حاولت ابرسل لك رساله واهنيك **** لكن كتب لـي لـم تتـم الرسالـه
قلت أتصل بك لانك انسان نغليك **** رد المسج ويقول صعبا وصالـه
قلت استعن بالله واروح واجيك **** انزل سهول الارض واطلع جبالـه
دقيت بابك قالوا النـاس وشفيـك **** مهجـور بيتـه لاتوقـف قبالـه
وقفت احاول افتكر في لياليـك **** والمنـزل اللـي يحتضنـا ظلالـه
قالواعلى شخصا يبيعك ويشريك **** خله يروح وانـت مالـك ومالـه
قلت اه لوتدرون من دون تشكيك **** قلبـي وعقلـي معتبرهـم حلالـه
قالوا يقول انك ترىفيك مافيك ****قلت اسمحولي هـذي احسـن مقالـه
باعوك خلانك واناجيت أبشريك *** وعودت مثل اللي فقـد راس مالـه
شفت الجروح اللي قديمه تناديـك *** وتقـول تكفـا واعتبرهـا جمالـه
اجمع تراب الحزن في أرض ماضيك *** واسكن سماءحزنه واطالع هلاله
واللي جرالي من سبايـب تغليـك **** يشبـه لعـودا شرهوبـه عيالـه
والاكماعودا عيالـه صعاليـك *** لاراحـوا الغازيـن بأغـلا حلالـه
مثـل السجيـن اللـي عليـه الشبابيـك*** والايتيمـا ظالمينـه خوالـه
رجل الامل بمشي بها لين الاقيك *** ويد الوفـاء بمدهـا فـي وصالـه
يقولون جاهل شخص ماهو بيغليك*** ثم قلـت زيدونـي بحبـه جهالـه
وان مت اناهذي وصاتي وبعطيك *** تكتب على قبري حـروف المقالـه
وتقول هذا قبر من كـان يعنيـك *** الشاعـر اللـي مازمانـه صفالـه
العرض العادي
