الدواء الفعال لكلمة (مااقدر)

الذاكرين · 14-07-2010, 07:01 PM

بسم الله الرحمن الرحيم
السلام عليكم ورحمة الله وبركاته
اخترت لكم ياخواني الأحباء وأخواتي الفاضلات موضوع أرجو انه يفدكم ويفيدني على تقوية ديننا وأنفسنا لنتغلب على مكائد الشيطان
دائما نسمع كلمة ( مااقدر ) صح مو دايم بل يوميا أو لحظياً مااقدر أبطل الدخان مااقدر أبطل الحشيش مااقدر أبطل الهروين مااقدر أبطل
العادة السرية مااقدر ابطل التفرج على الأفلام الإباحية مااقدر أبطل ترقيم البنات الخ الخ الخ فهمتوا وش اقصد,,,,,,,,,,
أنا جبتلكم اليوم الحل والعلاج الفعال لكل مايدخل تحت جناح ( مااقدر) لكن لها شرط واحد وله 3 اقسام وهي,,,,,,
التوبة
وبسم الله نبدأ
1- اخوي حبيبي او اختي الفاضلة الزم نفسك بقرار من الآن قرار جدي قرار فعلي قرار رجولي او انثاوي ( احم ماعلينا)
عندما ترتكب ( اللي انت تقول دايم فيها مااقدر ابطلها ) من دخان او الخ الخ تتوضأ و تصلي ركعتين بعد هذه المعصية اجباري
يعني من اليوم لا من الحين قل لنفسك اذا دخنت سيجارة واحدة تتوضأ وتصلي ركعتين وبنية صادقة.
2- اخوي حبيبي او اختي الفاضلة الاذكار يجب ان تسوي لك ذكر يومي يعني (استغفر الله العظيم )100 في اليوم , (سبحان الله والحمدالله ولااله الا الله ) 100 مرة ,( سبحان الله وبحمده سبحان الله العظيم) 100 مرة أو اقل او اكثر إلي تقدر عليه والله ياخوان وياخوات فيها علاج هذه الاذكار مالله به عليم انا مجربها علاج نفسي علاج بدني علاج مادري من كل أنواع العلاج
3- الدعاء أكثر من الدعاء في كل حين وان .
4- ركعتين بالليل مع الوتر انا استغرب والله الي مايصلي صلاة الليل كيف يرتاح؟؟؟؟؟ كيف تمشي حياته ؟؟؟؟؟؟ والي مو مصدق يبدا فيها الحين مو بكرة لا لا لا الحين يعني الحين ويشوف كيف تتغير حياته كيف يرتاح كيف يمضي يومه كله براحه لايعلم بها الا رب السموات والارض.
5- صلاة الضحى وهذه بعد تعرف انه لازم باليوم تتصدق على كل مفصل من مفاصلك وركتين الضحى تغنيك عن هذا كله.
6- صيام الأثنين والخميس (انت يالي تقرا لو انك ماتصوم الاثنين والخميس مع احترامي لك بقول ان ماعندك سالفه ) ولازعل مني كيف تضيع عليك هذه اليومين .؟؟؟؟؟؟؟؟؟؟؟؟؟؟ صراحة ماادري
7- حسن الخلق حاول قدر الامكان اصلاح اخلاقك (من سب وكلام بذي وكلام فاحش وغيبه ونميمه ) وغيرها.
8- الصلاة لوقتها مو تستنى حتى يقيم لا لا لا لا تسمع الاذان يالله فز او فزي قم او قومي الحين مو شوي انا برتاح انا بانتظر الاقامة لا الرجل تسمع الاذان فزي او البنت تسمعي الاذان صلي باول وقتها مو اخره الله يحفظكم جميعا .
9- بر الوالدين ياشباب يابنات بر الوالدين والله والله والله والله والله والله والله والله محدثكم انا ماغيره مااقولكم اني كنت بار والدتي الله يرحمها لكن مارفعت عليها صوتي او تكلمت عليها يوما قط حتى اذا كانت مثلاً تبي حليب سعودي قليل دسم تتصل علي وتقولي عندك دراهم تجيبلي حليب اقولها ايوه عندي وش تبين بعد وانا والله ياشباب بعض الاحيان لاأملك الريال الواحد
فلحقني من دعواتها لي الله يرحمها (اولا من فضل الله وكمره علي ثم من دعوات امي الله يرحمها) توظفت في احسن الوظائف الحكومية باعلى الادارات واعلى الوظائف ووالله والله والله والله لا أملك شهادة الثانوي لاتقولي كيف والله ليومك هذا ماادري لكن قل سبحان الكريم رب العزة والجلال الذي انعم علي وباذن الله تتيسر اومركم .

وختاما إن اتبعت هذه المراحل بنية صادقة ابشر باذن الله الواحد الاحد الفرد الصمد بالخير والفرج والرزق والزوجة الصالحة والذرية الطيبة وش رايكم اختصر لكم كلامي هذا كل 9 كلمات بس مو كلامنا نحن يالبشر لا لا لا لا والف لا والف كلا
كلام رب البشر الواحد الاحد الملك الصمد لا اله الا هو قال تعالى (وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ) اسئل الله ان يفدينا انا وياكم جميعا بما قلته (سبحانك الله وبحمدك اشهد ان لااله الا انت استغفرك وأتوب إليك
والسلام عليكم ورحمة الله وبركاته