يا عمري الدنيا ما تسوى تنام وخاطرك زعلان
ولا به شي يستــــــــــــــــاهل يخلي قلبك يعاني
طلبتك كان لي خــــــــــــاطر تبعد عنك الأحزان
دخيل عيونك الحلوه تبـــسم لـــــــو على شاني
حبيبي صار لي مـــــــــدة اشوفك تايه وحيران
وانا والله اذا شفتـــــــــك حزيــن تزود احزاني
انا احبك ولاودي تعــــــــــش بدنيتك ندمــــــان
ترى الأيام محســـــــــوبه وتالي ذا العمر فاني
تصدق بسمتك والله تفرح خـــــــاطري الولهان
يطــــــــــــير من الفرح قلبي واصير بعالم ثاني
وإلى من شفتك بضيقه احس اني انا الغلـــطان
اعاتب نفسي بنفسي ولـــــو ما كنت انا الجاني
غلاك بداخل عروقـــــــي ولا يوصل غلاك انسان
يمر الوقت ويثبـــــــــت لك غلاك ان الله احياني
بضحي بعمري لــــعيونك تنام انت وانا سهران
وانادي جروحك لقـــلبي وتجي واحد ورا الثاني