اللي نسانا نقـدر اليـوم ننسـاه=ننسـاه دامـه نـاويٍ ينتسيتـا
يوم إنه مخلـص ماتمنيـت فرقـاه=واليوم يومه عاف يرجـع يجينـا
اللي يخون يصاحبـه مـا نتمنـاه=لو هو رحل حنّا ببعـده رضينـا
من باعنا بالرخص بـلاش بعنـاه=النفس ما نرضى لهـا مـن يهينـا
وكلٍ نصيبه وسط دنيـاه يلقـاه=ما ينقطـع مـادام حنـا حيينـا
ياصار قلبه عنّـي البعـد يقـواه=حتى أنا لي مولاي لقلبـي يعينـا
ويامـل قلبٍ تل قلبي مـن أقصـاه=يجيـه يـومٍ مايعـرف الحنيـنـا
والله لو إنه بان لـه شـي يخفـاه=لغير يصفـق ... بالشمـال اليمينـا
ولغير يسمع عند جيرانـه بكـاه=وكلٍ تسائـل ليـه جـر الونينـا
غيره بقلبي مابلـغ حـد ماطـاه=لاشك وش يدريه شئٍ دفينـا
ياما لعينه نزعـل الغيـر لرضـاه=نقول يمكن ... بعـد قسـوة يلينـا
ما طاعني قلبي وأنـا عنّـه أنهـاه=ادري ليا أبعد ... يقلب السين شينـا
لأنه يضيّع ... من لمح بسمـة شفـاه=ويضيّع أسمة ... من نظر رمش عينـا
يالعن أبو هافيه ... ياخوك ما احـلاه=لو نشربه ماء...لا نعطش.. ماروينا
حسن وجمالٍ ... كمّله فيـه مـولاه=ما خالطه تجميـل ... صنـع اليدينـا
العرض العادي
