|| بعـض المسااجـلاات الهجيريـه ( صـووت وو صـددى) .. ||

[ع ـــاشق الحرف]

حتى صمتِي أبى أبى إلا أن يستنطِق أحرفي التي مهما أبدعتُ فيها فهي متواضِعة أمام طول باعِ أقلام حضراتِكم ،،
باقاتُ وردِي وأريجُ عطوري لكم ،،
امتِناني وتقديري واحترامي ،،
دمت بود يا راعي العليا وكل شعرائنا المرموقين ،،

[العـ راعي ـليا]

اقتباس المشاركة الأصلية كتبت بواسطة ع ـــاشق الحرف حتى صمتِي أبى أبى إلا أن يستنطِق أحرفي التي مهما أبدعتُ فيها فهي متواضِعة أمام طول باعِ أقلام حضراتِكم ،، باقاتُ وردِي وأريجُ عطوري لكم ،، امتِناني وتقديري واحترامي ،، دمت بود يا راعي العليا وكل شعرائنا المرموقين ،،

الله يسلّمك

عااشق الحرف ...

وتواااجدك العذب يكفينا لا هنت ..

الف شكر ع المرور العطِر ..

تقبل تحيّتي

دمت بوود

[نديم القصيد]

يعطيك العافية
استاذي العزيز
راعي العليا

والموضوع ممتاز

لي عودة باذن الله

لك مني ارق تحية

[العـ راعي ـليا]

اقتباس المشاركة الأصلية كتبت بواسطة نديم القصيد يعطيك العافية استاذي العزيز راعي العليا والموضوع ممتاز لي عودة باذن الله لك مني ارق تحية

الله يعااافيك اخي العزيز

نديم القصيد ...

ولا هنت يااغالي على هذا التواااجد العذب .

الف شكر من القلب .. تقبل تحيّتي

دمت بحفظ الله

[العـ راعي ـليا]

اقتباس المشاركة الأصلية كتبت بواسطة هجير الشتاء يا أخي كان ودك بالسموحه فداك ..=كل يوم ٍ يعدي والسموحه ورى ... كل خطوه جريحه وكل درب ٍ هلاك..=وكل لقمه رديه وكل ستري عرى. يائس الدرب يمضي في حياته قراك =لو تموت المبادي في مكانه سرى لو بصب المشاعر يالغلا في إناك=تكسره‘ صعب ياصل عينك وينقرى

اقتباس المشاركة الأصلية كتبت بواسطة العـ راعي ـليا اطلب الله بعينه ... ياهجير ايحماك=وحده اللي عيونه ... ما اعتراها كرى اشهد إنك عوين ... لـ من نصاك ونخاك=يوم عفن اللغى ... صد عنه وجرى! انت درعٍ لنا بالضيق ... نزبن حِماك=وانت مثلك لمثلي ... يالسنافي ذرى ما قصدنا وربي غير ... نيلة رِضاك= يشهد اللي يرانا ... ولا احدٍ له يرى

[العـ راعي ـليا]

اقتباس المشاركة الأصلية كتبت بواسطة هجير الشتاء وافي مجمل حال ومجمل خصال =يالطارف اللي حدني الوقت اناديه ! هذي مزاريب الدهر ترفع الشال= من قبل لأرفع ما على راسي اثنيه ما اوسع الذمه ولا احط معدال = وما ابكي هماج العمر من دون لأرثيه غر ٍ على دروب المقادير ( عّتال)= حر ٍ على دروب المناعير تلفيه لو جهجه بشمس الدروايش زلزال= ما تلحق نفوس المناكيف تشريه لكن حظي طفل عاثر ولا زااال =يحبي وغيري قام حظه يواليه قل للزمن : وش حال مبتور الأحوال= لو تمتم بما (فيه) ودمدم به التيه !

اقتباس المشاركة الأصلية كتبت بواسطة العـ راعي ـليا يامرحبا بالقاف ... من طيب الفال=النادر اللي ... حرّكتني قوافيه ماهو من أهل المرجله ... بس بعقال=والحر قالوا ... بيّناتٍ مواريه! اليا نصيته يبذل ... الجاه والمال=أنا اشهد إنه ... ما يغيّر مباديه ياصاحبي عسى الولي ... يرحم الحال=والعبد مايشكي ... على غير واليه دنياك هاذي كل ... ساعه على حال=والمسعد اللي راضين ... عنه باريه عندك خبرها ... يالخوي مضرب أمثال=من أضحكت له يوم ... عشرة تبكّيه والآدمي عمره قصيرٍ ... ولو طال=لابد ما يومٍ ... توقّف خطاويه

[العـ راعي ـليا]

