من منطلق كل المشاعر والاحساس
والحب والالهـام وفـراق شوقـي
بكتب وابشرح علتي فوق قرطـاس
يمكن على قلبي تخـف الحروقـي
فيما مضى ورد وبساتين واغـراس
واليوم دمعـات المفـارق دفوقـي
فرقا وغيبه مع هواجيس مع يـاس
ياويش ارقع فـي كبيـر الشقوقـي
ياذكريات العمـر لاهـب نسنـاس
يامسافره سافـر معاكـم خفوقـي
جداي من بعدك على الكوع هوجاس
انام بعـدك فـي دقايـق وافوقـي
الناس تسهر ليله ضحـك واونـاس
وانا مع الذكـرى سهيـراً شفوقـي
نفسـي امنيهـا خيـالات لا بـاس
يمكن بعد بكـره تلـوح البروقـي
والا الحقيقه شربها سم فـي كـاس
ياوجـد حالـي يابلايـه وعوقـي
خسارتي ياكبرهـا بنـك الافـلاس
عواصف الفرقـا تضيـع حقوقـي
يامهجتـي ياغايتـي بـدت النـاس
من بعدكـم منهـو يخيـط فتوقـي
لو جن بنات الناس من كل الاجناس
غيرك فلا وحـده لعينـي تلوقـي
العرض العادي
