ومشت هي وطلال
وصلوا لبرا وعبد العزيز شافهم من بعييد وراح عند طلال وسلم عليه : الحمدلله ع السلامه
طلال : الله يسلمك
عبد العزيز ناظر مزون إللي كانت مستحيه : تو مانورت جدة يا بنت عمي
مزون "هذا يكلمني ؟ " رفعت راسها : منوره بأهلها
عزوز خق ع عيونها مزون إنتبهت ونزلت راسها
طلال دقه بكوعه : إحم يلا بنتم واقفين هني
عزوز إنتبه ع نفسه : إيه تفضلوا يلا
مشوا لين سيارة عزوز طلال ركب قدآم ومزون ركبت ورآء ..
عزوز حرك السيارة ومشي متوجه لبيت الجد ..





^
شوي ورآجعين لهم -.-



غلا كآنت طآلعه من بيتهم وركبت السيارة وقالت للسواق يروح كوفي الـ ...
طلعت جوالها من شطنتها وإتصلت عَ جرآح : ألو جرآح .. تمام الحمدلله .. إيه أنا اللحين بالطرييق .. إنت وصلت بهالسرعه .. هههههههه لا وين تاخذني أمي بطلعة الروح وافقت أطلع بروحي ومع السواق .. يلا مع السلامه ..
سكرت غلا من جرآح .. وربع ساعه وصلت ع الكوفي نزلت ودخلت وشافت جراح جالس ع طاولة بالزواية لحاله ويطقطق بجواله ويضحك جات وهي مبتسمه : سـلآم
جراح إبتسم : ياهلا والله
سحبت كرسي وجلست وبقت ساكته
جراح مسك إيدها : وحشتيني ..!
غلا سحبت إيدها وهي مستحيه : وإنت أكثر
جراح : وش فيكي سحبتي إيدك
غلا : إحنا بمكان عاام ومو حلو تمسك إيدي
جراح ماعجبه بس سكت
غلا حست إنه زعل بس قالت يزعل يعني يبيني أسلمه نفسي "
دق جوالها وكآن الرجال إرتفعت دقات قلبها وردت : ألو .. إيه أنا اللحين بالكوفي وين إنته .. وصلتوا .. تلقاني بالزواية أول ماتدخل الكوفي دق عشان تعرفني سلام ..
سكرت وناظرت جراح وقالت بهلفة وخوف : جراح اللحيين بشوف أبوي
جراح إبتسم : طيب حبيبتي إهدي خليكي قوية لاتضعفي
غلا عيونها دمعت : مادري وش بسوي لما أشوفه
جراح : غلاوي خليكِ قوية لاتضعفي
غلا هزت راسها وناظرت باب الكوفي وشافت رجال دآخل ودق جواله عرفت إنه هو هذا رن جوالها وردت : إيه انا شايفتك "وأشرت له "
سكر الجوال وتقدم لهم ناظر غلا وإستغرب وجود جراح : السلام عليكم
غلا وجراح : وعليكم السلام
جراح : تفضل
سحب كرسي وجلس وناظر غلا : أنا إسمي عصام
غلا : تشرفت وأنا غلا
عصام إبتسم برسميه : الشرف لي أدري أبوكِ قاللي , طبعاً ياغلا
"جراح قاطعه " الأخت غلا
عصام ناظره ورفع حاجب : من الأخ
غلا ماترددت بالإجابه : خطيبي
عصام يناظره : أسف ما كنت أدري
جراح ببرود : عادي
عصام كمل : المهم يا أخت غلا تعرفي أنا يوم إتصلت عليكِ كنت صادق بكل كلمه قلتها أبوكِ هو اللي قاللي إتصل ببنتي وحدد معها موعد عشان بشوفها وبفهمها ليه تركتها وما سألت عنها
