يا خاطفي وين ألقى عزتي في زمان المذلة ! للكاتبه . على شاطئ النسيان

[قلب الزهـــور]

يا خاطفي وين ألقى عزتي في زمان المذلة !




رغد (( لاتطآلع في عـيوني خـآيفة // يضيع الكلَآمـ..
تدري إن الكون وآآآسـع ,, لكن عيونك زحــامـ..!))
جاء يوسف ومعه عبدالله يمشون بأتجاهها
عبدالله : ماتشوفين شر
رغد : الشر مايجيك ... حست في كلام تبي تقوله لكن منحرجه منه ماتدري كيف تتكلم
رغد : مشكور على وقفتك معي تعبناك
عبدالله : لا تعب ولا شي هذا الواجب
رغد : اسفه يـا.... وسكتت
عبدالله: معك عبدالله ...
رغد : على العموم اسفه اذا عطلتك عن اشغالك ..
يوسف : والله ماسوينا الا الواجب ...اهم شي سلامتك
رغد : الله يسلمك ...
جلالي : يالله رغد هذا شهد في ازعاج مررره .. في قول تعالي وديني مع رغد
رغد : عن اذنكم .
عبدالله : المره الجايه انتبهيي لطريقك .. مع السلامه ..
كل واحد اتجه لسيارته
يوسف: مابغيت تعتقنا ياعم .. قسم بالله انك شوي وتدخل بحلق البنت
عبدالله: ياويل حالي انا ... سمعت اسمها
يوسف مسوي دايخ : رغودتي .. ياحليلها
عبدالله : هيه .. انت ما اسمح لك
يوسف : اقول ترى البنت انحرجت من عيونك شوي وتاكلها
عبدالله: غصب عني اول مره احس عيني طويله
يوسف: بدري .. توك تدري ان عينك طويله
عبدالله: ماشفت عيونها ... عيونها دنيا ثانيه
يوسف: اي بالله عليها عيون تسدح
عبدالله : مكأنك صرت تتكلم عنها كانها خويتك
يوسف : عادي ياشيخ امون عليك حبيبتك هي حبيبتي
عبدالله : طالع طالع طريقك لا اسوي بوجهك خرايط

بعد ماوصلت للبيت نزلت لها شوق تساعدها تطلع الدرج ..لان شهد تصلي الظهر
شهد تضمها : الحمدلله على سلامتك ياقلبي
رغد : الله يسلمك
شهد ودمعتها تخونها : سامحيني يارغد سامحيني .. والله ماكنت اقصد
رغد تضمها : مسامحتك اهم شي عرفتي غلطك
شوق: كيف رجلك الحين
رغد : مررره تعورني .. عندك مسكن
شوق : ياقلبي انتي الحين اروح ادور لك
جات هنادي وسحر يركضون
هنادي : رغـــــــــــــــــد
سحر: وآآآآآآآآآآآآآآآآآآآو ... ويش ذا
رغد تضحك : من العمى والله
سمر اول مادخلت : كيف رجلك جلالي يقول انكسرت
رغد : ايه طحت وتعورت
جات ريم وجلست عندها : فتحي عيونك المره الجايه
رغد : كلامك نفس عبدالله
البنات : عبدالله ؟؟
رغد : هذا اللي ساعدني ووداني المستشفى
سحر : يؤؤؤؤؤؤؤؤؤؤؤؤؤؤؤؤؤؤؤ
شوق : وهذا المسكن حبيبتي .. الحين لازم تروحين غرفتك ترتاحين
هنادي : درى ابوي
شوق : لا ماقلت له عشان مايرتفع سكره وضغطه
ريم: الحمدلله لاتقولين له الين يجي .... جاهم صوت عمهم

ابو مها : يـــابــنـــآآآآآآآآت
سمر: حنا بالغرفه يبه
ابو مها بعد ماوصل الغرفه : علامكم كلكم مجتمعين هنا
شهد : عشان رغد .... انتبه لرجلها
ابو مها : رغدوتي فيك شي .. وعلام رجلك كذا
رغد : طحت وانكسرت رجلي وتوي جايه من المستشفى
ابو مها : ليه مادقيتي علي
شوق : انا قلت مانبي نخوفك .. عشان الضغط والسكر ياعمي
ابو مها : ومين وداك
رغد وجهها حمر :السواق واثنين ساعدوني
ابو مها : وشــــلــووووووووووووووون ؟؟
شهد : هي كانت رايحه للصيدليه تجي لها اغراض .. وماشافت الدرج وطاحت وبس
وساعدوها اثنين فيهم الخير
ابو مها : اهم شي رجلك .... صار لها شي تبيني اوديك المستشفى
رغد : لالا الحمدلله الحين بخير ..
ابوها : طيب يالله بشيلك اوديك غرفتك
رغد : لا يبه .. ويش تشيلني .. وقلبك
ابوها : قلبي مو اهم منك يابنتي
شوق : لا ياعمي انا وشهد بنساعدها ..نوصلها الغرفه لاتخاف
رغد : ايه شوق وشهد
ابو مها : اللي تشوفينه بس العصر بروح اشتري لك عكاز ترتكزين عليه
هنادي : والله كبرتوا السالفه اهم شي انها سالمه .. بروح انام
شوق : والغداء ؟؟!!
هنادي : ما ابي ... وراي صحيه من العصر
سمر : بغير ملابسي واروح المطبخ احط الغداء
شوق : طيب ... ريم ساعديها
ريم : من عيوني ..


