السلام عليكم ورحمة الله وبركاته
أولى أطروحاتي لكم في هذا القسم الشيق آمل ان تحوز على القليل من رضاكم وترتقي إلى مشارف الذائقة
أذعنت للهاجس غصب وقلت له هات=وهلـّت مزونه هماليل ٍ مطرها
أعادني للماضي ذكرى لما فات=هاك الليالي اللي سامرنا سهرها
عشـنا يســود الوقــت سعـْد ومسرّات=يوم النوايا صافيه من كدرها
يسألني بالتنهـّد واردّ بآهات=وكل ٍ اشواقه للثاني قد نثرها
يا ما سهرناها ليالي ٍ مريفات=وكم ليلة ٍ عطر النسايم غمرها
بسرعه يزل الوقت لو طال ساعات=ذي حالتي مع الغالي اللي نكرها
قلبه قسا واهداني بالصد لوعات=للحين وقلبي يكتوي من جمرها
ودي تعود الليالي بس لحظات=وتشوف من صان المحبه وغدرها
رغم الألم رغم الجروح العطيبات=ما اذل نفسي لو هو شمسي وقمرها
دامه جفاني باعفيه من الحسوفات=والخطوه اللي قفـّت ما اتبع أثرها