اقتباس المشاركة الأصلية كتبت بواسطة العبيويـ انا البارحه ليلـي سـرى مانـي بمرتـاح=اردّ الدموع اللي رست فـي طـرف عينـي وأرددّ مع نفسي ..واقول: الجمـل لاطـاح=وكـاد انهـا تكثـر علـيـه السكاكيـنـي ألا يامـهاجره والعلـم ..قفـلاَ بـلا مفـتـااح=ولأدري المعانـي ويـن تبغـى توديـنـي شعبت الهجوس اللي ترك راعـي الملـواح=وشمخ بالسماا واقفـى يخفـق الجناحينـي سبب من ظلمني يامهاجره ..والقلـوب صحـاح=ظلمنـي ولاعـنـده ..شهود..وبراهيـنـي وانا اليا متى اجامل ؟..واحابي ؟.. وانا لمّاح=واقول : اصبر..وربك عليهـم يبـي يعينـي تعبنا ..نـدوس الشـوك.. ونقـدم التفـااح=نحسب العرب ..تحسب ..فعـول الكريمنـي ألا ياهل رماح افزعولـي ..وانـا برمـاح=ترى مابقى ألا أكلـم الشيـخ ابـو ثنينـي وانا اخوك جيت انشدك ..والهم لـو ينـزاح=ذرفـت الدموع..وقمـت افـرّك بيديـنـي (اذا قام غنا ...حبيّـب وصاحبـه القرقـااح=وقفتي مـع ..العتبـان.. والا القحاطينـي )

اقتباس المشاركة الأصلية كتبت بواسطة *+* مـهــآآآآجــرة *+* هلا مرحبآ يا بارق(ن) في سمانا لاح= تخيله عيون الليل والصبح حاديني وعذب التحايا فوق صدر الورق ترتاح= لقاف(ن) تسطّر فوق حدب الضلاعيني لفتني حروفك صوتها دايمآ صداح=مزون تراعد فيضها الجم غاشيني علي تشتكي جرح الهوى والهوى فضاح =وأنا كيف أداوي علة بالشراييني نزف جرح قلبي قبلها وطعنته رماح= وفي لوحة النسيان سطرت بيتيني عسى الهم عن قلبي بساعة أمل ينزاح= وعسى الله يجبر خاطر الصمت ويعيني قصيدة ألم أشوفها لعالمي تجتاح = وتحرك سكون الليل والجرح يكويني بسند عليك هموم هجر وجفاء وجراح=وبقول لا تشكي علي ثم تبكيني تفضل تقهوى من بنات الفكر لا فاح= وكيف(ن) يعدل مايلات الموازيني أنا يا العبيوي جيت للمنتدى سواح=وفي نيتي أقطف ثمار البساتيني أسلي خفوقي بالشعر وأكتبه لا باح= ولي حكمة في الرد يا من تحاكيني أحب الصراحة والمعاني تجي بإيضاح=وأعشق الجزالة من بداية عناويني ولكن جسور البوح جد(ن) مهي بمزاح=تولعت في ركب الربوع المقفيني تعلقت في ثوب الأمل وأرتديت وشاح = وترانيم حرفي يا العبيوي تواسيني توكل على الله وأعقد العزم يا وضاح=وبالصبر تلقى كل شيء لك يزيني وبالله أملنا فالق(ن) فجة الأصباح=يغيث القلوب الممحلة مدة سنيني ومع سالفة ظلم العبيوي وأبن قرقاح= أنا مع خيوط الوصل والفجر بيبيني

[العـ راعي ـليا]

اقتباس المشاركة الأصلية كتبت بواسطة أنتظر ضمّة غلآك الحزن معه الهم مع دمعة العين=مع السهر يابوي مع ضيقة البال عنوان وقتي يا يُبه في الدواوين=ضيم وشقا والله واهوال واهوال باسباب من كانوا على القلب غالين=اللي غلاهم داخل القلب لازال فيه الحنان اللي من العام للحين=موجود في قلبه رغم كل الأحوال لبيه يا اغلا الناس لبيه يازين=لبيه ياللي طيبتك مالها أمثال ياللي غلاك يفوق بكره وبعدين=ترى العهد يبغى مواثيق واقوال ولَوّ انَها بالمال/ نملك عزيزين=والله لأفتح لك بنوكٍ بها أَموال وختامها يافلان من قبل عامين=عشقت به زولك وعذبت انا الحال

اقتباس المشاركة الأصلية كتبت بواسطة العـ راعي ـليا الله ما أقسى شوف بعض العناوين=يلقى على بعض الصناديق مد خال! لآجل يفك أزمام صمت الشفا تين=ومن ثم ينطق صامت الحال بالحال يحكي عن اللي بالحنايا مخفّين=وعن واقع(ن) في داخل الحي يجتال يا صاحبي حكم القدر فيه راضين=ودنياك هاذي بين راحل ونزّال لا مال حظك في .. اكفوف الموازين=من هو يعدّل ميلة الحظ لا مال! كم واحد(ن) مثلك طوى حاله البين=تلاطم أهمومه من الجال للجال اصبر .. ترّج ؛ اللي خلقنا من الطين=علاّم سر الكون من دق وجلال علّه .. يبدل عسر الأيام باللين=الواحد اللي خلّف أجيال لأجيال