:::
:::
:::


بــالـــريــاض

ندى : يبه ابي فلوس
ابوها : قبل اسبوع معطيك 3 الاف وين راحت
ندى : صرفتها .. وبعدين يبه 3 الاف ماتجيب لي ساعه وشنطه وجزمه حلووه
ابوها : الله واكبر 3 الاف راتب موظف ماتجيب اللي قلتيه
ندى : والله يبه انت خبرك الدنيا مثل اول ... ياحبيبي الدنيا تغيرت والاسعار ارتفعت
ابوها : الله المستعان .. كم تبين
ندى : اللي يطلع من خاطرك
ابوها : الفين غيرها لا
ندى : اوكي ماعندي مانع
ابوها : اجل احطها عند امك

:::
:::
:::

دخل مكتبه .. واخذ لوحته وقام يرسم وما بباله شي محدد .. فجاءه بدت ترجع له ذكرياته
ذكريات الطفوله .. ذكريات امه .. وجده .. كل شي بحياته مرتبط فيهم ... كسر الفرشه
ورمى اللوحه .. وصرخ
...: بـــــــــــس كــــفــــآآآآآآآآآآآآآآآآيــــه
حط راسه على مكتبه وهو يحاول ينفض الافكار .. لكن ماقدر .. بداخله بركان يغلي
بداخله اشخاص يصرخون ... يحاولون يخرجون خارج قضبانه ... وقف وطلع غرفته
اخذ له دوش سريع . وطلع لاف الفوطه على خصره .. وشعره اللي واصل للرقبته مبلل مويه ....طالع شكله ... حس المرايه تجامله .. وتكذب عليه .. ترك كل شي ولبس ملابسه وطلع ..

[قلب الزهـــور]

يا خاطفي وين ألقى عزتي في زمان المذلة !


:::
:::
العصر .. ببيت ابو مها

شوق : ويش رايكم حلووو ... كانت لابسه بلوزه احمر كت طويله لنص الفخذ وبنطلون اسود ضيق .. ورافعه شعرها ذيل حصان .. وطالع شكلها جونان
نتكلم عن شوق
<< هي اجمل وحده من اخواتها وبنات عمها .. بشرتها بيضاء صافيه ...عيونه عسليه واسعه .. شعرها بني كستنائي طويل لاخر ظهرها .. وجهها دائري شفايفها توتيه ...جسمها مخصر وممتلى شوي لكن تقاسيمه روعه ...انوثتها ساحره وجاذبيه جاذبيه عربيه قاتله ...طولها حلو بس تميل للقصر اكثر .<<ريم: صراحه جنااااان ... بس ليه الشياكه الحين
سحر: عندك مشوار وماقلتي لنا
شوق تهز راسها : يس يس عمتى ام خلود بيجون صديقاتها يزورونها وقالت تعالي عندي ابيك تساعديني بالتقديم والحركات تعرفونها
ريم: اهــــــــا قولتي لنا ... طيب ومتى ترجعين
شوق : مدري .. بس ويش رايكم احط روج احمر والا وردي
سحر: بتخربين شياكتك بالوردي حطي الاحمر الهادي ..
شوق ترفع الروج: قصدك هذا
سحر: ايه يالله حطي .. خلينا نحكم ... كحلت عيونها بكحل اسود وبالاضافه للمسكارا والبلشر .. واخير الروج
ريم تغمض عيونها : يؤؤؤؤؤؤ .. بسم الله عليك تهبلين
شوق تكسر : تتريق حضرت جنابك .. بالله كيف شكلي مابي افشل عمتي مع صحباتها
سحر : ورب الكعبه يجنن .. بس قبل لاتروحي اقري المعوذات
شوق : بروح اشوف رغد وشهد ... اتجهت لرغد وشهد لانهم هم اللي يحبون الميك اب وعندهم ذوق فريد بهالاشياء بحكم طلعاتهم ...الــخ
شوق : اقول ويش رايكم فيني كذا
شهد : ويش ذا ليش مخربه شكلك
شوق تحطمت : ماهو حلووو ؟؟
رغد بتفحص : لفي على جنب ... اشوف ... طبعا لفت على طول
رغد : لالا حلوو مرره بس جيبي منديل اضغطي على الروج عشان يخف .. والا اقولك افتحي درجي تلاقين روجي الاحمر ..لونه غريبه حطي منه
شوق : طيب كيف كذا مبهذله والا شيك
شهد : شيك ....متى بتروحين لعمتي
شوق : كمان شوي .. بس بالله عليكم انتبهوا للبيت وللبنات .. واذا جاء عمي حطوا له العشاء انا قلت له اني رايحه بيت عمتي
رغد : اوكي روحي وتطمني كلنا كبار ونفهم
شوق : هنادي وينها ماشفتها
شهد : مدري عنها .. دوريها


:::
:::
:::

