مسرحية المشاغبين
أهلا وسهلا بكم في العرض الأول لمسرحية المشاغبين المسماه " شلة الدمار الشامل المحظورة "
الأب / أبوسند الابن الأكبر / المعلم الابن الأصغر / المسلم وزوجته وسن
كانت عائلة ابوسند تعيش في إحدى قرى المملكة
يعني قراوى مايعرفون البيجر ولا الجوال
بس كانوا يعيشون في سبات وبنات اقصد ونبات
وكان برنامجهم اليومي قومة من الفجر والنوم بعد العشاء مباشرة
وحط خطين تحت مباشرة لأنهم كانو يتعشون بعد المغرب
ابوسند / ايها المعلم ايها المسلم قوموا صلوا جعلكم ماتقومون عساها نومة أهل الكهف ابو سند مسوي رجال وشخصية قوية
وقام المعلم اول واحد لان نومه خفيف وبعد عقله خفيف ياعيني عليك يالمعلم من قدك افرح عقلك خفيف يوزن أي كلام
ولما ابو سند شاف المعلم ساله ابوسند وين المسلم اسم بس مسلم ولايصلي مع الجماعة عاد المعلم نذل استغل الفرصة عشان يحرض ابوسند قال المعلم المسلم وزوجته القلق وسن سهرانين البارح عند الدش
ابوسند وشو حاطين دش وانا آخر من يعلم يقوم ابو سند وياخذ العصا ويدخل على المسلم وزوجته وسن في غرفة نومهم " والله انك ماتستحي ياابوسند " عاد المسلم نومه ثقيل لو تكب عليه مويه نار ما قام
ويقوم ابوسند ويطق المسلم على رجليه ذا السود الشهب
وتصرخ وسن ويقول ابوسند الحين انا اطق زوجك المسلم انت تصارخين اجل هو يشرب وانت تسكرين " خربها ابوسند آخ منك طلعت ايام البحرين ودبي ويقوم المسلم وش عندك ياابو سند ياالقلق ليش ماتروق المنقش تراك ازعجتنا " عيب عليك ياالمسلم اكيد انك شارب لبن مغشوش يومك صغير ولاماتقول هاالكلام لابوسند المحترم الوقور الواجب انك تاخذ العصا منه وتعطيه كم وحدة الين يذن ويقعد يقول انا داخل على الله ثمن عليك يالمسلم اعوذ بالله من الخبث والخبائث .
ليش قلت ليش عشان تسوي شخصية قدام حرمتك الشيفة وسن سحيلة ام الخلاقين ام قميص ملون اللهم لك فيه حرمه عاقل تلبس قميص ملون لا وياليته الوان تفتح النفس اخضر على احمر لا ولابسة بعد تحته سروال رياضة اسود على اصفر على برتقالي واذا بغت تروح مناسبة لبست جزمة شراع الله اللي توزعها وزارة المعارف سابقا على الطلبة وفوق كذا شعرها فيه عشرين مليون شباصة وتوكة تقول ألغام يالها انك تعافيها ولاتبتلينا وعليها صوت صوت خفافيش اقول اسكتي بس ياوسن لاتدافعين عن نفسك انا عارفك وخابزك عطني العصا خلني اقوم عليها اخليها تفرفش يالطرمة عشان كذا ماعطيتك حوار في هذي المسرحية ولاتزعلين ياوسن مهما تكونين انت غالية علينا اقول لاتصدقين بس
وسن / شوف المسلم انا مقدر اكمل وياك حياتي في ذاالبيت مع ابوك هاالعومة ابوسند هذا اللي مايعرف كوعه من بوعه ولاعنده احترام لاهل البيت اجل وصلت به المواصيل انه يدخل علينا في غرفتنا
المسلم / اقول لك عااااااااد هذا ابوي مهما يكون وهذا بيته وهو حر فيه
وسن / وش ذا الكلام ودني لاهلي
المسلم هذا اللي انتو فالحين فيه ودني لاهلي ودني للسوق ماتعرفون الا هاالكلمتين ماوراكم الا الخساير
وسن/ هذا ردك علي وين كلامك ايام الخطوبة – عاد المسلم كان مجرم ولا زال ايام الخطوبة كان دائما يسمع وسن كلام حب وغزل وكان رومانسي بشكل لايوصف كان يسرق من هاالقصايد ويعطيها تالي هالليول ( جمع ليل اللي يطلع فيه القمر الأبيض المقلم بأسود
آخ منك يالمسلم مجرم لو اني في ذاك الوقت بنت راح اوافق على طوووول وطبيعي ان وسن الشينة توافق على الزواج من المسلم وتوهقت فيه لانه علة يامن شراه له من حلاله علة هذا المثل قايلنه في المسلم .
