صبـــاح / مســـــــــــاء الخير ,,
اترككم مع اول مشاركه لي اتمنى تعجبكم .. 
دنيتي من غيرحسك
سطرخالي من الحروف
ينتهي الأحساس فيني
كالجسد من غير روح
لاتظن صمتي غياب
اوتجاهل أوظروف
انت شي في حياتي
مايتعوض لو يروح!
يا أنا ..
وش الجديد ؟
منكسر خاطرْك واحساسك غريب ! وغربته منه وفيه ..
ضايقه فيك الوسيعه .. وما انت قادر تكتب احساسك قصيد ..
تفتح الدفتر .. وتجمع مابقى من اول وآخر جروحك
وتجمع انفاسك وتكتب :
مـن هنـا كانـت بدايـات الحـزن
.. ورده .. وضيقه .. وتلويحة جفا !
مـن هنـا تتشكـل عيونـك مـزن
ويتساقط .. ما بقى بك من .. وفا !
وتختنق فجأه .. وتسكت
تقلب الصحفه .. وتشعر بان بياض سطورها كنه بياضك !
تستحي يتشوّه الطهر بجنونك !
ترمي عيونك عليها .. حيره وتفكير واعجاب و تمّعن :
تكتشف بان الطهر في الوقت هذا ما يفيد !
وتقول بكتب ..
واتـّساقط فوقها .. ضيق وتناهيد وحبر ..
كنك تدوّر لحزنك داخل الصفحه قبر !
اتخيّر في سماها الصافيه ..
عن عريس .. وفارس احلام .. العروس : القافيه !
عن مكان يليق باحساسك .. الليله
.. ويرضي لك غرورك ..
وصعب تلقى لك مكان يناسب حروف انهيارك وانكسارك لان اصلا ً ضيقتك واحساسك وثورة شعورك :
كلها ..
ما كانت بيوم اختيارك !
يا أنا ..
وش الجديد ؟
لا بقيت الليله لحالك ..
ولا حولك احد
.. يفهم اللي ما عرفت تقوله ..
وياصل اللي ما قدرت تطوله !!
ما انت كنت البارح لحالك وفي نفس الشعور !
وبكره
.. ان ربي عطانا عقل واحساس وعمر !
بنفس هالموقف .. تمر !
صح معاك كثير ..
وحولك اكثر منهم بكثير ..
ومن يبي يوصلك اكثر من ( كثير ) كثير !
بس صدقني رغم ذلك :
بكره بتجلس هنا .. لحالك ..
منكسر خاطرْك واحساسك غريب ! وغربته منه وفيه ..
ضايقه فيك الوسيعه .. وما انت قادر تكتب احساسك قصيد ..
وتسائل ليه انا الليله وحيد ؟
وتفتح الدفتر .. وتسأل نفسك بنفسك :
اكتب اول
ولا ّ اكتب
آخر جروحي وبوحي ..
واتـّراجع !!
ليه اكتب ؟
دامها نفس الحكايه ..
.. ضيقتي / حزني / همومي
وحدتي ..
.. احساسي المتعب و لومي
كلها
روتين يومي !
يا أنا
من البدايه ..
قلت لك .
. وش الجديد؟
تحيــــــــــــــــــــــــاتي
ملامـــــــــح ..
العرض العادي