...: طيب .. خلك معها .. وسايرها الين اسوي اللي في بالي
...: لاتوصيني ... دام انها مزيونه بحطها بعيوني
...: اقول لاتسوي لها شي الين اعطيك الضوء الاخضر
...: ومتى ناويه تعطيني الاشاره
...: كل شي بوقته حلوو لا تستعجل على رزقك تونا ببدايه الطريق
...: على قولتك تونا بالبدايه ..
...: ولاتنسى بهاراتك الحلوه ترانا نحتاجها
...: افا عليك .. انا خدامك ..انتي امريني بس
...: مايامر عليك ظالم .. الحين بقفل توصي شي
...: سلامتك يالغلا .. باااي

:::
:::
:::


لبست عباتها وجهزت شنطتها
شوق : يالله بنات ..مثل ما وصيتكم
سمر: حفظنا اللي قلتيه .. انتي فكينا بس
شوق: هههههههه طيب بفكك مني بس لاتنسين
سمر: والله ماني بناسيه ... بس طسي
شوق : سلام ... اول ماطلعت مع الباب قابلتها هنادي طالعه
شوق باستغراب: وين كنتي
هنادي : عند عبير اسولف عندها
شوق: وليش ماقلتي قلبت عليك البيت كله
هنادي : نسيت اقول لاحد
شوق : ويش ذا الكيس اللي بيدك
هنادي : هـا ه .. هذا لبس جبتهم من عند عبير عجبني قلت بقيسه
شوق : طيب انا رايحه .. مع السلامه

:::
:::
:::

الســــاعه 10 بالليل

رغد : اقول ريم سوي لي نسكافيه راسي يوجعني
ريم: بس تسهرك ..ماتخليك تنامين
رغد : طيب اعطيني مسكن راسي راح ينفجر
سمر: ويش السبب ... اكيد تفكرين
رغد : مالت عليك افكر بويش .. اسكت احسن لك
سحر: والله اني طفشانه كرهت الدراسه ضغط فظيع
رغد : الله يعينك يالله هانت مابقى شي راح الكثير مابقى الا القليل

قاطعه صوت الجرس ... وقامت هنادي فتحت الباب .. ولقت جلالي شايل كيس لونه اسود بوردي
هنادي : خير جلالي ... ويش تبي
جلالي : هنوده هذا في يجي واحد قول اعطي بنات هذا الكيس
هنادي : هاته
اخذت الكيس وفتحته ... وشافت سلسال ريم
هنادي تصارخ : ريم ريم ... شوفي
ريم مفجوعه : ويش فيك يالخبله ؟؟
هنادي ترفع سلسالها : سلسالك .. اللي مكتوب به اسمك
ريم ماهي مصدقه : سلسالي ... من وين جبتيه


انتهــــى البــــــــــــــارت ..

[شمس القوايل]

يعطيج العافيه قلب الزهور ع الطرح والبارتات الحلوه

مجهود مميز عساج ع القوه

ننتظر جديدج القادم

[قلب الزهـــور]

اقتباس المشاركة الأصلية كتبت بواسطة شمس القوايل يعطيج العافيه قلب الزهور ع الطرح والبارتات الحلوه مجهود مميز عساج ع القوه ننتظر جديدج القادم

هلااااااااااا وغلااااااااااا
يسعدلي قلبك ويسلمووو ع الحضور الرآئع بصفحتي
تقبلي شكري تقديري واحترامي
مع تحياتي قلب الزهور
بباي

[قلب الزهـــور]

يا خاطفي وين ألقى عزتي في زمان المذلة !

البـارت الخامـس ..~

[قلب الزهـــور]

يا خاطفي وين ألقى عزتي في زمان المذلة !

البـارت الخامـس ..~

أنا أحاول كل يوم أرسم وأوشم جروحي على ورق
أحاول أترجم إحساسي ومشاعري
إلي ذبلت بس بالنهاية ........!!!
اكتشفت إني أكتب صدى جروحي على رمل


:::
:::
:::




فهد : هاه بشر كل شي جاهز
وليد: جهزنا كل شي ... بس باقي كم شغله
فهد : خلاص الباقي خله علي وبيومين اخلصه
ريان: طيب ما اخترنا المكان بالزبط فين ؟
فهد: صـــح .. ويش رايكم ننزل المدينه نشوف المكان اللي يعجبنا
رامي: ريح نفسك انا قلت لواحد من اقربي يدور لنا محل وهو قال اذا حصل بيكلمني
فهد : شوف معاك ثلاث ايام ما كلمك ... راح ننزل المدينه
وليد: اوكي .. بس ما تكلمنا على الديكورات والاشياء الثانيه
رامي: نلقى المحل بالأول وبعدها يصير خير
فهد: مثل ماقال رامي .. اول شي لازم نشوف المكان وبعدين نحكم ..الا اقول محد شاف خالد
وليد: اي خالد ياعم ؟؟!!... الولد من خطب اتغير وماصار خالد بتاع زمان
فهد : والله هالولد فيه شي ماهو طبيعي .. كذا فجاءه يتغير
رامي: الله الهادي .. وان شاء الله نتغير مثله
فهد : محد ناوي يتزوج منكم بعد
ريان : والله انا قلت لامي خلاص ياشيخ مليت من العزوبيه .. عشتها بطولها وبعرضها
وليد: عني مبيت نيه الزواج ؟؟
ريان : ان شاء الله بس امي جالسه تدور لي عروس مناسبه
فهد: والبنت اللي تحبها ... وينك ماتخطبها
ريان : اتزوجت قبل اسبوعين ..
رامي : اجل هذا السبب اللي خلاك تفكر بالزواج
ريان : هذا واحد من الاسباب .. صراحه ماني مصدق الى الان انها اتزوجت
وليد: كل بنت مالها الا بيت زوجها يعني اكيد بتتزوج
رامي : شكلك متأثر شوي ... مبين اصلا صاير ماتجي الا نادر
ريان : لا متاثر ولا شي بس مهما كان 4 سنين مع بعض والله عشرة تصعب على الكافر
فهد : اقول انت وهو .. لا تصجون روسنا بهالسيره .. قوموا نلف بالدراجات
وليد : امش يالله بدل الجلسه اللي مالها لازم