يوووووه نسينا المعلم زرعناه برا لا المعلم حكايته حكاية المعلم كان ملقوووف ولازال الين الحين ملقووووف مرررررة بشكل غير طبيعي مرة راح وياابوه ابوسند للبحر عشان يصيدون جرابيع ابوسند كان لابس فنيلة علاق ووزار أخضر تقول علم أفغانستان والمعلم مثل العادة طاق الترسيمة طاقية زري وقميص مقلم ( مخطط يالقراوى ) وسرواله الطويل أطول من القميص ياليت لونه ابيض اهو كان ابيض بس من زود النظافة صار لون اصفر وحوافه سود كنها ركب وسن القلق المهم شاف المعلم واحد قاعد يصيد سأله المعلم وش قاعد تصيد مارد عليه سأله مرة ثانية وش قاعد تصيد عطاه الخامس سأله مرة ثالثة وش قاعد تصيد رد عليه قاعد اصيد الملاقيف اللي مثلك – بحر يالمعلم يعني وش قاعد يصيد اكيد جرابيع شكلك غبي ياللي في بالي
المهم قعد المعلم وياابوسند يصيدون جرابيع من البحر الميت وبعد سااااااااعات صاد المعلم ابوه اثر السنارة نشبت في وزار ابوسند ويفرح المعلم كثيرا ويتشقق ماصدق ان سنارته علقت ولاول مرة في حياته
ويحاول يرفع ماقدر ويرفع ماقدر ويطلب المعلم المساعدة من الرجال اللي قاعد يصيد ويجيه بسرررررعة
ويحاولون يرفعون الكائن الغريب ماقدروا لان ابوسند ماشاء الله تبارك الله ولله في خلقه شؤون كان مدور ومربرب ولافيه رقبة لأن المكيف طاح عليه يوم كان صغير يعني لو تبغى تعطيه كف تجي يدك في الهوا اقول لك مافيه رقبة سبحان الخالق الناطق وقرر المعلم ويالرجال انهم يجيبون ونش وهذا يستخدم في رفع الذبايح واللي مومصدق يسال ابوسند اقصد الملحمة المقصبة المسلخ تعددت الاسماء والذبح واحد .
راح المعلم لبيتهم وجاب الونش وربطوه في شجرة وشبكوه في السنارة وحطه في رقبة الرجال اللي معه وتساعد وياه ورفعو الجربوع اقصد ابوسند ويوم طلع وياليته ماطلع اثره يوم طاح في البحر خبطت صلعته بالصخور الرملية وسوت له طريق زراعي وعيونه ازرقت واحولت عشانه داخ وهو رافعينه فوووق ويقول نزلوني نزلوني ياعيال الذين المعلم كان نظره ضعيف والشمس كانت شاقعة في عيونه ماعرف ابوه وهو فوووق ولافهم وش يقول ابوسند لان ابوسند الله يهديه ماكان يتكلم عربي لان اللي مربيتهم خدامتهم الحبشية شكن كري شكن كرا وابو سند يحرك يديه ورجليه المعلم يوم شافه كذا خاف يحسبه اخطبوط والرجال اللي معه قال ياااكبر هاالفقمة والشمس اشعتها تصقع صلعة ابوسند ( انا اعرف ان اشعة الشمس اذا جت على الشيء مثل المراية تعكسها في خط مستقيم لا صلعة ابو سند كان وضعها مختلف كانت توزع اشعة الشمس على خلق الله وتشب صلعة ابوسند وتسوي حريقة
وجت المطافي عشان يطفون الحريقة التي أشعلتها صلعة أبو سند المصون
كانت صلعة ابوسند عجيبة وغريبة لدرجة ان منظمة الصحة العالمية طلبت تسوي عليها ابحاث ويوم سوو عليها ابحاث اكتشفو شيء غريب وشو هاالشيء لقوا ان راس ابوسند كله عبارة عن صلعة بس بدون مخ يعني مافيه تفكير يعني ابوسند لو يشوف الكنغر يلحقه الين يمسكه مو عشان يبيعه لا بينطل ولد الكنغر برا وبيركب مكانه – بزر اللهم لك الحمد والله يعافيه ولايبلانا – وطلبت منظمة اليونسكو صلعة ابو سند بحكم كونها مافيها مخ بناء على التقرير السابق عشان يعرضونها كأحد الآثار الفرعونية النادرة ولتكن البداية في مهرجان الجنادرية
المهم نرجع لابوسند في البحر المعلم بعد مادقق فيه عرفه وقال للرجال خله هذا ابوي الرجال ترك الونش وطاح ابوسند في البحر وصار احد الطحالب
المعلم المجرم راح ينادي خفر السواحل عشان ينقذون ابوسند
لما انقذوه عطوه ورقة وسألهم ابوسند وش هالورقة قالوا له ورقة غرامة لازم تسددها الحين قال ابوسند انا مامعي سيارة ولا اعرف اسوق قالواله لا انت لما طحت في البحر اشعة الشمس عكست على صلعتك في البحر السمك ظنه واحد يكبس فتحوه له الطريق السمك صقع في الصخور الرملية ومات وكذا خسرت الدولة ثروة سمكية ودفع ابو سند الغرامة حكومة غصب عليه يدفع وشال المعلم المجرم ابوه على ظهره وراحوا البيت ولما دخلوا قام المسلم وزوجته الشيفة وعلى طوووول سفري وين اللي صدتوه قال المعلم هذا اللي صدناه ابوك
المسلم وشلون يعني مانتغدى قال المعلم انا عندي فكرة بما احنا تماسيح انا وانت وابوك ليش مانتغدى على هااللي قاعدة مامنها فايدة اكل ومرعى وقلة صنعة خلنا ناكل حرمك المصون وسن اللي دايما تحش فينا وتقول علينا تماسيح
وتعجب الفكرة المسلم وياكلون وسن الضعيفة ويشاركهم في الجريمة ابوسند سواها ساندوتشااات ابوسند لانه كان جوعان ابو كرشة وتجي المباحث وتحقق معهم ويروحون في خرايطها ويودوعن في السجن واللي يبغى يزورهم تراهم في سجن حاير ومحتاجين فول وعدس وورق عنب عشان تنبت صلعة ابوسند عشان اذا طلع يلقى بنت الحلال اللي ترضى فيه .
العرض العادي