غلا بلعت ريقها : طيب وين أبوي ليه مو معك
عصام : اللحين بجي بس قبل كل شي قاللي فهم بنتي القصة بأكملها عشان لاتاخذ فكرة مو حلوة عني
غلا : اخذت فكرة مو حلوة وخلاص مهما كانت ظروفه مافي شي يخليه يترك بنته إللي توها مولوده
عصام : إنتِ إسمعي بعدين إحكممي .. أبوكِ يكون رآشد صالح الـ ....
غلا وجراح إنصدموووآآآآآ ؟؟؟؟؟
غلا مو قادرة تتكلم من الصدمه تحس الكلم وقف بنص حنجرتها ومو قارد يطلع قالت بكتمه ودموع : عـمـي أبـ ـو سـ ـعـ ـود كـ ـيـ ـف ؟
جراح : هذا أكيد يكذب
عصام عصب : لو سمحت ما أسمح لك ..
جراح بعدم إستيعاب : أجل كيف خالي ابو سعود أبوها ولا بالمسلسلات تصير
عصام طنشه وناظر غلا : أخت غلا إهدي وخذي نفس بفهمك كل شي من الأول للاخر
غلا مسكت راسها ومو قاردة تستوعب تحاول تتأقلم مع الموضوع بس مو قادرة : طيب قول
عصام : أبوكِ إللي هو الأستاذ راشد تزوج وحدة غير زوجته أم سعود ومن غير لا أهله يعرفوا وهي تولدك توفت وأبوكِ كان بوديك دار الأيتام بس قلبه ما طاوعه وصارح أمه إللي هي ربتك وزوجته وقتها زوجته أم سعود قالت له مابي بنتك وماراح أربيها وديها دار الايتام الجدة ما وافقت قالت أنا أربيها وأبو سعود وافق وقال بشرط محد يدري إن غلا بنتي الجدة هاوشته بس هو ماسمع كلامها وبقى مصر ع رايه ويوم كنتي تكبري قدام عينه ندم كثير إنه سمع كلام زوجته وماسمع كلام أمـه وقبل فترة جاني وقاللي أبيكِ تساعدني ومن هالكلام وأنا ساعدته وإتصلت عليكِ
غلا كانت كل كلمة تسمعها تطعن بقلبها مثل السسكين حز بخاطرها كثيييير أبوي عايش وماقاللي وما إعترف فيني ليه ؟
جراح خاف عليها : غلاوي ليه ساكته
غلا وهي دموعها تنزل : مو قاردة يا جراح أستوعب أحس لو بقيت هنا بختنق بقوم أرجع البيت
عصام : وأبوكِ اللحين بجي ؟
غلا عصبت : لو سمحت لاتقول أبووي واحد مثل هذا ما أتشرف أنطق عليه كلمة يبه "وقفت" جراح قوم وصلني البيت
جراح وقف وأخذ مفاتحيه وجواله ولحق غلا ..
لقاها واقفه عند السيارة وتبكي جا ومسك إيدها : خلاص حبيبتي إهدي ولا تتعبي نفسك بالبكي
غلا : ما أقدر يا جراح توقعت الكل بس عمي أبو سعود ما توقعته
جراح : طيب حبيبتي تعالي ع السيارة بنبقى واقفين هنا الكل يناظر فينا ..
ركبت غلا السيارة وقتها فكت اللثمه وعيونها كانت حمرا وخشمها أحمر
جراح ناظرها ومسح لها دموعها إللي تنزل : كافي بكي غلاوي , إذا ماتبي تشوفي أبوكي إنسيه خلاص