::
::
::

ريم ماسكها سلسالها : مين جابه ؟؟
سحر : اكيد اللي طحتي عليه ... اعطتها ريم نظره سكتتها
رغد بدت تشك : ويش بينكم ..هاه ومين اللي طحتي عليه
سمر: سحر قصدها اللي طاحت عليها ...صــــح
سحر: ايه البنت اللي بالمدرسه .. دخل السلسال بشعرها
ريم : وقالت لي احاول انزله بالبيت وارسله لك
رغد عصبت : ترقعون انتي وهي ... انا عارفه اني في شي يالله قولي
والا قسم بالله اقول لشوق ومها وهم يتصرفون معكم
هنادي : يابنت الحلال انا اقولك السالفه بس اوعدينا ما تقولين لاحد
رغد: وعد بس تكلمي هيا ابي اعرف
ريم تغير ووجهها : انا بروح الغرفه ....
وركضت للغرفه وانسدحت على سريرها ...وهي تفكر ومليون سؤال وسؤال ببالها
ريم (( مين هذاك .. وكيف عرف بيتنا .. ياربي الحين رغد بتدري وراح تهاوشنا ..
طيب كيف عرفني وعرف بيتنا .. احسن شي اروح اسئل جلالي مافي غيره )) اخذت عبايتها .. ونزلت لغرفة جلالي

بالغرفه اللي البنات جالسين فيها ويتفرجون على التلفزيون
رغد : احلفي انك ماتبالغين
هنادي : وربي ... حتى اسئل سحر
سحر: صادقه .. بس تعرفين فضولنا
رغد عصبت عليهم : فضولكم كان بيوديكم بداهيه
هنادي : لاتسوين ناصحه حبيبتي ... لاجات ريم تفاهمي معاها
رغد : ريــــــــــــــم ... ريــــــــــم ..ز
جات والف علامة استفهام ببالها ... كل شي مـــجـــهول × مـجـهـول
ريم : هــلا رورو
رغد حست ان مالها داعي تهزئه : خلاص خلاص مابي شي
ريم : اجل بروح انام ... تصبحون على خير
الكل : وانتي من اهل الخير ....
اتجهت لغرفتها .. وكان هو عذرها الوحيد .. لانها تبي تنفرد بروحها
ريم : ويش اللي قاعد يصير ... كل شي مثل الاعصار يجي فجاءه ويروح فجاءه
طيب هو ليش ارسل لي السلسال ... يمكن مو هو .. ايه اكيد مو هو .. اكذب على نفسي انا .. الا اكيد هو ...اصعب شي انك تتعامل مع شي مجهول بالنسبه لك ... لكن مصير
الايام تخليه لي ورق مكشوف ..


::
::
::


شوق : تامريني بشي عمتي
ام خلود : سلامتك حبيبتي .. تعبتك معي
شوق : تعبك راحه .. يالله تاخرت على البيت مع السلامه
خلود وامها : مع السلامه
خلود: قولي للبنات بكره راح اجيهم
شوق : ان شاء الله ...

::
::
::

قبل ماتفتح الباب .. سمعت كلام الجمها عن الكلام .. حست الارض تدور فيها
اخر شي توقعته يصير هالشي .. عرفت انها بدت تلمس الخافي .. ترددت تفتح الباب
او تكلم وتسمع الباقي .. لكن غيرت قرارها باخر لحظة
...: مين تكلمين ؟؟ ... قفلت جوالها بسرعه وبان عليها الارتباك وتغير لونها
...: صديقتي ..
...: اها صديتك طيب ليش خفتي
...: ............................

:::
:::
:::


ندى : ليان وينك ... من متى اتصل عليك ماتردين
ليان : طفى شحن الجوال... ويش تبين انتي؟؟
ندى : مابغيت شي بس ابي اسولف معك..... وانتي بالوقت اللي نبيك خراج التغطيه
ليان : ويش فيك معصبه علي ... هدي شوي بلا حركات بزارين
ندى : دانا معك ؟؟
ليان : ايه .. تبين تكلمينها ...
ندى : اووف على تصريفاتك القويه ... اعطيني دانا
دانا : مرحبا خالتووو
ندى : مراحب ... ما تقولون في وحده نمر عليها .. دايم بلحالها طفشانه
دانا : والله هذي ليان .. مرتني ورحنا النادي ..
ندى : اهـــا .. اجل بدخل معكم .. بدل الطفش اللي انا فيه
دانا : بس وقفوا الاشتراك لان النادي وصل للــ off

