( جناحين الخفوق إستلطفت به عالم التخدير=و( جنى حين ) الرجوع بّلا إجاباته على النشاد
بلابل .. يامسامع قسوته غنيت لك مااطير=جيوش .. ويانواظر خنجره ماعاد لي مقعاد
(معا طيش ) السهر طشت .. وقريته بالودع تبصير=( معاطيـش ) المدامـع تنتظـر مـن غيـمـه المـرقـاد
( محـى ميّـس ) ليـانٍ يطـرقـه مــن بـالـي التفكـيـر=(محامـيـس ) الـولـع قلـبـي صلتـبـه شـوقـه الـوقـاد
رسمتـه للشجـر فـيٍّ .. تعاهـد مـع هـبـوب عّصـيـر=علـى عيّطـاً تسمـت بـه .. تـضـم الـبـارق الـرعـاد
خـذيـت بّفيّـتـه حـلـمٍ .. يـفـوق الـرســم والـتـزويـر=يفـوق المنطـق وعقـلـه .. يـفـوق مّـلامـس المعـتـاد
شهـقـتـه للـحـشـى ورده .. تـعــط بـعـابـق الـنـوّيـر=نشـى فـي خافقـي منهـا هيـام .. وفرعنـه .. ومـهـاد
كتبـتـه للغـنـج قـصـه .. تـراجــم حـصــة التعـبـيـر=ومنهـو صاحـب القـصـه .. ومنـهـم كـانـو الأحـفـاد
نويـتـه للعـمـر تـالـي .. أعيـشـه خـالــي التـكـديـر=أبنحـر بــه صــدر هــمٍّ .. فضحـنـي منـجـم رغّــاد
( ولكـن ) ملّـت الساعـه .. عيـونٍٍ عانـت التصبيـر=( ولا كـن ) الشبـك شبكـه .. ولا كنـي بـه المنصـاد
ولا كــنــي تخـيّـلـتـه ســحــابٍ مـقـبــلٍٍٍٍ بـالـخـيــر=ولا كنـه ( حيـاد ) وفــي جنـابـه معـتـرض منـحـاد
حسـافـه ياخـفـوقٍ ضـايـعٍ يـتـلـي سـنــى التـخـديـر=حسـافـه مــا تـكـرم لــو بنـظـراتـه عـلــى الـنـشّـاد
حسافـه ضاعـت حروفـك علـى المقفـي بــلا تأثـيـر=حسافـه .. والحسافـه فـي كـلافـة عـاشـقٍ بــه شــاد
العرض العادي
