بسم الله الرحمن الرحيم
القصيدة ما يحتاج لها مقدمات واضحه تمام الوضوح
قصيدة ( الصين تصنع الشعر )
أقول
ماباقي الا الشعر باتصنع الصين ** واتزيـّف اِبـْظهره ختوم الوكاله
واِتــْقلــّد اِبـْيات الذي له وكيلين ** واِتـْحاول اِبـْدقه تسوّي مثاله
واتزيـّنه باشياء تـَعـَجـْب البعارين ** واِتـْقرطسه باوراقها والمقاله
واتصدّره واتجمرك الالف الفين ** واتنزّله في سوق شعـّـار عاله
واِتـْبيعه اِبْدولار ماهو اِبـْريالين ** وايزيد سعره عند أهل الظلاله
مخصوص للي مايـَعـَرْف الشـِعـِـر وين ** ومستشعر الأشعار ناسي الجزاله
ياللي يـَحـَسـْب الشعر تركيب حرفين ** أو أستعارة بيت عمـّه وخاله
متبرّين منـْه الشـِعـِـر والدواوين ** فالبحر يطرد كلّ جيفه بجاله
فالدمع وشهو اللي يصبه سوى العين ** واللي عقيم اشلون يكبر عياله
يا بآيعين الشعر مابالشـِعـِـر زين ** في شروته مير الذي أرتقى له
لنــّه من الله ماهو اِمـْن الدكاكين ** ولا هو ببشت ٍ لابسه زان حاله
ثوب الشـِعـِـر فشـّل كبار السلاطين ** لا صار هذا الشعر شاريه ماله
الشعر بدع ـوْ موهبه ـوْ عقل ٍ اِفـْطين ** ليل ـوْ له اِتـْضوّي المعارف لياله
وجماله اِيـْجمـّل خويـّـه ولو شين ** وخويـّه اِيـْزيّن بفكره جماله
كم شاعر ٍ شوّه قصيدة الأذنين ** والسمع عيـّـا اِيـْزيد لحظة اِحـْتماله
ليت اهتمامه بالرياضه أو التين ** أو يعشقه من دون يكتب هباله
ويسمع قصيد اِرجال غطـّوا الميادين ** من قافهم فاحت عطور البياله
للسانه المعنى الحديدي ترى اِيـْلين ** وله القوافي خاضفه بأرتجاله
ويعمـّر اِقـْصور اِبـْحروف ٍ مهو اِبـْطين ** سيسانها اِبـْداع ٍ وساسه أصاله
واللي مهيـّضني ترى ابيات مسكين ** يخدعه أستاذه بهزله َ ـُوْ هزاله
بغيت أقدم له نصيحة محبـّين ** واقول أن العيد تالي هلاله
غذّيَ الفـَكـَـر بالعلم ـوْ معارف الدين ** لنّ الشـِعـِـر ماهو فقط لا للاله
غوص البـَحـَـر واستخرج اِبـْه ألثـْمين ** وابـْلا تكلــّف فالجزاله سهاله
ولا تعتمد أقوال شاعر عـَطـَى دين ** وابدا وأتوكـّل بَسَم ذو الجلاله
ولا انتظر لاشـْعار مصنوعه بالصين ** منها اشتري وأعرض ختوم الوكاله
أتبيعة أرخص من معلـّمك بالفين ** ذي ماعرَف يعقد بيوم ٍ حباله
واحلا ختام سلام للشرّ سكّين ** وصلاة ٍ ابـْلا عدّ لاحمد وآله
وسلامتكم
قلمي - جنون شاعر
العرض العادي