ندى : طيب طيب .... يالله باي
بـــــســـيـــآآرررره لـــيـــان
دانا : شكل ندو زعلت منا
ليان : بالطقاق تزعل .. ويش علي منها
دانا : ترى معها حق احنا مانسال فيها هي اللي تمشي ورانا
ليان : اقولك خالتك هذي متخلفه ... شغاله نصايح وماتعجبها طريقه مشيتنا ولا كلامنا ولاشي وكل شي تطلع فيه عله ... خليها تولي اصلا هي اخر وحده افكر فيها
دانا : من ناحيه انها ماتحب حركاتنا فهذي معاك حق .. بس مهما كان تنجرح اذا رحنا مكان وهي ماهي معانا
ليان : والله حبيبتي عندها بدل السياره كراج ملينا ... وبدل السواق عشر الله لايهينها تاخذ نفسها وتروح مكان ماتبي .. ماعندي استعداد اخذها معاي اصلا هي فشلتني بالسكوول... وتبيني حتى بالخرجات اخذها اعوذ بالله عشان من جد يطيح برستيجي
دانا : انا بقول لجدتي تخليها تاخذ كورس اتيكيت
ليان : ماراح يجيب نتيجه ... لانها ببساطه قرويه ... حتى ذوقها وووع
دانا : والحل ... انا مقدر اشوفها كذا وما اسوي شي
ليان : سوي اللي اقولك عليه .. واعطيها اكس بالعريض

نتكلم عن ليان وادنا
ليان
(( بنت مغروره .. وشايفه نفسها على الكل ...بسبب جمالها ومنصب ابوها العالي ..وتحتقر اللي اقل منها بشكل فظيع وانانيه بصوره فظيعه .. تهتم بنفسها وماتهتم باي احد غيرها .... واح نتعرف عليها اكثر بالاحداث الجايه ))
دانا
(( مسالمه لابعد حد ... وتسمع كلام ليان بالحرف الواحد .. عاديه جدا وطبعا ابوها وابو ليان اخوان .. وله منصب عالي كمان ))

[قلب الزهـــور]

يا خاطفي وين ألقى عزتي في زمان المذلة !

::
::
::


بعد ماجات من بيت عمتها .. وتطمنت على الكل .. دخلت غرفتها وفتحت لاب توبها
وقلبت بصفحات النت تسلي نفسها .. حست ان في شي بخاطرها نفسها تكتبه
بدون تردد فتحت على الوورد .. واخذت تكتب اللي في بالها
:
:
:


يلومني الليل ويعاتبني الى متى ..!!


|||




متى سترضى ..!!

متى ستمتلك القناعة ...!!!

آما آن الآواان لتؤمن أن كل الطرق مشوهة مبكية

مدمَرة ... بل أصبحت أمور

لا يتجآوزها حتى .. الموت !!!

وماسر هذا الإصرار ..؟؟!

هكذا إذن !

فـ أيُه الليل كفآك مع ـآتبة


أتعتقد بأنها مصيبةً .. كآرثة ً ..


لاوربك ,, فـ انظر ..

::

تحدثت كثيرا وصمتي هو الحكم

أما آن الآوان لكي تتنفس كلماتي

وآما آن الآوان لتتهاواى عباراتي ويزفر بوحي المقتول

هكذا لسانك ولسانهم وهكذا تعتب ويعتبون

وإن لم يعتبوآ فإني أؤمن بأن هذا مالديهم ومايجول بخوآطرهم

فأجعل من شاء التحدث ومن شاء العتب

فليع ــآآتب كثيرا كما يشاء وأكثر ..!!

فهكذا خلقت .. لا أستطيع بل هو المستحيل أن أقتنع بالمستحيل وإن هلكني

آحترم واقعية مآقلت

ولكـــن !

تأمل إن شئت كثيرا وإن شئت فاللمحة تكفيك

هكذا هي عيناي الذابلة

وهكذا هو ضمأي القاسي

وهكذا هي شفآهي المتيبسة

وهكذا هو (بياآض) شع ـري

فهو الإصرار .. فسوف أستمر !

كلمات قلتها في أول المشواآر مهماآ أتع ــبتني الآقدار

فلن أرضى ولن سأسمح أن تتمتع الظروف بالإنهياآر

فلا .. وألف لا ..
فهو شغ ــف لآينتهي ولن ينتهي .. !!

فـ كن وآثق بأنني أعددت

أسلحتي لمستقبلي ..

فإمــا (حيــــاة) تسر الصديق

//

وإما مماتُ يغيض الع ــداآء


::