غلا أخذت منديل من جمبها ومسحت دموعها وقالت : ودني البيت برتاح أبي أقعد بروحي
جراح إستسلم لغربتها ومشي متوجه لبيت الجدة "

[ملكة الرومنس]

وصـلـوآ عَ بيت الجـد , نزلت مزون من السيارة هي وطلال وعبد العزيز ..

قعدت تناظر بيت جدها من برا فله كبيرة وفخمه .. إنتبهت لصوت طلال : يلا خلنا ندخل
توجهوا لباب الفله وعزوز نزل الشنط من السيارة رن طلال الجرس ..
دقايق وفتحت لهم الخدآمه .. دخلوآ ع الفله ومزون كانت منزلة راسها طلال ناظر لها يعني إدخلي دخلوا للصاله والكل مجتمع حريم ورجال وشباب وبنات والجد كآن قآعد بأول الصاله ع أول كنبه ..
وقفوآ كلهم وأولهم الجد .. طلال إبتسم وناظرهم وناظر مزون إللي مستحيه ومنزلة راسها : طبعاً كلكم تعرفوآ مزون بنت عمي أحمد
الكل إبتسم وإستانس الجد تقدم ووقف قدآمها ورفع لها راسها وهي كانت شوي ويغمى عليها مستحيييييييية حيل الجد : ماشاء الله تبارك الله .. نورتي بيتك يا بنيتي
مزون بهمس : منور بوجودك ياجدي
كل البنات إنبهروا من جمال مزون الجذاب وكل الشباب خقوآ ..
البنات بهمس : مزون ترا نفس إسمك وهي أحلى منك , واا عيونها ملونه ياحظها , تهبببل وإلخخ
الجد إنتبه لهمس البنات ومزون إستحت صرخ عليهم : بس إنتِ وهي إسكتوآ
البنات تفشلوا وسكتوا والشباب صاروا يقهروهم
الجد : تفضلي يا بنيتي إقعدي جمبي
دخلوا وجلست مزون جمب جدها وهي مستحيه وما تكلمت ..
أخت طلال الهنوف جآت وجلست جمبها : مرحبا
مزون من غير لاترفع راسها : هلا
الجد ناظرهم : إسمعوني مزون رح تعيش معي بالبيت وإيآني وياكم أحد يزعلها ولا يقول لها كلمه هي الغاليه فيكم
مزون بنت العمه نوره بزعل مصطنع : خلاص اللحين جا من ياخذ مكاني يعني أنا صرت ولاشي بالنسبه لك يا جدي
الهنوف : وش يبي بخشتك طول عمرك وإنتي مقابلته خل مزون تاخذ شوي من دلعك
الجد بحده : أشوف إنتِ وهي أخذتوا راحتكم خلاص إحترموا وجودي شوي
بدر ولد العمه نوره وأخو مزون همس لعزوز : اليوم أختك تفشلت كثييير
عزوز : تستاهل هي تقعد تتهاوش وجدي موجود ماتعرف تسكت شوي
الجد إنتبه لبدر وعزوز وناظرهم بتفحص : فيه شي إنت وياه ؟
بدر تلعثم : إيه لا جدي مافي شي
الجد طنشهم وناظر مزون : قومي يامزون فوق إرتاحي باين عليكِ تعبانه من السفر
مزون بهدوء : لاجدي مو تعباانه بأقعد معكم
الجد إبتسم : طيب خلني أعرفك عليهم كلهم
طلال : جدي ترا قلت لها عن أسمائكم بس ع الله تكون متذكرة
مزون : لاتخاف متذكرة
الجد : المهم هاذي إللي هناك عمتك نوره وهذا "وأشر ع بدر " ولدها بدر وفي تؤمه مشاري وهذيك "وأشر ع مزون" دلوعتي الثانية مزون سميتك وإنتِ دلوعتي الأولى "مزون إبتسمت وإستحت " وهذا عمك " عبد الله وطلال وعزوز والهنوف الملقوفه عياله وعنده كمآن ولد إسمه ريان بس ما جاه لسه "وهذا عمك سلطآن " وهالثلاث بنات إللي هنآك بنآته .. والبنت وأصغر وحدة من بناته عمرها 6 سنوآت .. وعمتك نوال وعمك محمد ما جو لسه .. وهاذي عمتك أروى
أروى قامت وجلست جمبها : نورت جدة ياني متحمسه لجيتك ورتبت لك غرفة جمب غرفتي بالضببببط وإن شاء الله تعجبك
مزون إبتسمت برآحه : شكراً عمتي تعبتي نفسك
أروى عصبت : لا شوفي بعلمك القانون أنا هنآ محد يقولي عمتي قولي لي أورى رورو اما عمتي لاااء
مزون ضحكت : هههههه طيب
الهنوف : إيه لاتستغربي هي ماتحب تكبر نفسها
جآت أم طلال : يلا تعالوا تفضلوا ع العشاء جآهز
قاموا الرجال والشباب مجلس الرجال .. والحريم والبنات فرشوا بالصاله
قعدوا كلهم ومزون كآنت مستحيه تنزل الهنوف نزلتها : يلا زوز إنزلي
مزون : زوز هههههههه دلع جديد
الهنوف : يب هذا نقوله لمزون بنت عمتي نوره
شهد : بس اللحين بنغير بنصير نقوله لك إنتِ
أم لمى : بنات خلاص إكلوا كافي تتكلموا اللحين بعد الشعاء قولوا إللي تبغونه
الهنوف تهمس لمزون : هاذي خالتي أم لمى تكون زوجة عمي سلطآن وأم شهيد ماتحب أحد يتكلم عند الأكل نظاااميه بقووووة
أم لمى ناظرتها : الهنوف وش قلنا تونا ..!
الهنوف سكتت وصارت تآكل
مزون ضحكت عليها







ثآنـي يوم الصبح , فـي قصر أبو سعود ..

