خلاص لا ترجع ترانا سلينا
ما كنت اصدق يوم اني ابا انساك
في بعدكم ياما عليكم بكينا
واليوم ما تطري على البال طرياك
وانا ادري انك رغم صدك تبينا
لاشك ناس ضدنا تقصر خطاك
من سكرت الحب الصناعي صحينا
حتى المجالس عفتها خوف ذكراك
خل الذي غير حنانك علينا
يعطيك من قلبه ربع ما عطيناك
بحلام ليلي لو خيالك يجينا
قضيت تالي الليل في دفن ذكراك
وش عاد لا صار السلام بيدينا
قلبي وقلبك بينها دارت افلاك
ودعت ماضي حبنا وانتهينا
وقلبٍ نسيته يوم لا بد ينساك
ذكراك يا غدار هانت علينا
حتى دموع العين فرحت بفرقاك
حبٍ جديدٍ غير حبك لقينا
حديتني جعل الليالي تحداك
راقت لي,,,
العرض الشجري
