أسبوع مرّ !! ولاوصـــل منك مرسـال
ياقــــوّ قلبك كيـف تقطعنـي أسبـوع ؟!
الجـــوع كافر ! وانت ماترحـم الحـال
وانا عليك مـن الولـه مـــــيـت ٍ جـوع
ياللي غيابك صعب يطري على البـال
تركتنـي ضـــايـق وحــــايـر ومفجـوع
مـــاكنّـي الا: شـــــايـب ٍ فاقـد عـيـال
ومـــاكنك الا : محـــرم ٍ حق مشـروع !!
يفوع لـك قــــــــلبـي ليـا مـر الاطـلال
ياليت مالـي قــــلـب يشتـاق ويفـوع
حسبي عليك شلـون قطعـت الامـال
بآآآموت لاصــــار الامل فيـك مقطـوع
ياصــــــاحبـي مــــــاكـل نـزّال رحّــال
انت الحـــــــيّا من وين مارحت متبـوع !!
نســــــيانـي لـزول ٍ بالاعمـاق يختـال
اصعب على صاحـــبك من حبة الكـوع
لــو : الثمن في شــوفتـك عمـر رجـال
كان الثمــــــن من يوم ماغبت مدفـوع !!
ولو القـــدر مـا تـم قــــــــولـه ليـا قـال
ماضـــاق صدر ولا انحنى راس مرفوع
ياصـــــاحبي عشقتنـي فعـل وخصـال
وانا عشقتك شعر واحـسـاس وطبـوع
وشلون تتركني كـــذا : لا شهـب الـلال
وقــــــدّام عيني تجــــف ينبوع .. ينبـوع !!
وانا عـــشانـك جـــــيـت والغيــم همّـال
اسيّـــــــل الوديـان واداحــــــم جـمـوع
ماردّنـي عـــنـك ســـــوالــــيـف عــذال
تزعــــل عــليّ ربوع وتقــــــــــدّر ربـوع !!
كان المــهــــم اعـيشـك جنـون ووصـال
ويكون لي كلــــمه ولـي راي مسمـوع
واليوم ضــــاقت بي مــن الجـال للجـال
فـــرقاك : تقـصـــــم ظهـر وتـحـز وتلـوع
لو جـــيت شـفت الحال ماسـرّك الحـال
في غــيــبـتـك ضــايـق وحايـر ومفجـوع
هــذا غـــياب اســـبوع وشلـون لـو طـال
طـــالبك .. لايطــــوّل غـــيابك عن اسبوع !!
,,,,,,,,,,,,,,,,,,,,,
عزوز ,,
قصيدة قوية وجزله وناظمها لا شك شاعر متمكن بموهبته وقدراته ,,,
حقيقة من أروع ما قراءت ,,,
صح لسانك أن كنت ناظمها ,, وتألق ذوقك أن كنت ناقلها ,,,
أشكرك على هذا ألحضور ألمثري وألمغري ,,,
وتقبلوا تحياتي وتقديري ,,
العرض العادي
