بكيت ولام أكمل نصف القصيدة

[منادي الهادي]

قصيده جميلة ورااااااائعه

قصيدة مؤثره

*يـا ليتنـي خدامـة بيـن اياديـك .. من شان اشوفك كل يوم برضايـا*

(ماعاش من يخليك خادمة يا يمه)

هذي قصيده مؤثرة لأم تشكي حالها بعد ان وداها ولدها (الله يهديه) للمصحه (دار العجزه) او كما يقااال ( دار النسيان) والبيت أعلاه يبكي حتى القلب القاسي

اترككم مع القصيده

وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا



(حسبي الله ونعم الوكيــــــــــــــل)
الله يكون ف ي عونها آميــــــــــــــــن



اللهم اجعلنا بارين لوالدينا

[شاعر تبوك]

منادي000 وصل ندائك لن له اقلب او القى النظر الجمال واحساس وتأثير القصيده

منادي 00 كلمات تفظر الحجاره قبل القلوب لأنها خرجت من قلب صادق لذلك وصلت بسرعه

لاهنت اخوك والله يعطيك العافيه00 والله يعينها ويسهل عليها 00

[قطوه كيوت]

حسبي الله ونعم الوكيل


اللهم اجعلنا بارين بوالديناااااااا

يسلموااايالغلا

[بنت الامير]

منادي الهادي........

تفطر قلبي لقرائتي هذه الكلمات

فان المرء لايحس بقيمة الشيء

الا عند فقده

يالهي

ان القسوة اجتاحت هذا العالم

فرحمااااااااك ربي من الآتي

فعلا القصيده قليل بحقها كلمة روعة

بل ابداع

تقبل تحياتي

بنت الامير (رحمااااااااااك ربي)

[[] خفـوٍق الـرِوِح []]

منـآدي ..,.,’.. نقـل رآئـع .. تسـلم يميـنك ولآآهنـت .. ستحـضى بالقسـم المنـآسب .. وبإنتـظآر جديـدك ..,.,’..

[ابو مالك]

قصيده مؤثره

مشكور على النقل


تقبل مروري

[نجمة مساء]

وربــــــــــــــــي كلمــــات روعة ومؤثرة للغاية .. << بغت تصيح


ألف شكر لك أختي .. جزاك اللـه كل خيـر ..

تقبلي تواضع مروري ..

[معدي المراقيب]

مشكور على نقل مثل هذه القصيده المؤثره
وتقبل تواضع مروري

[هدوووء]

اخوي منادي :
بيض الله وجهك على نقل القصيدة عل يارب تفيدنا او عالاقل تذكرنا شوي ... انا عن نفسي تذكرت من القصيدة:
_ قلب الام مهما صار لها وتعذبت من عيالها يبقى كبير ويبقى في انتظار وامل.
_ حنان وحب وعطف ورحمه مالها حد وماراح احد يلقاها عند اي كائن ثاني مهما كان قريب منه.
_ صفات الام العظيمة المتميزة بها من دون البشر.
_ ( للشباب ): احرصوا على اختيار الزوجة الصالحة والباره بوالديها ووالديك قبل الحب لك.
_ ( للبنات ): احرصوا على اختيار الزوج البار باهله.
_ واللي مافيه خير لاهله مافيه خير للناس.

تحياتي,,,