بســم الله الرحمن الرحيم
أحبــائـي
أعود لكم بقصيدة
آمل ان تداعب مشاعركم
وان تنال الإعجاب منكم
واعتذر لكم عن الغياب عن ساحة شعر الود
عسى ان تكون هذة القصيدة بمثابة إعتذار لكم
والشكر موصول لكل من سأل عني
واحب اهدي للجميع هالأبيات
,,
الطيبة احياناً تكون سلبية على الشخص
خصوصاً إذا جوزيت بخيانة من الصديق او الحبيب
لذلك كتبت هذة القصيدة لهذة المناسبة
(( مـبـدأ طيــبتـي))
تصدق ماسألت ان رحت او جيت
كلهن تساون بنظري شي عادي
احسنت فيك الظن واخلفت ماوفيت
و أخلفت مبدأ طيبتي واعتقادي
ياخايني واللي حمى كعبة البيت
و اللي خلق هالناس حضرن وبادي
ماعاد تفرق حيل لو لي تعنيت
ومعاك احس براحتي بإبتعادي
لاتحسب اني اليوم لوصالك ارجيت
ولاتحسب ان الهجر نكد رقادي
ولا ارجع افكر فيك عقب ماقفيت
لو انك غديت اليوم شربي و زادي
وش فايدة حبن مع خافقن ميت
ماينفعك نبتن بليا حصادي
تعبت انادي لك ولالي اوحيت
اتعبتني بجفاك وكثرة سهادي
مليت منك الصد ومنك مليت
خلاص مايلزمك مني اجتهادي
ماعاد تعني شي رحت او جيت
بعدك هناة وجيتك شي عادي
بقلم / حالي الـذوق
العرض الشجري
