والله ماني يم الإبداع ياخيْ=تدري عن اللي فالهوى ياخيْ جاني
شب اللهيب إبقلبي المسكين و النيْ=قلبي تشوفه طار من جوف المحاني
ياكيف قلب ٍ ميت ٍ في جوفي وحيْ=هذي حياة ٍ تنكتب منها نعاني
نايف تراني فالهوى ماحسبتي شيْ=لوهو حسب لي مايحب اليوم ثاني
قفّا وكِنه قد طوالي صفحتي طيْ=ماكنت اظنه فالهوى طبعه اناني
كنّي طريقه فالمحبه وإنتهى بيْ=انهى طريقه فالهوى يوم ٍ نهاني
ياصاحبي انته ترى لي نور ٍ وضيْ=ياكيف ادل الدرب والشوفه ثواني
ماتدري إنه قد نقل عن كِفة الحيْ=داره خلاوي مابها غير المباني
منهو كوته الشمس يعرف قيمة الفيْ=يوم إن خلّي بالهوى ياما كواني
تدري وش اللي يِفِرِق الطيب والغيْ=إن كان باع الخِل وإلا إنه شراني