قفلت الاب توب .. وجلست على سريرها .. تتآمل حكايه رسمها لها القدر .. وواجهت
المستحيل والا مستحيل بنظرها .. تأذت من عيون الناس .. ومن السنتهم الاذعه
عانت وعانت في حياتها الكثير ولكن لاتزال صامده امام الصعاب ..
مأسي وذكريات لا تنسها وربما وجدت لها مكانت لتنغرس بها .. وتهاجمها بين حين واخر
وتسقى من سحابة عيناها ...
شوق : آآآآه يــاقــلبــي ... ويــنــك وويــن الــرآآآحـــه ؟؟!
سمت بالله ونامت ..
لكن بجزء ثاني من البيت
سحر بهدوء تتكلم : ريم .. ريم
ريم تلف على جهتها : هــلا
سحر : اطلعي برا ابي اكلمك
ريم : ولــيــش ؟؟
سحر : امشي بسررعه مابي هنادي وسمر يحسون
ريم : يالله .. بشويش لايصحون ... وطلعوا على اطراف رجلهم
بعد ماطلعوا ... جلسوا بالصاله يسولفون
ريم مصعوقه ودمعتها قريبه : مـــيــن قـالـــك ؟؟
سحر تبكي : عرفت بالصدفه .. تكفين ريم لاحد يدري خصوصا سمر وهنادي انا
ترددت لين قلت لك ... هذي اختي مهما صار وبيصير
ريم نزلت دموعها : واختي بعد ... سحر احس انه حلم والله حلم .. كل اللي قلتيه لي كذب
سحر: كنت زيك .. بس انصدمت صدمة عمري .. ماتتخيلين ويش شعوري حسيت ان الكلام ضاع مني ... اتمنى ان كل هالكلام كذب ..
ريم تضم سحر : خلاص حاولي تنسين وهالموضوع قفلي عليه لاتجبين سيرة نهائيا
سحر تمسح دموعها : اكيد ..اكيد .. بس انتبهي تزلين فيه
ريم : لاتخافين سرك ببير ....
<< ريم بنت ساحره بمعنى الكلمه .. بهدوئها وناعمه نعومه الريش .. ملامحها طفوليه .. كل شي فيها صغير .. شفايفها .. وجسمها وجهها .. كانه طفله بريئه... وحساسه بالمرره
وحالمه جدا .. كل شي تتعامل معه بهدوء وعقل .. وطبعا هي عاقله جدا

[قلب الزهـــور]

يا خاطفي وين ألقى عزتي في زمان المذلة !

:::
:::
:::

جلس بمكتبه اللي دائما يناجي به وحدته ... اخذ فرشته وجالس يرسم ..وتفكيره بمكان ثاني ... او في شي بالمجهول .. بعد ما انتهى من الرسمه تاملها ..واستغرب كيف رسمها كان بحاله الا وعي ... مو هو اللي يرسم الشخص اللي بداخله هو اللي يرسم
رسم لوحه .. فيها بنت تبكي .. ودموعها دم واثار الجروح بخدها المتشوه ... وتحتها ورد
جاف وذابل ... وفازة الورد مكسوره ...


:::
:::
:::


بــــعـــد اســـبـــوع


عبدالله : يوسف ... ترى طفح معي الكيل ويش السوات
يوسف : تبي حل سريع , ومايتعب ابد
عبدالله : ايه .. حل سحري ابي
يوسف : اخطبها وريح راسك ... بلا اوهام بلا خرابيط دامك حبيتها وتعرف بيتها دق الباب
يابن الحلال
عبدالله سكت وماعرف ويش يقول ... ومبين ان بداخله كلام لكن مايبي يقوله
يوسف : ياعبود الله يصلحك البنت ماهي داريه عن هواء دارك وانت ذابح نفسك تفكير فيها لك اسبوعين ماتنام زي الناس
عبدالله : شف انا بروح اكلمها هذا اخر كلام عندي
يوسف : طيب اوكي وانا بروح اساندك اخاف تجيك هجمه مرتده
عبدالله : ياسخفك .. احر ماعندي ابرد ماعندك

::
::
::


بـــالــجامـــعــه ..

كانت تمشي على عكازها ... وشافت شهد جالسه لحالها .. وراحت لها
رغد : هـــاااااااااي
شهد : هااااايات .. اجلسي تراك تعبتي نفسك
رغد : لا تعب ولا شي .. بس مشكله هالعكاز .. عور يدي
شهد : يالله تحملي ... جات كوثر معصبه
كوثر : وربي ان الدكتوره ماعندها سالفه
رغد وشهد : ليش ؟؟
كوثر : تخيلي تو المحاضره بدت وانا ماتاخرت على طول دخلت قال لي ... تقلد الدكتوره ..

اي اده هو انتي الوقت على كيفك امتى مابدك بتحضري وامتى مابدك مابتحضري ...وطردتني ..فشلتني قدام البنات
رغد وشهد : هههههههههـــآآآآآآآآآآآآآآآآآآآآآآآآآآآآي
شهد : عادي عادي .... تصير باحسن العائلات
رغد : الحمدلله مابقت عندنا محاضرات .. ويش رايك نرجع البيت
شهد : طيب يالله .. قسم بالله حررر فظيع
رغد : هيا اجل نرجع ... وراي موعد بالمستشفى
شهد : الساعه كم .؟؟؟!!!
رغد : بعد ساعه ونص على بال ما اروح ارتاح واغير ملابسي
شهد : طيب بروح معك اغير جو
كوثر : تغيرين جو بالمستشفى
شهد : ايه ... اسمه مكان غير عن الجامعه والبيت
رغد : يالله شهد .. كلمت جلالي يقول بالطريق
شهد: مشينا ... سيوووو كوكو
كوثر : ســـيـــو قــيــلــز
طلعوا للبيت ... ولقوا شوق جالسه تنظف
شهد : انتي بس تشتغلين ماتملين من هالقرف
شوق : والله هوايتي واحبها ... لايكون عندك اعتراض يا انسه شهد
شهد : اصلا عمرك ماراح تتطورين بس جالسه بين اربع جدران ولا تعرفين العالم ويش صاير فيهم
شوق : ماحب اطلع غصب يعني اطلع
رغد : والله انك مريحه راسك .. احسن شي تسوينه مافي الطلعات وناسه
شوق : انا شاغله نفسي بنفسي
شهد : لو بالبيت ام .. كان وجودك وعدمه واحد .. سكتت يوم سمعت كلام شهد وماردت عليها لانها عارفتها وعارفه اسلوبها وحبها للتجريح
رغد : احمدي ربك انتي الثانيه في احد يهتم بالبيت وبالطبخ والغسيل والا انتي على يدك نقش الحنا .. شايله يدك من كل المسؤليات
شهد : مخليه المسؤليات لاصحابها ... هم قدها وقدود ... واعطت نظره لشوق .. ودخلت الغرفه .. وطبعا رغد ماعلقت وراحت تغير ملابسها وتستعد
شوق ( بعد كل شي سويته عشانها تقول هالكلام ... الله يصلحك بس ياشهد متى بتحسين
متى تتركين هالاسلوب اللي كله جرح ... ويش سويت لك انا عشان تكرهيني ))
راحت تكمل شغلها وبالها مشغول ويفكر بشهد

