ممارسة المرأهـ مهنة الطـــــــب ...

[سُكـونْ]

ابي اصــــير دكتوره بس اهلي قالوا ...
هذا الي كـــــان نـــاقص .... شوفي لك تخصص غيرهــ
والا اجـــــــلسي في البيــــــت .. قلت هذا حلــــمي اكون طبــــيبه ..
قالوا حلــم بس ممنوع يصـــبح حقيقه ..
انتي ما تســتحين بتجيبي راسنا الارض
تحلمي تكون دكتوره تبينا نصير سيرهـ على كل السان ..
وش تبين الناس يقولون عنا ما عرفنا نربي ؟؟ وما عرفنا نمسك بناتنا ونحافظ عليهم ؟؟
ماعندي بنــــــــات يخــالطون رجـــال ...
ومافي دراسه اجلــــسي في البيت لين ما يجيك والد الحلال وتروحي بيتك ..
انتهى النقاااش ولا عاد تحلمي بــ المستحيل ..
ومكان في حيلتي شي اسويه غير مسح الدموع وصمت والقهر..





السلام عليكم ورحمة الله وبركاتة


هذهي قصتي من نسج الخيال ولكن من الحقيقه تحدث في مجتمعنا ..


موضوع بالنسبة لنا جداً (مهم)المهم ادخل بصلب الموضوع

وهو (ممارسة المرأة لمهنة الطب)

وفي مجتمعنا غالب الاهالي يمانعون وبشدة لهذه المهنة بالنسبة للمرأة بادعائهم

انها عار واختلاط وما الى ذلك ويدعون ايضاً بأنه

اذا اتى الشاب وتقدم لخطبة فتاة لا يريدها ان تكون ممرضة او طبيبة ....

انما هو بوجة نظري عمل شريف وانساني

يطلب من ورائه الاجر والرزق كأي عمل آخر ..

واما بالنسبة لاقوالهم اختلاط فالفتاة على ما ربٌيت وعوٌدت

فان تربت في منزل وبيئة محافظة حتى وان وضعت بين 100رجل

فهي على ما ربٌيت <<انا لا ابالغ لكن من وجهة نظري هي الحقيقة>> لا انكر ان للشيطان وجود

ولكن من ربٌيت على خــــوف الله ومراقبته لن يتمكن

منها الشيطان با اراده من رب العالمين

ولكن!! بعض الاهالي يقولون: ايش راح يقولون الناس عننا؟!!

كلام الناس:{فلان ما ناخذ من عنده بناته ممرضات}...؟؟؟!

اصلا الناس كلامهم ما يخلص واللي يسمعلهم ما راح يعيش ابداً............


حصلت قصة الى احد قريباتي " ضربت في كلام الناس عرض الحائط " كما يقال

وحققة حلمها ودخلت كلية الطب ,,, ماذا قال عنها الناس ؟؟؟ قالوا كل

ما لا يخطر على البال .. من قبل بداية دراستها

اطلقوا عليها مسمى الدكتوره .. سخريه واحتقار ..

حتى والدها لم يسلم اصبح يلقب بي " ابو الدكتوره " على الرغم من وجود 4 ذكور

ولكن سخريه واستهزاء بها ... تحدث الناس عنها وهي كــ الجبال لا يهزها ريح ..


حتى لو الشخص التزم وصار عابد قائم لله راح يقولو:{فلان التزم وعقٌد عيالو}؟!!


يعني لو صار اللي صار ما راح يسكتو فان كانو الاهل واثقين من تربيتهم

فلا داعي انهم يمنعوو بناتهم {وبعضهم حلم الطفولة تكون طبيبة} لماذا نكسر احلامهم؟!

والطب مهنة شريفة رائعة تحتاجها العديد من الارواح

وبالاخر تبقى انها مهنةانسانية ......

لماذا ؟؟؟

يحق لنا ان نحلم ان نكون مربيات منزل ؟؟

ويحق لنا ان نحلم ان نكون مدرسات ؟؟

ويحق لنا ان نحلم ان نكون داعيات ؟؟؟

الا ..

