القصة :
تقول اديت شهادة دخول الاسلام قبل اربعة اشهر.
وفي نفس يوم اعلاني الشهادة وفي نفس المكان،
زوجني الامام اللي لقني الشهادة، على شاب مسلم عربي.
قال لي الامام نزوجك عشان ..
ما يصير منك شئ خطا يسيئ لنظافة/ طهر صلاتك (!!) << علامة التعجب مضافة مني
تقول الشاب اللي زوجني عليه ما مانع انه عندي ابن عمره اربع سنوات من زواج سابق،
وان يعيش ابني معنا. لكن قال :
في الوقت الحالي حيث ان شقته صغيرة (غرفة نوم + غرفة معيشة)
فافضل ننتظر الى ان ننتقل لشقة اكبر وبعدين يجي ابنك يعيش معنا.
.
ما كان امامي خيار غير ان اترك ابني عند امي.
لكن المشكلة، ان امي واللي في البيت معها .. يسكروا ويدخنوا وياكلوا لحم خنزير.
.
زاد الطينة بلة، ..
مؤخرا امي قالت لي انها ما عاد تقدر تراقب وترعى ابني عندها في البيت.
.
فاتحت زوجي بموقف امي من وجود ابني عندها، وذكرته بوعده بعيش ابني معنا.
وكان رده : البيت صغير على وجود طفل فيه وهو ما حيتحمل الضغط، وان خلي ابنك عند امك.
.
تقول :
انا مو مرتاحة لوجود ابني في وسط وبيئة فيها محرمات،
واشعر بالمسؤولية امام الله كام بتركي لابني هناك.
وما اقدر ارجع اعيش مع امي واسرتي .. خاصة وانهم ما تقبلوا باسلامي.
ولو رجعت عندهم، حيضايقوني في اسلامي .. زي منعي من الصلاة مثلا.
تقول :
ما افهم تعنت زوجي من التضحية شوية ويتحمل وجود ابني معنا،
والشقة ممكن تستوعبنا مؤقتا .. ونتحمل الى ان ننتقل لشقة اوسع.
وتضيف :
في البداية، اهل زوجي ما كانوا يعرفوا بزواجنا، وما اعتقد انهم يعرفوا انه عندي ابن.
وبرضوا، ما اعتقد ان احدا من معارفه هنا يعرف بزواجه.
في فترة الصيف زوجي يبغى يسافر لبلده وياخذني معه.
قلت له ما اقدر اسافر واترك ابني.
قال : اذا ما جيتي حنتطلق، وانه ما يبغى يسمع زيادة في الموضوع.
.
.
! ! !
.
.
ما ادري؟ .. ايش رايكم في هالقصة؟
.
يعني اولا، ..
كيف يستغل هالامام سجاجة البنت .. وجهلها في الدين ..
ويورطها بزيجة !؟
.
وبعدين ..
ايش هالزوج المسلم المعدوم الانسانية !!؟
ما يراعي الله في زوجته .. وطفلها اللي ممكن يضيع في وسط فاسد !!؟
.
ما ادري؟ ..
يمكن تشوفوا انه ممكن يكون عند الزوج عذر كافي .. من المسؤولية تجاه ابن زوجته؟؟
وموقفه .. من ان اما تمشي على كيفه، واما الطلاق؟
.
اتخيل .. لشخص جديد دخل في الاسلام، ..
وعايش في بلد كافر ومحارب ممن كانوا اقرب الناس اليه
محتاج مرعاة اكثر ومساعدة
.. ، ما هو استغلال .. وسوء معاملة !!
.
.
.
على الهامش :
موضوع شخصي، اخد رايكم فيه
امس الجمعة نزلت جدة .. وبت هناك
اليوم بسلامة الله .. رجعت المدينة
حلمت في الليل امس في جدة .. يقولوا لي :
الملك سلمان يعرف انك تسرع - فوق السرعة المحددة -
وقال لهم، جزاء له، بلغوا شركات التامين ما احد يامن له !!
احد عنده تفسير؟ .. تعليق؟؟
.. كلي اذان
، ودي .. وتحياتي
.
العرض الشجري
