آهـ .. من ضيق النفس .. لا صارت اللقيا محال
وآهـ .. من جور القلوب اللي تزيد [ غيابها]
***
وآهـ .. من صدق الظنون اللي تخيبها [الرجال]
[ آهـ ] كلمة انتهت بي .. ما عرفت ابدا بها !!
****
خايفه مثل الوحيدهـ .. ضايعه بين احتمال
احتمال الروح تفنى .. واحتمال اشقى بها
****
آتظاهر بالسعادة والمدامع راس مال !
الهموم اللي بصدري ليت اعرف اسبابها؟
****
مادريت ان القلوب تضيق من قل الوصال
لين شفت الشوق بيدينه يتل ارقابها
****
ولا هقيت اني احبه عدّ همّال الخيال
لين شفت ان الكرامة زودت بعتابها
****
ليلةٍ فيها ضعفت ولا غدا فالحال حال
ايه بعد القرب صرنا من عداد اغرابها
****
ان سمعت الصمت ليلة لا تشاغل بالسؤال
بنت أهدتك المحبة والغلا ما عابها
****
وقّفت عند الخطيّة ما تعدّت بالمجال
لا تخون ولا تعيب ولا تهون اقرابها
****
لا سقى الله ليلةٍ فيها نويت الاتصال
دمعتي من بعد صوتك ما حسبت حسابها !!
العرض الشجري