الطب لا يحق لنا انحلم به فــ المجتمع يرفضه ؟؟؟


والغريب في الامر عندما تحتاج امك او زوجتك او ابنتك لا سمح الله

الى اجراء كشف طبي فا انت ترفض ان يقوم بها رجل تفضل ان تكون امراه ؟؟

هذا يعني ان المراهــ ليس عيب ولا حرام ان تكون طبيبه

الا السعوديه فهو اختلاط محرم ؟؟


دعني اذكرك بموقف الدين من هذه المهنه ..



أمهاتنا الصحابيات هن أول من قام بهذه المهنة وذلك في

عهد الرسول عليه الصلاة والسلام والخلفاء الراشدين من بعده.

فهاهي رفيدة بنت كعب الأسلمية رضي الله عنها

أول ممرضة في التاريخ وفي عهد الإسلام.

حينما كانت تمرض المصابين والجرحى في الحروب

التي يكون المسلمون طرفاً بها.

وقد كان لرفيدة رضي الله عنها خيمة لمداواة الجرحى ،

ولما أصيب سعد بن معاذ بسهم في (معركة الخندق) >> "اظن الم تخونني الذاكرهـ"

قال النبي صلى الله عليه وسلم أجعلوه في خيمة

رفيدة التي في المسجد حتى أعوده ،

اي ان الرسول صلى الله عليه وسلم لم ينكر عليها

هذا والله اعلم

وغيرها كثير من الصحابيات التي كانو يعملونا في هذه المهنه ..

..هذه من وجهة نظري ..

اريد آرائكم ونقاشاتكم ..

.............انا على انتظار....


دمتم كما تحبون

[أحساس أنثى]

اؤؤيد ولكن بحـــــــدود
وضوابط

أؤيد اكييييد

لكن للانسانة اللي عندها اخلاق ومبادئ اللي تكون قوية الشخصية وقوية الايمان بربها وتخاف الله في السر والعلن


اما بالنسبة للمعاكسات ,,,, بعض الرجال السعوديين وبعض البنات ان ماكان اغلبهم مايتركوا الناس بحالهم ولا يتركوا بنات الناس في حالهم
اخلاقهم سيئة ومايخافون ربهم
وهم موجودين في كل مكان مو بس المستشفيات





عشان كذا اقول العمل عمل ماله علاقة بأخلاق الشخص

فيه في مجال التدريس ناس اخلاقهم سيئه وفي مجال الاعلام وفي مجال الصحة وفي ناس في بيوتهم واخلاقهم سيئة




لاتربطوا بين اسم المهنة واخلاق صاحبها ولا للتعميــــم وللظلم والظنــــــون

--------------------------------------------------------------------------------
تقبــــــلوووا وجهه نظـــــــــري

[سُكـونْ]

اقتباس المشاركة الأصلية كتبت بواسطة أحساس أنثى اؤؤيد ولكن بحـــــــدود وضوابط أؤيد اكييييد لكن للانسانة اللي عندها اخلاق ومبادئ اللي تكون قوية الشخصية وقوية الايمان بربها وتخاف الله في السر والعلن انشاءالله تعالى تكون كذلك ..وهذا الي اانا ابي .. اما بالنسبة للمعاكسات ,,,, بعض الرجال السعوديين وبعض البنات ان ماكان اغلبهم مايتركوا الناس بحالهم ولا يتركوا بنات الناس في حالهم اخلاقهم سيئة ومايخافون ربهم وهم موجودين في كل مكان مو بس المستشفيات لا حولا والا قوة الا بالله معاكسات في المستشفيات ؟؟؟ انشاءالله مايكون موجود في المستشفى عاد المكان اصلا مو حق مغازل المفروض يستحون من ربهم .. عشان كذا اقول العمل عمل ماله علاقة بأخلاق الشخص صح وانا ايضا اتفق معك اذا على المعاكسات ترقت وضعت في عين الاعتبار واخترع له طرق سهله واماكن خااصه بها .. فيه في مجال التدريس ناس اخلاقهم سيئه وفي مجال الاعلام وفي مجال الصحة وفي ناس في بيوتهم واخلاقهم سيئة صح والله عداك العيب يعني مو بس اطب .. لاتربطوا بين اسم المهنة واخلاق صاحبها ولا للتعميــــم وللظلم والظنــــــون -------------------------------------------------------------------------------- تقبــــــلوووا وجهه نظـــــــــري

اهلا وسهلا با الاخت احساس انثى وجهة نظرك سليمه واتفق معك كثير فيها اشكرك من الاعمااق على طرح وجهة النظر ..

