وش يفيد اني احبك وانت ضيعت المفيد
كلمة اسف ماتغطي كبر جرحك في حشاي
للاسف شكك تجدد بينك وبين الاكيد
صارت الدنيا بعينك خوف والسبة غلاي
خانك التوقيت فيني واتضح لي من جديد
انك اعظم ذنب عشته واقترفته من هواي
لاتفكر في شعوري دام لي راي سديد
اقدر افهم في شعوري للحقايق كل راي
اظلمك لوقت باقي للامل فجدر بعيد
واظلمك اكثراذا واسيتك بكذبة رضاي
ماتفيدالا الاماني ..المواجع ماتفيد
كم نهيتك لاتواصل لعبة حظوظك..معاي
كان ظلمك لي هواية كلما ينقص يزيد
وكنت تتفنن بجرحي وانا اتحمل عناي
يومنك ارخصت المشاعر من هو اللي مستفيد
انت والا الجرح والا كلكم غاوي شقاي
لك بقلبي ذكريات وشبه نيران تقيد
وواقع من الذل دايم واصل لابعد مـداي
من قديم الوقت غرك ضعفي وصبري العنيد
مادريت ان الزمان يدور ..ويقدر وفاي
مادريت ان الزهر لا صار باعماقه جليد
ينتهي حسنه مثل ماانهاك حسنك في ضماي
ياوضيع القدر عندي لاتقول ولا تعيد
الهوى قبلك عرفته وانت مجهول بخفاي
روح وتحمل ضميرك وان حكى فيك القصيد
ماكتبته غير ذم قاصده قبلي جفاي
لاتقول اني احبك وانت ماقلت المفيد
كلمة اسف ماترجع حب ميت في حشاي.....
العرض العادي
