من رحلتي والعيون اللي تحبك لـم تنـم=ماستلذت بالمنام وكـل ماتغفـو تفيـق
تسهرُ الليل تعاني من فـوادٍ قـد سُقـم=يعني قلبي من رحلتي يشتكي جرح عميق
يشتكي من نار بعدك يوم نارك من حمم=ياهو يحرقني لهبها كنه بجوفـي حريـق
من رحلتي والمشاعر في صراعات والم=بين نفخات الزفير وبين سحبات الشهيق
هذا جرحي في غيابك طال نزفه مالتئم=وهذا قلبي من جروحه اصبح بدمه غريق
من رحلتي والليالي ماظهر فيها نجم=اختفت كل الكواكب مالها اية بريق
من رحلتي ياحياتي والحياه ابلا طعم=كيف تحلا وانتي اصلا زهرها ويا الرحيق
صارت الدنيا بدونك ظلمى يغشاها العتم=حالها حال الضرير اللي سلك وعر الطريق
من رحلتي وانا ليلي بين جرح وبين هم=بين طعنات الضلوع وبين صدرٍ يستضيق
عاشقٍ وان طال بعدك غايته عالي القمم=ماعشق الا الشموخ ومنزله قمة طويق
ان رجعتي ياهلابك لانك بقلبي الاهم=وان تماديتي بغيابك دنيتي بعيني تضيق
العرض الشجري
