(#) لـلـرديــة و الـمـحـاورة (#)

[العـ راعي ـليا]

تسلم وصرحك شامخ(ن) ما يتهدم=وعدو عينك في محيطه ايلالي
لو يقترب يدري يبي يترع الدم=لا قيل : قرّب قال : يا همّلالي!

علينا وعليك يتبااارك

يالعاااطفي ...

وعساااك من عوّاااده

دمت بخير

[الـعـاطفي]

حبيب قلبي جوه اصبح مغيم= مادري ياراعي ماطراله طرالي
وانكان مابه شر عسى يتقدم= كنت بصراحه عايش ً بالخيالي

طازجة الان! من الكيبورد

تحياتي واحترامي

[العـ راعي ـليا]

ان كان بوصالك اقليبه مهيّم=لا يصيب قلبك ضيقةٍ وانشغالي
عسى السعاده في سماكم اتديّم=وتنعم بقربه يالخوي ما تبالي

[الـعـاطفي]

يقول لي انه بحبي متيم= لكن بعادة زاد فيني اشتعالي
يسعد فؤادك يالعشير المقَيم= تقييم من شاعر رزين ومثالي

[العـ راعي ـليا]

يالعاطفي بالصدر قدرك امخيّم=وذكّرتني ياصاحبي ما مضالي
ياللي عن الهزعه تصوم وتشيّم=عريب ساس ولا عليها جِدالي

[لجل عيونك]

ياليت شعري عن شعوري يترجم ****كنت اشرح الواقع ويرتاح بالي
حاولت واستأنفني الضيق والهم****لا حول ماباليـــد حيله لحالـــي

وعيدكم مبارك وكل عام والجميع بخير

[الـعـاطفي]

الف الف شكر لكل الشعراء المشاركين

الله يعطيكم العافيه



الحقيقة انا ودي اهدي هالبـيـتين! إهداء خاص لعضو عزيز على قلبي

واتمنى انه يرد علي

أقول:

وينك؟؟ حياتي ليه عني تباطيت= (سمو) يا أسمى سمو المعاني
كنت انتظر لحظة حضورك وغنيت= شديت قافي فيك بأجمل أغاني

تحياتي واشواقي وقبلاتي

[العـ راعي ـليا]

يا العاطفي يامنبع الطيب حيّيت=أهديك أسمى ساميات التهاني
لو ينفع حضوري عنه كان سدّيت=يسد حرفي عن حضور بمكاني
لكن على متصفحك يوم عدّيت=قمت أتذكّر ما مضى من زماني!
منك السموحه ياخوي كاني اخطيت=ادري مكانه ما يجي به كياني

[** سـمووو //]

اقتباس المشاركة الأصلية كتبت بواسطة الـعـاطفي الف الف شكر لكل الشعراء المشاركين الله يعطيكم العافيه الحقيقة انا ودي اهدي هالبـيـتين! إهداء خاص لعضو عزيز على قلبي واتمنى انه يرد علي أقول: وينك؟؟ حياتي ليه عني تباطيت= (سمو) يا أسمى سمو المعاني كنت انتظر لحظة حضورك وغنيت= شديت قافي فيك بأجمل أغاني تحياتي واشواقي وقبلاتي

الشاعر العاطفي.. أولآ الف شكر على هالموضوع المميز ..

ثانيآ تسلم ع الأهداء الرائع من شاعر أروع ..

يامرحبا يالعاطفي الف حييت=يالشاعر اللي من همومي خذاني
رغم التعب رغم الألم عانني جيت=حضرت لجل الشعر بإحساس ثاني

[** سـمووو //]

اقتباس المشاركة الأصلية كتبت بواسطة العـ راعي ـليا يا العاطفي يامنبع الطيب حيّيت=أهديك أسمى ساميات التهاني لو ينفع حضوري عنه كان سدّيت=يسد حرفي عن حضور بمكاني لكن على متصفحك يوم عدّيت=قمت أتذكّر ما مضى من زماني! منك السموحه ياخوي كاني اخطيت=ادري مكانه ما يجي به كياني

هلا بالقدير راعي العليا ..

والعذر والسموحه على حضور حروفي بينك وبين الشاعر العاطفي..

لك أستاذي جل التقدير..

قدرك كبير وشاعر.. ان جيت وفييت=حياك وحضورك سروره غشاني
يامبدع القيفان يكفي منك بيت=يالجزل ماينصف حروفك الساني