بسم الله الرحمن الرحيم
بنات الادبي
دائما مبتسمين ومفرفشين
بنات االعلمي
دائما مكتئبين وماعندهم وقت يضحكون بس عندهم وقت يصيحون يا حرام لهد الدرجة
..............
بنات الادبي
عادي عندهم يروحون المدرسة وإلا الافضل عندهم طبعا انهم مايروحون
لان مايحتاج احد يفهمهم اللهم يحفظون الكتاب ويروحون يسمعون اللي حفظوه
بنات العلمي
اذا غابوا يوم عن المدرسه أو بس تأخروا يسوون سالفة مايخلون وحده ومايتصلون فيها يخلونها تشرح لهم وتفهمهم وياخذون الواجبات منها وعقبها يروحون يقعدون على راس المدرسات عشان يشرحون لهم مرة ثانية وعشان يتأكدون انهم حصلوا كل المعلومات ومافاتتهم ولامعلومة
..............
بنات الادبي
يطلعون من الامتحان وهم شاقين فمهم لان ماتفرق معاهم الدرجات
بنات العلمي
يطلعون من الامتحان يصيحون وعلى طول يفتحون الكتاب ويتاكدون من اجوبتهم وياويلهم لو في جواب والا نص جواب غلط على طول الدموع تنصب والوجه يصفر
..............
اذا شفت بنات دبية اعرف انهم بنات الادبي ماوراهم دروس ولا شغل إلا الاكل
اذا شفت بنات يكسرون الخاطر عصاقيل شوي ويموتون اعرف انهم
بنات العلمي
المساكين دائماا يذاكرون لدرجة انهم ينسون ياكلون
..............
بنات الادبي
في حصة الاحتياط يقعدون يلعبون أو يسولفون مع المدرسة أو يعيبون عليها
بنات العلمي
في حصة الاحتياط طبعا مايفوتون أي حصة بدون دراسة نحصلهم يدرسون بنفسهم أو يروحون يدورون على مدرسة فاضية وينادونها عشان تعطيهم دروس
..............
بنات الأدبي
دايما تشوفونهم شاردين من مدرساتهم وحصصهم ويتمشون في ساحة المدرسة كأنهم على الكورنيش
بنات العلمي
مانشوفهم في الساحة إلا وقت الفسحة ونادرا طبعا والمدرسات هم اللي يشردون منهم بس لا مفر طبعا للمدرسات
...... .......
يختي عليهم بنات الادبي دايما مبتسمين
و مثل العلمي شايلين هم نيوتن فوق راسهم
الفرق بين بنات العلمي وبنات الأدبي
العرض العادي
