رواية "الا ليت القدر" للكاتبه بقايا شتات..
بالعيــــــــاده النفسيه..
شالت ملف المريض المقصود..خططت امس بليلتها كيف راح تقابله..وايش راح تسأله...
ودقت الباب ودخلت...
:صباح الخير سامي..."وهي تطالع ملفه وتقرا اسمه"
طالعها سامي وصد عنها..
بلعت ريقها اريام...ودخلت وسكرت الباب..وقالت بنبرة تشجيع
:لا ما شا الله اليوم صحتك ميه بالميه..
مافي تجاوب منه...
جلست على الكرسي القريب من سريره واخذت الورد اللي جنبه وشمته:واو...مره روعه شكل اللي جابه لك ذوق..
طالعها سامي وبنظرات غير مركزه وكانه ما يدري ايش يقول وتخربط..
اريام ما زالت بنفس النبره الفرحه والتشجيعيه:ايوه يا استاذ سامي...كيف صحتك؟؟
سامي ببرود: ماقلتي من شوي انها كويسه..
اريام: واخيرا..ابي اسمع صوتك..
سامي بعدم اهتمام:و ليه؟؟
اريام: لاني ابي اسمعه..
سكت سامي..
اريام:طيب من زارك اليوم؟؟
سامي وهو يتغلف بالبرود: طليقتي....
اريام انصدمت: طليقتك؟؟؟...."حاولت تضبط انفعالها"...سوري اقصد معليش على التطفل..
سامي ابتسم بسخريه: لا عادي خذي راحتك..من لما عرفت اني مريض..بالـ....بالـ.. احم احم"حس بغصه بحلقه"..بالسرطان وهي قررت الطلاق..
اريام ما انصدمت كثر ما حنت ورحمة هذا الشخص اللي في وقت حاجته تركته اقرب الناس له..
سامي لف عليها لما لاحظ صمتها: عادي ايش فيك...لا تنصدمي من الحياة..طلاقها مو شي الكبير عندي..عندي اللي اكبر منه..وعندي اللي اوفى منها ..مرضى اكثر شي وفاء لي في حياتي بيلازمني حتى مماتي..
اريام حاولت تجمع نفسها..هي جايه تزرع الامل والتفاؤل فيه..وتخليه يرضخ للعلاج..
:سامي انت لازم تعالج...لان حتى هذا المرض ممكن يخونك..هو قاعد يفترسك..
سامي :قلتيها يمكن...ويمكن لا...يمكن هو يريحني..اتوقع ان لازم شي يوفي لي..
اريام: سامي ابدا هذا ابدا مو منطق انت ما شفت نسبة اللي تشافوا منه..كثير..لا تضعف لازم تحاول..لازم تحاربه وتقضي عليه..
سامي: هذا مكتوب لي وما راح يتغير...ريحي نفسك ما راح اعالج..
اريام بشده شوي: وانت ما تعلم الغيوب...ربي في لحظه يغير من حال الى حال..لاتيأس ولا تقنط من رحمة رب العالمين..الموت حق على كل منا..بس لازم الانسان يسعى للشفاء ويحاول...لان نفسك وصحتك عليك حق ولا؟؟
سامي سكت..
اريام اعجبها سكوته وكملت عليه..
:لو وقف كل واحد عن المحاوله ويأس مثلك..ما اتوقع يبقى احد من البشر...سامي انت اهون من غيرك..على الاقل ..انت تمشي..تاكل...وتشوف وتقدر تعالج وتقضي عليه..فيه ناس خلاص قضى عليهم وتمكن منهم لانهم اعطوه المجال..
سامي: بس........
اريام: لابس ولا شي ...انت حاول وحاول ...وحاول...لحد ما تنجح..وكل شي مكتوب ومقدر..
سامي سكت وبداخله"نفس النتيجه....نفس النتيجه.."
اريام: توعدني ترضخ للعلاج..
سامي: ابي افكر...
اريام ابتسمت على انها وصلت للي تبي: اوكي فكر وخذ راحتك ...وقولي اذا وافقت..
سامي ابتسم:واثقه اني بوافق..
اريام: ايوه واثقه...عن اذنك الحين....وبمرك اخر الدوام...
سامي طالعها بدون ما يتكلم لحد ما طلعت وبعدها شرد في افكاره..
$$$$$$$$$$$$$$$$$$$$$$$$$$$$$$$$$$$$$$$$$$$$$$
وقت المغرب.............
في بيت ابو سلطان...كان الاستعداد للحفله بسيط..طبخت ام سلطان كم اكله..اشترى سلطان العصير..وابتهال ومدى عملوا الكيكه...
واجتمعوا البنات بالصاله مع امهم..وسلطان طلع برا البيت بعد ما حذرهم انهم يبقوا له من الكيكه والعصير..
وصلت مشاعل: يا اهــــل البيت...
ابتهال: هلا حياك...مسويه سنعه..
مشاعل: ههههههه نفسي يوم تمدحيني..
ابتهال: هذا مدح يا ذكيه..
مشاعل: طيب وخري خليني اسلم على خالتي ام سلطان...ام الغالي..
ابتهال: ههههههه الله يعينك يا سلطان لو فكرت فيها...
ام سلطان: هلا والله...يا حيا الله من جانا..وشلونك يا مشاعل؟؟؟
مشاعل: الحمدلله تمام يا خاله...
ام سلطان: ايش اخبار جدتك؟؟
مشاعل: تسلم عليك يا خاله...هلااااااااا والله بالموظفه المستجده ههههههه
مدى حضنتها: اهلين..
مشاعل بحب: مبرووك يا قلبي تستاهلين والله..
مدى: الله يبارك بعمرك..تسلمين يا قلبي..
ابتهال غارت...وبعدتهم عن بعض: خلاص عاد طولتوها..
مشاعل: ههههه يا قلبوو على اللي يغارون..
ابتهال: ما غرت عليك...انا اغار على اختي..
مدى: ايوه واضح..
مشاعل كتفت ايدينها: ابتهال ما ادري متى بتعترفين بانك تحبيني؟؟؟
ابتهال: اذا حجت البقره على قرونها...لاني ما احبك ..
وسمعوا دق على الباب..
ابتهال نقزت: مرام جات......"وراحت تفتح لها"......اهلين مرومه..
مرام: اهلين..
ابتهال سلمت عليها: حياك....حياك يا قلبي..
دخلت مرام وسلمت على ام سلطان وباركت لمدى..
وجلسوا يسولفون ويضحكون..
جابوا الكيكه بيقصونها مع بعض...وبدر ووداد متحمسين للكيكه..
سمعوا الباب الخارجي انفتح...
ام سلطان استغربت: سلطان رجع؟؟؟؟
مدى اكثر استغراب: لا ما اتوقع ....يدري ان عندنا بنات..
ابتهال طالعت مدى بخوف: لا يكوووون؟؟؟؟
قامت مدى وام سلطان اللي فهموا قصد ابتهال وتفاجئوا ان اللي في بالهم صحيح..
وحطوا ايديهم على قلوبهم...بما ان سلطان مو موجود والبيت فيه بنات...
@@@@@@@@@@@@@@@@@@@@@@@@@@@ @@@@@@@@@@@@@@@@@@@@@@@@@
نهــــــــــــاية البـــــــارت...
العرض الشجري
