السلام عليكم ورحمه الله وبركاته
ياهلا فيكم اعضاء ومشرفين ومشرفات منتدانا الغالي
كل عام وانتم بخير
والاخوان والاخوات اللي حجو هذا العام اقولهم
حج مبرور وسعي مشكور وذنبا مغفور يارب
اسأل الله ان يتقبل من المسلمين اجمعين
عنوان الموضوع غريب شوي
بس هذي واقعه حصلت لي قبل ايام
تعرف على شخص اسمه محمود مصري من مواليد السعوديه في مدينه جده
المهم تبادلنا السوالف والضحك سوا وبعدها عطاني رقمه
وقال اعتبرني صديق لك
قلت اللي يحييك
المهم افترقنا وبعدها بيوم اتصل علي
قال انت راجع للرياض
قلت ايه
قالي لوحدك
قلت نعم
قال ممكن اخاويك للرياض
قلت ابركها من ساعه
المهم تواعدنا وقابلته مره ثانيه ومشينا للرياض
سواليف وضحك على الخط لين وصلنا للرياض
المهم نزلته في بيته
قالي بيننا اتصال ان شاء الله
قلت باذن الله
بعدها بيوم اتصل فيني
قالي وينك ياسامي
قلت انا موجود في شقتي بالرياض
قال ممكن اسير عليك
قلت حياك ربي
المهم جاء الرجال ومعاه واحد من اصحابه
قلت له من هذا
قال هذا صاحبي محمد
قلت حياك ربي انت واياه
المهم استغربت تصرفات صاحبه
طلع من الشقه ودخل
ثم طلع يكلم ودخلت مره ثانيه
المره الثالثه طلع وطلعت وراه
الى فيه شخصين برا الشقه
عرفت ان الدعوى فيها شي
قمت وطرتهم من الشقه
الا وقامو الاربعه علي وضربوني ضرب مبرح
وسرقو جوالاتي مني ومبلغ مالي
تعرضت لبعض الاصابات القويه في الوجه والظهر والبطن والصدر
بس الحمد لله على كل حال
واسأل الله العلي القدير ان ينصفني منهم وينتقم منهم اشر انتقام
هذا قصتي مع الصديق الجديد
وحبيت احذر اخواني من هذي الاصناف من الناس
وعدم الثقه في الانسان الجديد في حياتك الى بعد فتره طويله من المعاشره
اسأل الله ان يحمينا واياكم وكل المسلمين من شر الاشرار يارب
تقبلو فائق احترامي
وكل عام وانتم بخير
ودي وتقديري
احذرو الصديق الجديد
العرض الشجري