[العـ راعي ـليا]

اقتباس المشاركة الأصلية كتبت بواسطة العـ راعي ـليا يكرم جنابك .. والأدب من عواملك=الطيب مبدأ ... وأنت تسمو مباديك من يعرفك ما ظنتي يـوم يهملـك=ياللي على الطولات تمشي خطاويك يكفيك شاهد : ما تخطـّه آناملـك=أكبر دليل وشاهد(ن) لـك يباريـك إن الوفاء والطيب من طيب مخملك=الطيب وهبه .. وانت معطيك واليك يكوي خفوق اعداك شوفة زواملك=ياويل من هو في حياته يعاديـك يبعد بعيـد ... ولا يقـرّب لهاملـك=يالحر اللي ما يوم خابت هقاويك يكسر خفوقي كل جانب : لصاملـك=ما هو امجامل : يطربنّـه معانيـك شملت بحر الشعر : والشعر شاملك=عن المـلا رب المخاليـق مغنيـك يكشف سناء نورك ضلام(ن) يعاملك=يا كثر من يمشي بنورك حواليـك انا اشهد ان الفكر بالشعر داملـك=ما آقول غير الله يزيدك ويعطيـك

اقتباس المشاركة الأصلية كتبت بواسطة مصادر يكتب على ألصفحات قلبي : ماجاملك =أنت ألذي حـسـن ألتعـــــامل : معاليك ,, ياقـــل من بالناس : طبـــعـــه يمـــاثلك =حراً ,, على ألجـــزلات : تتعب مماشيك , يكسف قمر : من نور شمسك ,ماظللك=نورك : أفــــــراسة فكر , تشهد قـوافيك ,, نادر حرار : مخـلبك .. جـز : مـــاجــزلك =من مــاكر مشهور ,, أبـوك : جــانــيـك ,, يكر ويتعب من هقى يطول طولك=لطايله طــايل ومرسي مبـــانيك ,, ألمـــرجله من ورث عمـــك وخالك =وطيب ألعقل من فضل ربك يقديك ,, اللي حــداه ألوقت : يزبن منــازلك =وألا ألعدو سقمه أسهوم من أيديك ,, يكبد أعداك أسمك قبل ماتَوَصلك =ومن بان عــــاد ولا يعـاود يناحيك ,, يكفل رضاء: من يسمعك , من تقولك=ماتقول : قول ,, فــيه ظن وتشــكيك , سبحان : رب مـلــهــمـك ,, ما يخولك =أن تكون : لــمــنـطـق ألعقل ,, مليك ,, يكحل أعـيون أللي يعزك : تكاملك =دايم على العليا : شموخك وطاريك ,, والقـــاف صعــــبه لامرته : سمالك =له الشــرف أنه : يجـاري تسـاميك ,, ألخـــير دربه : دايـــم في منــالك =يافخر من في جزل نظـمـك يجاريك ,, يكبت صدور اعـــداك سطوة نفالك =وتفخربك ألأصــحاب وايضاء تهنيك ,, يكــيـل عـقــلك مــن خـــزائن إجْـــلالك =ويزجي معاني الشعر باللي يساويك ,, درك ذهـــب صــــافي وعـــــذب زلالـك =مــن مــعـــدن زاكي عسى ألله يقويك ,,

اقتباس المشاركة الأصلية كتبت بواسطة العـ راعي ـليا يكْتف كل الحوم .. لا جاء مجالـك=يترك مجالك .. عاجز(ن) ما يجاريك ما غير به وحدك ل/ حالـك وفالـك=جزيل نظمك : من بمثلـه يوازيـك يكْمِل طريقه ... من تجرأ وعنالك=أنا اشهد انه لا حشى ما يواليك اتصيبه الربكه من : أسمك وآلك=وياصلك علم اعضاه تحتاج تدليك يكرب حباله من تشدّه حبالـك=يالله عسى بالخير ربي يمسّيك مال الردى في كل دربك مسالك=ما غير للطولات رجلك تمشّيك يكتال ميزانك من أغلى حلالك=ومحد(ن) على فعلك من أهلك يشانيك يسراك ما مدّت : حشى من هزالك=دايم تنافس في عطاها يمانيك

[ساني ظلام الليل]

الله الله




كل هذا ولاندري



ماشاء الله شعراء كباااااااااااار




يحق لك ان تفخر بكل هذه الدرر الشعرية



ولانسى هجير الشتاء الشاعر الكبير



الله يبيض وجهك على ماقدمت ونتمنى لك ولهجير دوام الصحة والعافية