:::
:::
:::

عبير : هنوده .. تعالي ابيك بموضوع .. جاتها هنادي
هنادي : خير ويش فييك
عبير : ماقلتي لي على موضوعك ويش صار عليه
هنادي تضحك : تــمـــآآآآآآآم .. والله ياهي وناسه ياعبوووره .. ويش رايك تروحين معي اليوم ...وتجربين
عبير بخوف : امممم خليني افكر والعصر قبل لاتروحين مري علي ..
هنادي : اتمنى تغامرين ولو مره وحده ..
عبير: الا اقول ماتخافين السواق يقول لاهلك
هنادي : هههههههههههه جلالي ... اصلا جلالي هو اللي يحمسني يقول..(( تقلده )).. كويس كويس مررره هنوده ... انت مررره قوي
عبير تضحك : حتى السواق ... الظاهر العيله كلها خاربه
هنادي : واي واي واي ... سحر وريم اكبر جبانات ... سمر كل شي تقوله لشوق
شهد خليا بالموضه .. وفلانه وعلانه ... ورغد مثلها ....بس على اخف واحسن
عبير : اقول توكلت على الله بقول لامي بنروح للمكتبه والا اخترعي لنا شي
هنادي : بسيطه بنروح نسوي عمل لاي ماده عند خطاط ... قولي تسذا
عبير : اوكي ياتسذا ... خلينا نرجع نجلس

:::
:::
:::


رغد : تدرين شهد بقولك شي بس لاتقولين لاحد
شهد : ويش هو ...؟؟
رغد : مو مره طلبنا طلبيه من مطعم .. يوم جات مهاوي اخر مره
شهد : ايـــه اذكـــر .. بس ليش ؟؟
رغد : المهم اللي وصل الطلب واحد سعودي
شهد : طيب ويش الجديد بالموضوع
رغد : الجديد ياطويله العمر ... انه هوعبدالله اللي ساعدني يوم طحت
شهد : طيب ويش دخل ذا بذا
رغد : ماله دخل ... بس انا ... خلاص قولك انسي السالفه
شهد : لالا ماني بناسيه .. كملي
رغد : طيب لاتضحكين .. وقدري مشاعري الجياشه
شهد طلعته بنظره غريبه : لاتقولين حبيتيه ؟؟!!!
رغد تحط يده على فمها وتضحك : خخخخخ ... تعجبيني بذكائك
شهد : الحمدلله والشكر ... جرى لعقلك شي .. الظاهر انه ملحوووس
رغد تتخصر : وليش ملحوووس ... ؟؟
شهد : تحبين لك واحد فقير .. ويوصل طلبات بمطعم ... اشهد بالله انك مانتي بعقلك
رغد : والله مدري عنك انتي وافكارك الغريبه ... انا ماقلت احبه يعني احبه .. بس شخصيته جذابه وشهم ورجال ماعليه كلام ... وكمان ملامحها تجنن .. يعني الغنى مو كل شي
شهد : ياماما لما تحبين ... حبي واحد يناسبك وتناسبيه .. مو واحد مادري من وين طالع لك
رغد : والله ياقلبي انا حبيته لذاته مو لفلوسه
شهد: الله واكبر ... حبيتيه يعني طاح الفاس بالراس ... وين كلامك اول .. وين احلامك ... وفارس احلامك اللي تبينه يجيك على لكززسه الابيض ... كل شي تغير ..
رغد : تفكيري الراسمالي ... تركته عرفت ان الواحد مايدور الا على جوهر الانسان مو على مادته ... ومركزه
شهد انقهرت : احسن انتي اللي خسرانه بالاخير ... خليه يجيك على سيارته حقت توصيل الطلبات .. وياخذك على عشته
رغد : صدق انك غريبه ... نشوف بكره مين المقرود اللي بيتزوجك .. انا بطلع اروح الموعد
شهد : طيب .. طيب بروح معك ..

[قلب الزهـــور]

يا خاطفي وين ألقى عزتي في زمان المذلة !

