بسم الله الرحمن الرحيم
اخواني اعضاء المتدى الود
السلام عليكم ورحمة الله وبركاته
انتهت المرحله الاخيره لمسابقة همس القوافي
ونعلن لكم اليوم الاربعاء الموافق 1-6-1424 اسماء الفائزين الثلاثه التي تم عليهم الاختيار من اللجنه التحكيميه بعد المنافسه الشريفه بينهم ومن لم يحالفه الحظ فقد فاز ايضا باحترام الجميع
واليكم اسماء الفائزين وهم:
الفائز بالوسام الذهبي :
((الحر الاشقر))
وقصيدته الفائزه:
[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="outset,10,silver" type=2 line=200% align=center use=ex length=0 char="" num="0,black" filter=""]
((القصيده الاولى))
الليل عدى وأشرقت شمس الاحباب = والكل منا مع حبيبه تهنا
قالت لعذال الهوى نفتح الباب = ونبني حجر ساس المحبه وطنا
قلت أكثر العشاق للحب كذاب = ابعد عنه لوكان بالحب غنا
قالت حكوا يبغون تفريق الاقراب = ولا تحسبنا نفترق يا مهنا
قلت أختيارك صار من ضمن الاسباب = منساك لو أنك تخليت عنا
قالت ملكت القلب يكفيني اعتاب = هذي حقيقه يامهنا تمنا
قالت أحبك قلت بلابوك ياعقاب = مالووم قلبه جر تسعين ونا
قالت علامك راسك اليوم قد شاب = قلت السبب حبك وحبك فتنا
قالت حبيبي كل عمري والاصحاب = أرخصلك الغالي ولافيه منا
أنا فدى خدك وعينك والاهداب = لو يرسمه رسام يسقط بفنا
ولامن نظرة اللي على الخصر ينساب = قام يتثنى فوق خصره تثنا
جذاب في جسمه وبالزين جذاب= انته جذبت الروح منا ومنا
والله لو دونك شبابيك وأبواب= نذرٍ عليه لاصلك واتهنا
الاحر الاشقر
[/poet]
الفائز بالوسام الفضي:
(( القرم))
وقصيدته الفائزه:
[poet font="Simplified Arabic,4,white,normal,normal" bkcolor="transparent" bkimage="backgrounds/21.gif" border="outset,10,teal" type=2 line=200% align=center use=ex length=0 char="" num="0,black" filter=""]
((القصيده الثانيه))
الليل عدى واشرقت شمش الاحباب = والكل منا مع حبيبة تهنا
وارتاح قلبٍ بين الاضلاع مرتاب = يوم التقينا والمشاعر هدنا
والتمت قلوبٍ بها الحب غلاب = فى لحطةً فيها الامل ما خذلنا
فى غيبة العذال وعيون الاجناب = ندمح خطانا ثم نخفي زعلنا
نروى مراهيف المشاعر والاعصاب = اللى من الفرقا تصيح وتونا
بمواجهن يسعى له العود والشاب = والعاشق اللى بالمحبة تعنا
نهدم بيوت اليأس ونقض الاطناب = قبل بيوت اليأس تصبح سكنا
نبنى قصورالحب كان الهوى طاب = لاصدت عيون المقاريد عنا
ونعيش بالدنيا مواليف واقراب = يوم اشرقت شمس الهوى في وطنا
لوان قلبي من هوى البيض ما تاب = لو العذارى بالهوى يبتلنا
لكن حب البيض ما عنه مجناب = من خلقة الدنيا وهن يسحرنا
القرم
[/poet]
الفائز بالوسام البرونزي:
(( نسيم الجنوب))
وقصيدته الفائزه:
[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="outset,10,skyblue" type=2 line=200% align=center use=ex length=0 char="" num="0,black" filter=""]
((القصيده الثالثه))
الليل عدى واشرقت شمس الاحباب = والكل منا مع حبيبه تهنا
اعز نفسي لكن الشوق غلاب = والحال ما ياتي على ما اتمنا
عاتبني الغالي وكثر بالاعتاب = يقول في شوفك ترى ما اتونا
وانت تجافيني مع صكة الباب = ماترحم اللي في محبتك جنا
قلت اعذريني والله الدار منصاب = الحزن في نفسي وداري واهلنا
قالت عذرتك ياحبيبي وما طاب = ليلٍ يكدر خاطر اللى وصلنا
قلت ارتجي المولىوماخاب طلاب = يسعد ليالينا ويجمع شملنا
انشهد ان الليل في شوفتك طاب = قربك وهمسك خفف اللي جرلنا
انتي كلامك يسعد القلب واطياب = والبسمه اللي زاحت الهم عنا
وانتي ملاك ومن عريقين لنساب = وانتي مثيل الورد عطره وصلنا
وانتي الوفا وصادق الحب جلاب = وانتي العطا ونبض حبك حملنا
ليلٍ به الاحزان من طلعتك غاب = وليلٍ بشوفك غايتي هو املنا
نسيم الجنوب
[/poet]
ونقول للمشاركين الاتي اسمائهم:
1/الأجودي
2/هوال
3/الأمـ^الغائب^ـل
ماقصرتوا نافستوا اخوانكم الفائزين وكنتم رائعين بالفعل قصائدكم رائعه وقويه
وارجوا منهم ان لا يزعلون ويتقبلون الامر بصدر رحب لانهم والله رائعين فعلا ونافسوا حتى وصلو المرحله الاخيره من المسابقه
تقبلوا تحيات
مسعد المطيري , وعبدالله الرقاص , والشاعر معروف , والشاعر بندر العجمي , والهنوف , اخرة العنقود
العرض العادي