ريف كآنت جآلسه بالصاله قررت اليوم مَ تروح عَ الجآمعه .. كآنت الساعه 8 رند بمدرستها وسعود بالشركه وأم سعود بغرفتها ..
"أووف ياربي طفشآنه مرة "أخذها تفكيرها لعند مزون" أتصل عليها ولا لاء , لا ريف وش هالتفكير الخايس البنت قررت تبدأ حيآة جديدة من غير أي شيء يذكرها في سعود وأنا اللحين بتصل عليها , خلني أنساها أحسن شيء , " وقفت ورآحت عند المسبح جلست وحطت رجولها بالمسبح وجلست تلعب بالمويا وأخذها تفكيرها عند وليد يَ ترى إيش قآعد يسوي اللحين والله مو قآدرة أنساه صايرة أفكر فيه كثير .. شوي إلا لقت أحد جآي من ورآهآ ودفها بِ المسبح نآظرت ولقت رند ميته ضحك عليهآ
ريف إنقهرت وشعرها صار كله مويا وملابسها لصقت ع جسمها وصارت شفافه:$
وحالتها حآله
رند : هههههههههههههه شكلك يضحكك يبي لك تصوير
ريف طلعت وهي معصبه وصرخت عليها : إيش هَ الحركه السخفيه تعرفيني أكره هَ الحركآت
رند خآفت من صراخها وإيش فيها أول مرة تصرخ كذا العاآده تضحك وتبي تستهبل قالت ببرود : ريف وش فيكِ عآدي مَ صار شي ..!
ريف دفتها وطنشتها وجآت طآلعه للصاله وتنفتض من البرد لفت بتطلع إلا إنفتح باب البيت وشآفته دآخل ومعه شنط أبوها قاله يدخلهم تصنمت وهي تنآظره وهو تصنم ناظر شلكها البريئ وشعرها المليان مويا وتنزل ع وجهاا وعيونها وملابسها مليانه مويا ولاصقه عَ جسمها النحيف وصآير شكلها بريئ وجميل ..
بلع ريقه ومَ قومه إلا صوت رند إللي كآنت ملاحظة نظراتهم لبعض وهي عند المسبح قالت بصراخ : ولييييد شتسوي هني وإيش مدخلك البيت
وليد بخوف ونزل الشنط ويناظر ريف ومنطش رند : أسـ ـف أنـ ـسـ ـه رنـ ـد
وطلع بسرعه
ريف حبست دموعها وطلعت فوق بخطوات سريعه ..
رند بغت تطلع وتحاسبها وتقول لها وش بينك وبين وليد ليه نظراتكم كآنت كلها حب وشوق بس إللي وقفها دخول أبوها راحت وسلمت عليه ..
أبو سعود وهو حاضنها : اليوم حظي حلو مَ رحتي المدرسه
رند وهي تحاول تتناسه : إيه رحت وقالوا مابناخذ شي اليوم ورجعت
أبو سعود مسك إيدها وجلسو بالصاله : طيب وينك أمك وأختك وإخوآنك
رند وقفت : اللحين بناديهم
وطلعت وهي تخفي غصتها وصوتها المكتوم ..








الضهر , الساعه 25 : 2 ..




