لاتطول غيابك ثم آخذ عليه
لو تخليت عني عنك قلبي تخلّى
العذر والتعلّل والحكي مانبيه
من تحرك فؤاده بالهوى ماتغلّى
طبعي الصبر لكن وش عليه أرتجيه
من طويل الصبر يعقوب وأيوب ملّه
دامني حي عطني وش بقى نحتريه
مابي دموعك اللي عقب موتي تهلّه
مابقى بالعمر مقدار ماراح فيه
كل مازلّ يومٍ يوم بالعمر ولّى
مايعرف الجمر مثل اللي يكتويه
أحد يدفى بناره وأحد فيه يتصلّى
يامن القلب حطيته براحة يديه
مارضا له مكانٍ غير كفك محلاّ
كم تعذّر وعيّا عن هوى مهتويه
لين طاح بيمينك بالغرام وتجلّى
العرض العادي