[سُكـونْ]

اول شي اهلا بــ اخي الكريم رماد الشووق

ااسـتاذنك بوضح بعض وجهة نظري في كلامك ..طبعا في الخير كل واحد منا له رايه
وكلن منا يراه صوواب و العلم عندالله طبعا انا احترم وبشده وجهة نظرك واقدرها ..

اقتباس عليكم السلام ورحمة الله مافيها شي مهنة الطب للمراه بلعكس ودي كل بنات السعوديه طبيبات متخصصات وممرضات وموضفات استقبال لمستشفى وسجلات طبيه

حمدلله بداية موفقه انشاءالله تعالى يحصل الي ودك فيه حاليا

اقتباس لاكن في مستشى نسائي بحت يعني ما تدخله الا امراه تستقبل وتعالج من قبل امره والحالات اللي تستوجب حظور طبيب رجل الشكوى لله

يعني افهم من كلامك انك تعترض على وجود طبيب يعالج المراه الا اذا اضطر الامر

لكن الان اغلب الدكاتره رجال حتى في الحالات الخاصه بنساء يعني بصعوووبه شديده نحصل على دكتوره وبعدين اصلا في اماكن خااصه لنساء مثل المستوصفات مكان خااصه معزوول عن الرجال قسم والى انساء قسم يعني مو كل الطب اختلاط لكن بعض الناس بس يسمع سيرت اطب يعني على طوول في بالهم اختلاط ..

اقتباس الضرورات تبيح المحرمات ومها قصة الصحابيه رفيده رضي الله عنها الموجوده باخر الموضوع فهم يحكمهم وقت

اول شي دعني اوضح لك حااجه تعرفها ولكنك قد نسيتها كل مااصار في عهد الرسول صلى الله عليه وسلم يطبق في عهدنا دونا تغيير لان الرسول لم ينكره ولم يوضح سبب اقراره يعني ماقال الي انت قلته ,, لو كل حااجه صاارت في عهد الرسول قلنا زمانه غير وزمنا غير لم طبقة السنه ابد ..بصرف النظر عن القضيه الاساسيه الي هي الطب في كل الامور ..

اقتباس والا على السعه مايجوز انها تلمس غير محرمها لاكن وقت ضروره فان شاء الله لاباس فهذه القصه ماتؤخذ على انها فتوى كما ذكرت ومن وجهة نظري الشخصيه

الله اعلم بس مافي اي فتوى من كبار العلماء على تحريم الطب غير العادات هي حرمتها هذي حقيقه يـ اخي الكريم

واسمح لي اي سعه ؟؟ سعه بنسبه لكم وضيق شديد لنا احنا مانبي طبيب يكشف علينا وهي ليش يمسها رجل ؟
والمرض ضروره بارك الله فيك

اقتباس مهنة الطب للمراه شي طبيعي ومن حقها ان تمارس هذه المهنه لاكن في جو مهئ يعني مستشفى باداره وكوادر طبيه نسائيه لاوجود لرجل بينهم الا في حالة ضروره وتحت الرقابه

يعني تعتمدون على الرقابه البشريه ولا تعتمدون على الرقابه الذاتيه التي قانونها المخافه من الله ؟؟!!

اقتراحك جميل والله اني اويدك فيه لكن
لن يحدث هذا ؟؟ مستحيل يفتحون مستشفى يبونها تكون نسائيه فقط واعداد البنات السعوديات قليل جدا والله عندنا في الجامعه عدد البنات الي تخخصصهم طب والا فصل ابتدائيه شعبه وحده فقط وماتقول شكل شعبه !! يعني المنطقه كامله فيها
لا تحوي على 20 طالبه في الدفعه الاولى !!!!اجل كم المناطق الثانيه

اتوقع نسبة البنات االدارسات في كليات الطب ما وصل 35 % او اكثر اشوي ماابي اقلل العدد عشان م احد يقول تبالغين لكن قليل جدا مايستاهل ينفتح له مستشفى خاصه !!لو كان العدد كبير قلنا يمكن يصير في امل لكن الأن لا مافي امل ..