في بيت الجدة , طلعت غلا من غرفتها وهي تبي تفهم من امها ليه خبت عنها طول هالمدة موضوع أبوها جهزت نفسها وأخذت نفس عشآن تتآفهم معهآ ..
طلعت للصالة ولقت أمهآ توها مسكرة سمآعة التلفون .. إنتبهت لدخول غلا ع الصالة قالت وهي مبتسمه : بكرآ أبيكي تساعديني بالترتيب لآن الكل بجي يتعشا عندي
غلا قالت ببرود وهي تجلس جمبها : إن شاء الله "وسكتت وهي بآين عليها إنها بتقول شي"
الجدة لاحظت تعابير وجهآ : غلا يمه فيكِ شي ؟!
غلا بلعت ريقهآ وإلتفت لأمها وحاولت تكون هآديه : يمه بسألك سؤال وأبيكِ تجاوبيني بكل صرآحه ؟
الجدة بستغراب : سألي ؟
غلا : يمه ليه كذبتي علي وقلتي إن أبوي وأمي توفوا وأبوي طلع عايش .!
الجدة بصدمه وماتوقعت ولا مرة تسألها مثل هالسؤال أو تعرف شي بالموضوع وقتها إستوعبت وقالت يمكن راشد قالها شي .. حآولت تكون هآديه : شلون عرفتي
غلا نزلوا دموعها ونزلت عند رجولها وقعدت ع ركبة وحدة ومسكت إيدينها : يعني صح ليه ماقلتيلي ليه خبيني عني طول هالسنين وخليتني ع عماي .. ليه ؟؟
الجدة مسكت إيدينها وتكلمت بصوت مخنوق : تبيني أقول إنك بنت رآشد وقتها وش بتسوي بتبقي عندي ولا بتروحي عنده . هو إللي طلب مانقولك وزوجته ماوافقت عليكِ ..
غلا : يعني رند وريف وسعود وسلمآن إخوآني ...!!
الجدة : إيه ياغلا إخوآنك وخلاص سامحي أبوكِ وقتها ماكان بإرآدته لما تركك وما أعترف فيكِ كله من زوجته الله يسامحها إللي فآت مآت وإبدي بالحاضر ..
غلا : ما أقدر يايمه يمكن يجي يوم وأسامحه بس مو اللحين اللحين شايله عليه كثير إللي سواه مو قليل
الجدة هزت راسها وسكتت لأن كلام غلا صحيح ..!




فـي بيت أبو نوآف ..

البندري كآنت جالسه بالصاله بطفش بعد ما رجعت من المدرسه وهي تعبآنه ..
أخذت التلفون وإتصلت عَ بيت عمها أبو سعود ..
فِي هَا الأوقآت كآنوآ كلهم مجتمعين يتغدوآ , رن التلفون
قآمت رند عشان ترد رفعت السماعه : ألو
البندري : هلا رنود
رند جلست وإبتسمت : ي هلا ببنو كيفك أخبار الأهل ؟
البندري : بخير والله إنتوا كيفكم "وقالت بتردد "وكيف سلمآن وصل ولا لسه ؟
رند : بخير كلنا إيه وصل "وخفضت صوتها " حتى العقربه زوجته جآت
البندري إنقهرت بس اللقافه قتلتها : صدق كيف شكلها حلوة وش إسمها ؟
رند : ماينفع أقولك ع التلفون بكرا بنجتمع ببيت جدتي تعالي وأشوف هنآك وأقولك
البندري : أوكِ خلاص إتفقنآ يلا أنا بسكر أشوفك ع خير
رند : أوكِ مع السلامه
سكرت رند ورآحت تكمل أكل .. أم سعود تناظرها : من المتصل ؟
رند : هاذي البندري بنت عمي كآنت تسأل
أم سعود هزت راسها وسكتت ..
ريف تكلمت بعد سكوت : يبه وش رآيك بمآ إن مو باقي للإجآزة شي نسآفر لتركيا ..!
أبو سعود إبتسم : تركيا تركيا إللي تقولوا عليه "ونآظرهم " ها وش رايكم ؟
رند بعتراض عشان تقهر ريف : أنا مو موافقه
الكل ناظر عليها يعني ليه ؟ ترددت ماتدري وش تقول ليه رفضت : مابي أروح تركيا
كل صديقاتي بروحوا كندا
أبو سعود حس في شي بينهم من نظراتهم لبعض : طيب مو مشكله ولا أحد يزعل نروح تركيا أسبوعين وبعدها نروح كندآ ها وش قلتوآ
رند : طيب موافقه
ريف إبتسمت : عآدي

أبو سعود وقف : الحمدلله "ريف بس تخلصي أبيكِ تلحقيني ع المكتب ..!
ريف وهي مستغربه : إن شاء الله ..
أم سعود ورند ناظروها وهي كملت أكل وتحآشت نظراتهم ..

