(عجزت اقبل خرافات الخطوط الحمر والمنقول = احس اني بشر غير البشر واستنكر احساسي
لك الله ماورى حول (التشرد بالمشاعر ) حول = ثبات الارض مايقنع وقوف الساق متواسي
تكاثرت الجـدال وكل مندوب ٍ يطق اطبول = وانا اللي من سنه واكثر حشى ما دق مرواسي
قضيه !! وش قضيتنا ؟؟ قضيتنا لها مسئـول = انا اللي في خفـــوقي شي ماينبت بقرطاسي
تعاظمته وانا كلي عظـيم وآخـري مقتول = بمـــوت لنــور نبراسي ومت ومات نبراسي
بلاي ان المقص شيخ ٍ شجيع وشاربه مفتول = وبلاي اول من ايكسّر مجاديف الامل (ناسي)
لك الله يالغريب اللي تلَبسني بعـرض وطول = خذلك آخر مفاهيم الوجود بآخر انفاسي
عطاشا نشكي ونحسب دموع المـارقه هملول = ذبلنا وامحلت كـل الرجاوي والملا ناسي
تبنيتك دليله والضياع اليا حصـل مقبـول = انا كلي ضياع ٍمن سمـا راسي اليا ساسـي)
العرض الشجري