اقتباس الوضع الحين مايسمح تكون ممرضه او طبيبه بين الرجال ما الله حادها تختلط اذا مافيه مجال

ولن يسمح طوول ما احد مقتنع بها كـ دراس وبعدين مو شرط انها درسة طب يعني بتخالط ممكن تشتغل في مستشفى خااص للنساء وهذا يووجد والله الحمد بس قليل

اقتباس تقعد 8 ساعات بين رجال والنفس اماره بالسوء والفساد الاداري موجود والظغوط و و و الله يستر بس

صح الله يعين

اقتباس الحين ماودي اهلي يدخلون المجال وان شاء الله ماتصير زوجت المستقبل تحب هالتخصص

اقتباس ابي اذكر موقف حصل لي شخصيا رحت المشفى طلب مني الطبيب تحليل دم وارسلني للمختبر ورحت دخلت عليهم لقيت فنيين المختبر 3 شباب ومعهم بنت وحده فقط فيه طاوله جنبها كرسي حقت الكتابه احدهم جالس يكتب التقارير بنفس الطاوله وام الشباب جالسه على طرف الطاوله

الله المستعان

اقتباس لها الدرجه الميانه يعني .؟ والله لو اختي ما تجلس على طرف الطاوله عندي اقل شي كرسي يابنت الحلال وابعدي عن الولد

لا حولا ولا قووة الا بالله
صحيح بس ذا راجع لها هي يعني اخلاقها عادي عندها تسوي كذا والله انا لم ارووح المستشفى اشووف دكتورات متحجبات وحتى لم تتكلم معي ويكون الدكتور موجود بصووت واطي وتكلم الدكتور بصووت واطي محترم يعني مو كل البنات كذا اصاابع يدينك مو مثل بعضها الكف واحد والاصابع مختلفه صح ..

جنس حواء مو مثل بعضهم في الي ترضى وتتأثر وفي الي عاادي وفي الي ماترضى ابد وكل واحد يعتمد على اخلاقه ودينه

اقتباس طبعا قبل هالقصه ماكنت اخذ موقف من ناحية المهنه لاكن بعد اللي شفت في مختبر شبه مغلق 8 ساعات لالالا فكنا يابوي لو البنت نثق فيها

الله المستعان

اقتباس ونتمنى نشوف مستشفى نسائي متخصص قريبا ان شاء الله وجهة نظري خاصه بي ولكم اطيب تحيه .

انسي تشوووف هذي المستشفى والله اعلم


وجهة نظرك سليمه ولكني اختلف في بعضها واعذرني على الاختلافات لك رايك ولي رايي وكلن منا يراه صوواب والعلم عندالله لكن الاكيد اني احترم وواقدر رايك

[رمآدالشوق]

عليكم السلام ورحمة الله
مافيها شي مهنة الطب للمراه بلعكس ودي كل بنات السعوديه طبيبات متخصصات
وممرضات وموضفات استقبال لمستشفى وسجلات طبيه


لاكن في مستشى نسائي بحت
يعني ما تدخله الا امراه تستقبل وتعالج من قبل امره والحالات اللي تستوجب حظور طبيب رجل الشكوى لله

الضرورات تبيح المحرمات ومها قصة الصحابيه رفيده رضي الله عنها الموجوده باخر الموضوع فهم يحكمهم وقت
والا على السعه مايجوز انها تلمس غير محرمها لاكن وقت ضروره فان شاء الله لاباس

فهذه القصه ماتؤخذ على انها فتوى


كما ذكرت ومن وجهة نظري الشخصيه
مهنة الطب للمراه شي طبيعي ومن حقها ان تمارس هذه المهنه لاكن في جو مهئ يعني مستشفى باداره وكوادر طبيه نسائيه
لاوجود لرجل بينهم الا في حالة ضروره وتحت الرقابه
الوضع الحين مايسمح تكون ممرضه او طبيبه بين الرجال ما الله حادها تختلط اذا مافيه مجال
تقعد 8 ساعات بين رجال والنفس اماره بالسوء والفساد الاداري موجود والظغوط و و و الله يستر بس

الحين ماودي اهلي يدخلون المجال وان شاء الله ماتصير زوجت المستقبل تحب هالتخصص


ابي اذكر موقف حصل لي شخصيا

رحت المشفى طلب مني الطبيب تحليل دم وارسلني للمختبر
ورحت دخلت عليهم لقيت فنيين المختبر 3 شباب ومعهم بنت وحده فقط
فيه طاوله جنبها كرسي حقت الكتابه احدهم جالس يكتب التقارير بنفس الطاوله وام الشباب جالسه على طرف الطاوله
لها الدرجه الميانه يعني .؟ والله لو اختي ما تجلس على طرف الطاوله عندي اقل شي كرسي يابنت الحلال وابعدي عن الولد

