للفائدة

[اسود]

منقوووول



هذا الموضوع وصلني عبر البريد وحبيت أنقله للفائدة



وحتى تنبهوا أهاليكم .



السلام عليكم


يا ناس تخيلوا أمي كانت اليوم بمجمع ابن خلدون .. وبوقت صلاة المغرب .. لم راحوا للمصلى

كانت فيه وحدة حاطة لها كرسي وجالسة عند الباب ومعلقة لوحة

(( يمنع دخول جوالات الكاميرا للمصلى )) ..!!

وكل من دخلت اعطتها رقم .. وحطت جوالها بكيس ..

وتقول امي شكيت فيها .. من متى الجوالات ممنوعة بالمصليات !!
وغير كذا اللوحة مكتوبة بخط اليد وماعليها ختم للإدارة ولا شي ..!!

وحتى الأوراق اللي توزعها مكتوبة بخط اليد .. !!


المهم .. تقول امي قلبي نغزني ..

وخلت اختي تنتظرها برى مع الجوالات الين ماخلصت صلاة ..
وبعدين راحت اختي تصلي ..


وخلال هالوقت .. في حريم خلصوا صلاة .. وطلعوا يدورونها ولا لقوا احد .!!

تخيلوا .. اكثر من 30 جوال شالتهم اللي ما تخاف الله ومشت ,,!!


فتقول امي .. لو تشوفون صياح بعض الحريم .. شلون يقطع القلب ..

اللي لها صور بالجوال .. والا اللي مصورة خواتها والا بناتها ..


فانتبهوا .. اللي سوت الحركة هذي ممكن تعيدها بأي مجمع ثاني ..

وغير كذا .. ياليت ننتبه لصورنا بالجوال .. يعني حتى لو قلنا ماراح نبيع الجوال .. مانضمن انه ما ينسرق ..


والله يستر علينا وعلى جوالاتنا


منقوووول

[المازنِي]

أسلوب جديد للسرقه ...

ولكن الشرهه على الحريم اللي سلمو الجولات بدون سؤال ولاجواب

وبصراحه تطلعت الام ناصحه وشاطره

واشكرك على التبيه والتحذير ودمت بخير

[fofo22]

جديدة



قطع الله يدها

[للشقاوهـ حلاوهـ]

تسلم يمناك

[ROPY]

وش ذا استغفر الله من جد حرام هالاشكال اصلا تدخل المساجد ..مساجد الله ويصير فيها هالكلام والعياذ بالله !


لاعدمناك !


رووبـــــي