[ملكة الرومنس]

فـي جدة أم الرخا والشدة ...

وبالتحديد فلة الجد .. قبل لا نروح للأحدآث نتكلم شوي عن حيآة أهل مزون بجدة ..
زي ماقلنا لكم مزون عندها ثلاث عمآت وأربع أعمام مع أبوها خمسه .. رآح أقولكم أسمآئهم ..
أكبر عم عندها عبد الله متزوج وعياله أكبر شي ريآن وعمره 27 مايبي يتزوج بعدين طلال وعمره 25 بعدين عزوز 22 بعدين الهنوف 20
بعدين منصور إللي كانت عنده مزون وبعده سلطآن عنده أربع بنآت أكبرهم لمى عمرها20 مخطوبه وعرسها قريب وبعدين شهد 19 وبعدين رشا 17 وبعدين أصغر شي لين 12 سنه
بعدين العمه نوره تأخرت كثير لما حملت وجآبت تؤآم بدر ومهند عمرهم 19 سنه وبنتها مزون 17 سنه الجد يحبها كثير لأن إسمها مثل إسم الجده وزوجته ويعزها وكذا ^__^ ><أكره هَ الفيس بس مدري ليه حطيته ..!
وبعدين أبو مزون الله يرحمه :( وبعدين العمه نوآل عندها ولد إسمه باسم عمره 14 سنه وبنت من زوجها إسمها سجى وتعتبرها بنتها عمرها 9 سنوآت وهي ولين وباسم مسوين عصابه ومجننين البنات والشباب ..
وأخر شي العم محمد عمره 30 سنه مو متزوج ولا يفكر بالزوآج والجد لسآنه إنبرا من كثر مايقوله بزوج بس لاحيآة لمن تنآدي وعايش حيآته بالطول وبالعرض ولا همه شي
وبعدي العمه أروى 26 سنه وكمآن مو متزوجة <نص العائله مت متزوجين ..
بس أبوها يبي يزوجها لولد صديقه بس لسه ما فاتحها بالموضوع ..

مَآ حبيت أوصف لكم الأشكآل لأن رح تتخربطوا وكذا أكتفي بذكر الأسماء والاعمآر
وشخصياتهم رح تعرفوهم بالروآيه ..


