يامرحبا بجميع اعضاء منتدى الود
اعرفكم بديرتي
آلـ][ـدـ][ـوآـ][ـدمـ][ـيـ][ـ - ـ][ـدآـ][ـوـ][ـرـ][ـد
بين صوت الخرير وبين صوت الهديل= وبين ضن الهجوس وبين رمعاتها
معتلن بالمعاني فوق راس الطويل= لين بثت على المشراف موجاتها
ياحروف القصايد كل صبح ٍبليل=مير صبحك ذبح بالنور نجماتها
كل يوم ٍلسيفي فالمعارك صليل=وكل ليله وانا سيد سياداتها
لاتركت الجزيل ولا كتبت الهزيل=كاتب ٍ بالذهب والماس كلماتها
كلها لجل عين الفاتن ام الجديل=ماتزين القصايدغير لا جاتها
عالية نجد وام المجد في كل جيل=شامخة ماتذل الراس لعداتها
مرتع النوق يوم المعركه والصهيل=يوم كل ٍ يسوق العمر لرضاتها
محتمين المراتع كلها بالصقيل=يشهدن السيوف لضرب شذراتها
ويشهدن الرماح اللي تحط وتشيل=كم تعشن عقيدٍ وسط ساحاتها
ديرة ٍ باعها فالجود ماله مثيل=من هجير الشموس تضل فياتها
عزة ٍ للعزيز ومزبنٍ للدخيل=هي ملاذ ٍلناسٍ تابس لهاتها
هي دوى للأوادم يوم داها ثقيل=سمية بأسمها في حق تسماتها
نورها في وطنا مثل شمس الاصيل=فاتنه ماتعدد كثر حسناتها
ماندور لداورد العذيه بديل=والمحبه لها تستوجب اثباتها
كل اهلها لها من دون شرط وكفيل=بدو ولا حضر قاموا بحاجاتها
*الله انه يمد الحي عمر ٍ طويل =والله انه بعفوه يرحم امواتها
حبها وسط قلبي له مقر ومقيل=لايمي ماتمل الروح مشهاتها
لو هواها سموم ولو عطاها قليل=فاتنه فاتنه في كل حالاتها
هي مقر الملوك ولا بغيت الدليل=شوف قصر الموحد فوق هاماتها
يوم جاها نزيل وحي ذاك النزيل=شيد القصر فيها لجل طولاتها
عانقت بالفخر من يوم جاها سهيل=واكتمل عقدها من دون جاراتها
ماحكمها عميل ولا سكنها بخيل=شامت لعين حر ٍ جمع اشتاتها
طيب الله ثراه وجعل قدره فضيل=يوم كل النفوس تعد سياتاها
ماترك وسط داره للمعادي فصيل=وارخت جيوش كل الارض راياتها
واحمد الله لقينا عقب شيخ ٍ جليل=من بوقت اللزوم يضد نكباتها
مابعقب الموحد من يسمى ذليل=كلهم كالحرار ومثل هداتها
دام سلمان حاكم نجد حام الدبيل=مانحسد الديار بكل صفقاتها
هو ذرانا بيومن فالملاقا مهيل=بأذن رب الملا ينهي معاناتها
هو زبون الونيه يوم شب الفتيل =والقصايد بمدحه تصخر ابياتها
شيخنا اللي يمينه مثل وبل المخيل=والضبى روسها تسمن بمداتها
لو جمعت القوافي في بحور الخليل=فاق كل القصايد فاق غاياتها
تم قولي عساله فالمسامع حصيل=لجل دار ٍ مناة الروح نسماتها
0
0
0
0
0
0
0
0
0
0
0
0
0
0
0
0
0
0
0
0
0
0
0
0
لحد يٍـ،ـطلع,,,,يٍـ،ـتبٍـ،ـع
العرض الشجري
