يابدر ...قصيده حصرياً

[ج سطام بن فهيد]

السلام عليكم

في هذه القصيده يكشف لنا الشاعر عن حبه الحقيقي والقصيده يسندها على اخوه الشاعر الشيخ بدر بن سلطان بن ماجد بن فهيد
والذي أوعده برد على القصيده ووأعده بكد جاهيه على اهل معشوقته

اتركم مع القصيده ولمتابعة شاعرنا عبر التويتر : vip_1_mhm@



يابدر وانا اخوك حالي غدا حال....في القلب حب وداخل الصدر ضيقه

والحب في قلوب المحبين غربال....يصحي جروح الخفوق العميقه

وقلبي خذته اللي زهت لفة الشال....ساس الجمال الفاتنه والرقيقه

على عروش القلب تطلع وتختال....وفي زفرة انفاس الغرام وشهيقه

صدري لها دوحة ومرسي ومدهال....تدهل محلاته وتمشي طريقه

يفدونها الروقه وبرقا ولا تزال....تسوي بعد في العين كل الخليقه

والبنت بنتً للشيابين الابطال....ومن الفهود موثقه بالوثيقه

ولو كنت في جده ومبعد ورحال....والزين في وسط الرياض العريقه

تحبني واحبها والغلا طال.....واشتاق له بالثانيه والدقيقه

عشقي لها يشبة ليا صغت الاقوال....لعبدالعزيز ودولته في طويقه

الحب عذب قبلي شيوخ ورجال.....هذي الحقيقه كان تبغى الحقيقه

الزير سالم والمهلهل والابطال.....وخلى دمار الكون هتلر حريقه


كلمات سطام بن فهيد

نقل سعد اليامي

[صدق النوايا]

صح لسان الشاعر

ولاهنت على النقل المميز

للشاعر حساب بالمنتدى

ويا ليت لو يدخل بنفسه ويشاركنا ببداعاته

حتى يكون اهتمام الاعضاء مباشر بالقصائد وصاحبها

هكذا تعودنا من شعراء المنتدى

وشكرا لك مره اخرى

[قلب الزهـــور]

●●●
انتقـآء رآئــع, وطرح جميــل كجمال روحك
دآئمـآ مآنرى الإبدآع والتميز يلآمس انتقائك
ربي يعـــآفيك وآلف شكـر لك. دمت بكول خير وسعادهـ
مع تحيآتي : قلب الزهور .ببآي

[ج سطام بن فهيد]

اقتباس المشاركة الأصلية كتبت بواسطة صدق النوايا صح لسان الشاعر ولاهنت على النقل المميز للشاعر حساب بالمنتدى ويا ليت لو يدخل بنفسه ويشاركنا ببداعاته حتى يكون اهتمام الاعضاء مباشر بالقصائد وصاحبها هكذا تعودنا من شعراء المنتدى وشكرا لك مره اخرى

صح بدنك ولا ندمت

انا معاك في هذا لشي بس الشاعر الله يحييك غير ايميله اللي هنا بواحد ثاني وانتظر التفعيل من الاداره ولا شاف شي
كذالك الشاعر الان له شهر ونصف خارج الدوله قانص يم الجزاير مع معزبه

[صدق النوايا]

الله يحييك ويرده بالسلامه سطام شاعر كبير وجوده اضافه كبيره للمنتدى ونطمع بمثله ولا نستغنى عن ابداعاته