الالف
الف أولف من كلامي واغني
لصاحب إلي في جمالة فتني
ما شاقني غيرة ولا احد شحني
الغالي إلي حط في قلبي آسهوم
الباء..
بتالي الليل جاني مسير
ويقول حبي لك
ترا ما تغير
تبغى نجي ولا تجينا تخير
لازم تجينا كل يوم بعد يوم
التاء..
تراني في محبتك مفتون
وامشي من أسبابك وانأ شبة مجنون
لو خوفي العذال بالسر يدرون
لا أقول شوفو الحال مبلي ومهموم
الثاء..
ثمر قلبي حياتي هجرني
خايف على نفسه بعد ما ملكني
أعطيتها روحي وهيه عطتني
ولا أهي بتسمع في الهوى راعي اللوم
الجيم..
جيت إللي يحبه فؤادي
متلهف يومٍ انه طال ألبعادي
وأشيل حب زايد بازديادي
حب عظيم بين الإضلاع مكتوم
الحاء..
حلف بالله ويقول مشغول
وإلا على فرقاك مقدر على طول
سامحتها وبعذرها قلت مقبول
وارتاح قلب من عنا الوقت محروم
الخاء..
خيالة في منامي حقيقة
ماغاب عن عيني ولو أهي دقيقة
ويا ما حلا جمع الرفيق لرفيقة
في ساعة كلٍ كساء جفنه النوم
الدال..
دمعي فوق خدي يفوحي
وناديت باسمه والمخاليق توحي
قلت ألحقوني زايداتٍ جروحي
متمركزاتٍ في الحشاء دايم الدوم
والذال..
ذللني زماني وعيا
على حبيب غايب ماتهيئ
لأني بلا ميت ولأني بحيا
من عقبه أبحر في بحر حزن وهموم
الراء..
رموش العين من شافها تاه
ويعيش في دنيا تخالف لدنياه
سبحان ربٍ صورة ثم سواه
حيثه قمر والي يحاذي له نجوم
الزا..
زرع له في ضميري مودة
وما احدٍ على فرقاي يقدر يحده
أنسى هلي لا شفت دمعة بخده
وأقول يكفي يازمن ظلم مظلوم
والسين..
ساعات اللقاء مع حبيبي
تمضي كما شمس هوت للمغيبي
أنشهد إنه في هواها نصيبي
متعثر من جملة الناس مشئوم
والشين..
شان الكون واقبل سواده
من يوم راح اللي لقلبي وداده
الغالي الي في يديني فؤاده
ما ارخصة لو أنة تكاثر به السوم
الصاد..
صورة صاحبي في خيالي
مهما بعد عني خيالة قبالي
اسهر على شانه طوال ألليالي
وابكي على ماضي في الوقت معدوم
الضاد..
ضلمني جاير الوقت بالحيل
وابعد حبيبي منوتي نجمة سهيل
إللي علية دموع عيني هامليل
وأجاذب الونات وأقول مقسوم
ألطا..
طلع وقت على القلب قاسي
في شاطية ترسي جميع المراسي
متحطمات عقب حزني وبآسي
وعزاه يا قلب من الوقت مضيوم
الظا..
ظميري حاير وينه الهمس
إلي على فراقاه صفقت بالخمس
في دنيتي غاب وتلاشى كما الشمس
وأمر المفارق بيننا صار محتوم
العين..
عاد الزين عقب ألفراقي
يحمل غرام داخل القلب باقي
والشوق يرقص نشوة بالتلاقي
وأحيى خفوق طول الأيام موهوم
الغين..
غنا طاير السعد ليه
وغنيت في دنيا الأماني الهنية
ونسيت ماضي بالحياة الشقية
وبنيت قصر من جفاء الوقت مهدوم
ألفا..
فلا والله نلقاء مثيلة
أبو العيون الناعسات الظليلة
في دنيتي ما ألقاء حبيب بديلة
لو كل خلق الله جوني كما الكوم
القاف..
قلت الوقت عود يصافي
بيدية يطوي ماضيات التجافي
ويضوي بدنيا بخافقي نور طافي
ولا أنتاب يا ماضي الغرابيل مرحوم
والكاف..
كل الكون يعرف شعوري
ولو ان صلفات الليالي تدوري
يبقى غلاها راسخ كالقصوري
ويرتاح قلب من عنا الوقت مهموم
ألام..
لا يم قرة العين وش فيك
جددت فيني ما مضى من بلاويك
الله على فعلك معانا يجازيك
ولا تحسب إن القلب للعذل محكوم
الميم..
مالي في هوى غيرة إحساس
مالي بكل الخلق ناس مع ناس
لو أنهم عندي كما فروت الرأس
متجمعين كل قوم مع قوم
النون..
نور العين كله فدى له
ما أنساه لو انه نسى ما مضى له
متمركز في ضي عيني خيالة
ألها..
هويته والهوى زاد فيني
يزداد له شوقي وثورة حنيني
غلاه باقي لو تطول السنييني
لو إن ماضي حبنا أصبح حلوم
الواو
ولا غيرة سكن مهجة القلب
في خافقي محد لقاء غيرة الحب
مشيت أنا وإياه درب على درب
متصافين كننا بالهوى توم
الياء..
ياليت ان الليالي عطتني
بسمة هنا أو أنها ساعدتني
أو أنها عن حبها ما أبعدتني
لو عشت عمري ظامي الشوق محروم
الشاعر (حسن السليطين)
العرض العادي