:::
:::
:::

يوسف : يالله بنمشي اكيد رجعت تعبانه وبتنام
عبدالله: لا تتحرك عندي احساس يقول انها بتطلع
يوسف: ذبحتنا الاحاسيس .. بتسنى خمس دقائق فقط لاغير
عبدالله" ويش الحنه هذي قلت لك اصبر
يوسف: نصبر امرنا لله
عبدالله طلعت عيونها : شوف شوف .. قلت لك بتطلع
يوسف : بس معها اللي دايم نشوفها
عبدالله: يمكن توائمها
يوسف يقزها : وه وه وه شف جسمها كيف ..... يؤؤؤؤؤؤؤ تحطيم
عبدالله : ياعينك ذي اللي يبي لها طز
يوسف : بنسكت ... عشان نلحقهم كالعاده ... لو اني ماجرك واستفدت
عبدالله : تراني خويك ... لاتنسى
يوسف : بلاك ماتدري ويش مصبرني عليك
عبدالله : ويش قل ؟؟
يوسف : اني احبك .. ياخي احبـــــــــــــــــك
عبدالله : لايطق لك عرق بس
يوسف : مشوا خلنا نمشي وراهم ... واخذوا طريقهم

:::
:::
:::

...: بشر ويش اخر الاخبار
...: كل شي مثل ماتامر ياطويل العمر
...: يعني جبت لي كل شي ... طلبته
...: ايه .. وكله كاتبه بالملف هذا
...: مشكور ... الحين شوف شغلك
...: مع السلامه ....
(( الحين كل شي قدامي ... ماناقص الا اكلم الوالد ... واقول له كل شي وهو يتصرف
يعني ما اشيل هم ...ابـــــداً))


:::
:::
:::

شهد : هيه انت ماتشوف طريقك اعمى
الولد : قلنا اسفين والصدمه بدفع لك قيمه تصليحها
رغد : لالا مانبي لا تصليح ولا شي
شهد : بس ثانيه مره لاتسرع كنا بنموت وانت السبب
الولد : المشكله انك قمر ... وحنا مانزعل من قمر ....
فتحت باب السياره ونزلت ... وهي معصبه من وقاحته وقاحة اللي معه
شهد : ياتحترم نفسك وتنقلع يابتشوف اللي مايسرك ... وراح اوقفك عندك حدك
الولد بكل جراءه وثقه مسك يده ومتطمن لانهم بنات ومع سواقهم
الولد : ويش رايك تاخذين الرقم
شهد تدفه : هـــيـــه من تحسب نفسك ... وبعدين معاك انت ياوقح
اللي معاه : وي وي ... ياقلبي على المعصب فديته انا
رغد : خلاص ادخلي خلينا نمشي
الولد: والله ماتمشون الا والرقم معك .... حلفت انا
شهد : اقول اتكلم عربي والا انجليزي انا ... ماتفهم يابن الناس
اللي معاه : طيب هدي اعصابك ... حنا غلطانين والغلط راكبنا من ساسنا الى راسنا
ونبي نصلح غلطنا
رغد : مشطورين بس اتركونا قلنا لكم مانبي شي

فجأءه جاء يوسف ومعه عبدالله
يوسف : خير انت وياه .. ويش تبون
الولد: ومين حضرت جنابك .. ويش لك دخل
عبدالله : مالك خص مين احنا .. وجه كلامه لشهد .. روحي سيارتك .. وتيسري
شهد : ومين انت ... احد طلب فزعتك ؟؟!!
رغد : شهد ... خلاص اركبي
عبدالله كان وده يصفقها كف يعلمها كيف تحترم الناس .. لكنه فضل السكوت
شهد : اوكي ... بركب ... وبخلي هالناس الهمج .. تتصرف مع بعضها
يوسف : ياخت انتي ماتحسين انك طولتيها وهي قصيره ...
شهد : لا تعال اضربني احسن
يوسف : والله يبي لك احد يعلمك كيف تتكلمين
شهد : تراك تجاوزت حدودك ... انتبه
عبدالله: يوسف هد اعصابك .. وانتم خلاص تيسروا
يوسف : ماتشوفها ياعبدالله ماتعرف الاحترام
شهد : انا اعرفه قبل لاتعرفه انت ...
يوسف : اقول امش خلها تحل مشاكلها بنفسها ... الشرهه على اللي بيساعدها
عبدالله يطالع برغد اللي متخذه موقف الحياد .. ونفسه يكلمها لكن شهد رمت عليهم كلام قوي شوي
عبدالله : يالله ..نمشي
تركوهم مع العيال ومشوا ...
الولد : يؤؤؤ شكلك شرانيه
شهد : يالله مابقى الا المبزره يجون يتكلمون .. ركبت السياره وخلت جلالي يمشي
رغد : ويش اللي سويته .. هذا جزاهم انهم بيساعدونا
شهد : محد طلبهم ليش الملقفه
رغد : بس هذاك عبدالله ...
شهد : اللي كلمتيني عنه بالبيت
رغد بزعل : ايـــه هو ...فشلتيني عنده
شهد مستغربه : كيف شافنا ونزل
رغد : مدري
شهد تفكر : لايكون يراقبك ... ساعدك عند الصيدليه .. والحين يفزع لنا ... مستحيل تكون صدف
رغد وليش اساءت الظن ... يمكن صدف
شهد : ما اظن ...
رغد : انتي دايم كذا ... مستعجله بكل شي ...




انتهــــى البــــــــــــــارت ..

[شمس القوايل]

يعطيج العافيه قلب الزهور ع البارت الرائع

مجهود مميز عساج ع القوه

ننتظر جديدج القادم