انا ما اتهمها انها صايعه او غيره

بس معروف النفس تالف من حولها مع الوقت بتصير ميانه اولها برائه وبعدين ماندري الله يستر

طبعا قبل هالقصه ماكنت اخذ موقف من ناحية المهنه
لاكن بعد اللي شفت في مختبر شبه مغلق 8 ساعات
لالالا فكنا يابوي

لو البنت نثق فيها

درأ المفاسد مقدم على جلب المصالح

طبعا ولازلت لااعترض على هذه المهنه بل مطلوبه وفيه طبيبات وممرضات على مستوى عالي من الاتقان بالعمل الحمد لله

ونتمنى نشوف مستشفى نسائي متخصص قريبا ان شاء الله


وجهة نظري خاصه بي

ولكم اطيب تحيه


.

رمآد الشوق

[،؛بنت السحاب؛،]

موضوع مهم جداً وطرح موفق بارك الله فيك
حقيقة قد تستغريبين من وجهة نظري
لاأحبذ هذه المهنه ولااشجعها الافي حالة واحده كما ذكر الأخ الكريم رماد الشوق مستشفى خاص للنساء فقط
هذا رأيي ....
يرفع لينال حقة من المشاركه

[سُكـونْ]

اقتباس المشاركة الأصلية كتبت بواسطة ،؛بنت السحاب؛، موضوع مهم جداً وطرح موفق بارك الله فيك حقيقة قد تستغريبين من وجهة نظري لاأحبذ هذه المهنه ولااشجعها الافي حالة واحده كما ذكر الأخ الكريم رماد الشوق مستشفى خاص للنساء فقط هذا رأيي .... يرفع لينال حقة من المشاركه

اهلا وسهلا بك اختي الغاليه اشكرك ومن العماق على التثبيت والمرور

واما بنسبه الى وجهة نظرك احترمها وهذا رايك صحيح لكن ضروري تكون موجود طبيبات

[ملاك بدنيتي]

.موووضوع مهم يالعسسل,,
وجهةة نظري مافي شي دام يكوون وفق الشريعه الاسلاميه يعني في حدوود..
بالعكس مهنه انسآآنيه وووايد..
ودايم لما نروح للمستشفى نطلب تكون دكتوره مو دكتوور .....
راي البسيط..
الله يعطيك العآآفيه اسراء القمـــر:)

[سُكـونْ]

اقتباس المشاركة الأصلية كتبت بواسطة ملاك بدنيتي .موووضوع مهم يالعسسل,, وجهةة نظري مافي شي دام يكوون وفق الشريعه الاسلاميه يعني في حدوود.. بالعكس مهنه انسآآنيه وووايد.. ودايم لما نروح للمستشفى نطلب تكون دكتوره مو دكتوور ..... راي البسيط.. الله يعطيك العآآفيه اسراء القمـــر:)

اهلا وسهلا بك والله انتي البدر كله اشكرك على هــ الطله الحلوه وبنسبه الى وجهة نظرك
اساس كل اعمال الحياة تتطلب ان تكوون وفق الشريعه الاسلاميه في حدود يعني


مو بس الطب ولكن كونه اختلاط يحتاج الى ايمان اكثر وانشاءالله ما يدخلونه الا الي تخااااف الله مو بس في حجااابها حتى في المريض الي مطروووح بين ايديها

[weda]

انا بحوووس انو النظره السيئه دي بدأت نتقرض
ماتحصلي ناااس يفكروو كدا الا النااااس اللي مرااا معقديييين
يعني هوا لو فكر بعقلوو كان عرف انو الشي دا عادي وازا كاان يشوووفوو غلط .. مايروووح المووششفى ويقول ابغى دكتورره ...

انااا دحييين بابا يبغاااني ادخل طب ..): بس مرااا مالي نفسس مااحوب التخصص داا احسسو صعب

مع انو حلو وممتع بس لازم تنكررررفي في الجامعااا

تسسسلمي سروووو