كآنت مزون بغرفتها وعندها الهنوف بنت عمها ..
الهنوف وهي تطلع ملابس من الدولاب : ها مزونه وش أحلى ؟
مزون تناظر وبهدوء : إللي عَ اليمين
الهنوف ناظرته : يب حتى أنا كنت قايلة هذا أحلى أجل إمسكي "وترميه لها " بتلبسينه اليوم .!
مزون تناظر الفستآن : من جدك إنتِ تبيني ألبس هالفستآن ..؟
الهنوف : إيه اليوم بنجتمع كلنا ببيت عمي سلطآن كل يوم بالإسبوع ببيت أحد من أعمآمي
مزون : أها , بس هنو هالفستآن فاصخ مرا
الهنوف شهقت : ياويلي هذا فاصخ حرام عليكِ أجل وش الساتر بالفساتين ؟
مزون رفعت كتوفها : ممدري بس ماتعودت ألبس كذا
الهنوف بعنآد : مالي شغل بتلبسيه يعني بتلبسيه وبسوي لك شعرك ومكيآجك وكل شيء
مزون بستسلام : طيب إلا وين عمتي أروى ..
الهنوف : أووووه مو اللحين تقوم
مزون : أجل متى ؟
الهنوف : أظن المغرب
مزون : حرام روحي قوميها والصلاة , ؟
الهنوف : تصلي وترد تنام , ماعليكي منها قومي ننزل نقعد بالحديقة شوي وإلا أقولك وش رايك تجي بيتنا هو جمب بيت جدي ؟
مزون : لامو حلوة اللحين جدي نايم وقاللي قوميني المغرب ومابقى ع المغرب شي
الهنوف : ع الاقل دقيقة شوي ونرجع بيتنا مو بعيد جمب بيت جدي
مزون بحماس وقفت : طيب يلا
الهنوف مسكت إيدها وفتحت الباب بهبل وهي تجر مزون وراها إللي خطواتها بطيئة وتحاول تسرع وتصير نفس خطوات الهنوف وصلوا لباب البيت
مزون وقفت : هي بطلع كذا من غير عبايه
"طبعاً مزون كانت حاطه طول الوقت الطرحة ع كتوفها عشان اذا جا أحد من العيال "
الهنوف : إيه أنا إذا بروح من بيتنا لبيت جدي أحط الطرحه وأكون لابسه طويل
مزون : لاء هنوف أحس نفسي مفصخه ماتعودت
الهنوف تحشرها : أقول إمشي وفرنسا ؟
مزون سكتت ولوت فمها
الهنوف : جبهتك راحت فيها
مزون تضربها : إنقلعي وإمشي
الهنوف ضحكت وطلعوا وأقل من دقيقه وصلوا بيت أبو ريان دخلوا وكانت أم ريان وأبو ريان جالسين بالصاله يشربوا شاهي مزون إنحرجت والهنوف مسكت إيدها ودخلوا قالت برجه : إس إس السلام عليكم مساكم الله بالخير
أبو ريان وأم ريان إبتسموا : وعليكم السلام
الهنوف تدقها بكتفها : سلمي
مزون قربت وحبت راس عمها وسلمت ع أم ريآن : شلونك عمي شلونك خالتي
أبو ريآن وأم ريآن بأصوات مختلفه : بخير إنتِ شلونك؟
مزون : الحمدلله بخير
أبو ريآن : ها وانا عمك عسآكِ مرتاحة وماعليكِ قآصر ..
مزون وهي منزلة راسها : لاالحمدلله ماني محتاجه شي ماتقصر عمي
الهنوف : إرفعي راسك ما انكسرت رقبتك
مزون سكتت وأعطتها نظرة
الهنوف كتمت ضحكتها : يلا عن إذنكم براوي مزونه بيتنا
سحبتها من يدها برجه وطلعوا فوق وقفت بأول الدرج : تعالي أول شي أروايكي غرفتي بعدين غرف إخوآني المهابيل وبعدين ننزل عند المسبح
مزون : ههههههههه مهبل
الهنوف وهي تمشي ومزون وراها رايحين الغرفه : إيه وربي لو قعدتي مع عزوز وطلول رح تقولي هاذول ريا وسكينه
مزون : طلال مو مبين عليه
الهنوف : إيه قدامك مسوي ثقيل والولد الجتنل وهو مافي أفصل وأهبل منه
مزون : وربي مو باين
الهنوف : مو يقولك المظاهر خداعه
مزون : صحيح
الهنوف : أما ريااااان هذا وخري عنه لاحد يكلمه النفسيه
مزون : ههههههههه وقت ماجيت هنا إنتِ ماقلتي أسمائهم كل واحد ملقبته
الهنوف دخلت غرفتها ومزون ورآهآ .. : جدي يقولي إنتِ إللي ملقبه كل العائله ويقولي طويلة لسآن
مزون : ههههههه باين عليكِ إنكِ مرجوجهه
الهنوف : الكل يقولي كذا عاد إنتِ الله يعينك مدري وش بلقبك
مزون : صدق الله يعيني "وتناظر غرفة الهنوف الكبيرة " ماشاء الله ذوق غرفتك يههببببل
الهنوف : أنا أعشق اللون الأسود والرمادي مالي بالألوآن الطفوليه خلني بالملكيه
مزون ضحكت من قلب : هههههههه يا هو ياملكي إنته ..


نتكلم شوي عن غرفة الهنوف ~هنو~

غرفتها أول ماتدخلي السرير قدآمك إمم بما إني رح أخبص بالوصف تقريباً زي ذذي .

^




الهنوف : طيب تعالي أوريكي غرفة إخوآني
مزون رفعت إيدها وناظرت الساعه وقفت : لاء خلآص الساعه 6 اللحين بروح أقوم جدي عشان الصلاة , الايآم جايه وبتملين مني .!
الهنوف مسكت إيدها وطلعوآ : لا مستحيل أمل منك , يلا خلنا نروح بيت جدي عشان بعدها أجهزك
مزون ضحكت : زين بلآ ..





إنتهى البآرت ..

[شمس القوايل]

يعطيج العافيه ملكة الرومنس ع الطرح والمجهود

بارت جميل عساج ع القوه

ننتظر جديدج القادم