قريبي في كارثه

[مرجان]

أخوتي الاعزاء في منتدى الود الله يجعل كل أيامنا ود قولوا أمين بعرض عليكم مشكله مع واحد قريب لي وهو يبحث عن الحل معي بس إني قلت مالي إلا أخواني وأخواتي في الود هم إن شاء الله الحل .. قريبي قصته تبدأ قبل حوالي السنه وهو إن أبوه تاجر كبير يعني كاش على قولتهم مرفه على الولد اخر ترفيه بس ماهي هذي المشكله بدأت قبل حوالي عام في الرياض عند كليات البنات اللي في عليشه المهم هو في أول سنه في الجامعه يقولي مره قلت بمر أختي بدل السواق اليوم وراح على الظهريه يقول وقفت السياره وجلست استنى فيها المهم فيه بنتين على جنب ما كليني بعيونهم هو ولد محترم ماهو راعي حركات يقولي الشيطان يلعب بي واكتب الرقم وأطلع من السياره عاد هو سيارته كشخه من جد ومدري إلا وأنا قاط الرقم عليهم ومشيت المهم أخذت أختي ورحت ومضى على الموقف هذا حوالي اسبوعين حتى إني نسيته ويوم الساعه 12 ليلا إلا وهالرقم الغريب يدق علي رديت تفاجأة بنت تتصل علي ماهي معقوله وكلمه منها وكلمه مني إلى أن عرفت إنها التي عطيتها الرقم في ذلك اليوم المهم إن أخينا في الله مسوي حبيب ورمنسي على الاخر لأنه اول مره يعرف بنت وهي تلعب عليه وتسحب فيه أخونه يقولو تغير علينا مره يدخل غرفته الساعه 10 ولا يطلع إلا الفجر وهوصاحي داخلها ومطلع ثلاثه جوالات يعني غارق على قولتهم المهم إن الرجال ماشي معاها علاقه وبعد فتره سحبت عليه وطنشته هو تغيرمن جد وصار يتنرفز على أتفه سبب ضليت وراه أسأله عن سبب تغيره وهو ما يقولي أبدا وفي ذات يوم ألحيت عليه ونحن في السياره علمني بكل ما صار بينهم وقال افتح الدرج اللي امامك وطلع الاوراق المهم طلعت الاوراق وش تتوقعون والله أنجنيت ما صدقت عيني أثاري أختنا في الله كانت تستغله والاوراق هذي أوراق حوالات جمعتها وصلت 65000 وزياده وهذي الغير الهدايا والساعات والمجوهرات حتى إلى درجة إنه يقولي كنت أستأجر لهاكل يوم خميس سياره فخمه مع سواقها وتتمشى هي ورفيقاتها بعدها قالي هذا كله ما همني المهم ليش تطنشني وش مسوي والحين والله تعبان هو من جد ما يدري وش يسوي يقول أبي أعرف ليش تنهي العلاقه وأحس فيه إنه يبي ينتقم منها بس ما يدري وش يسوي ...... أنا قلت له ما في حل إلا إنك تنساها وتعيش حياتي وصراحه بعد ما هزأته يستاهل وأعتبر هذا درس له بس أبي مشورتكم كيف يعرف سبب مقاطعتها له مع أنه يحبها بجنون وهو يقول أنها تحبه بس مدري عنها وكيف يحسسها بذنب فعلتها هذي القصه حقيقه واتمنى الردود الطيبه التي نجد فيها الحل...... أسف على سوء الصياغه أعذروني .......................... أخوكم مرجان

[mmx]

مرجان
السلام عليكم ورحمة الله وبركاته

اكتب لنا الحل الي انت تفكر فيه ونتناقش به واتمنا من الله ان نجد افضل الحلول لهذه المشكله
انا بانتظار الحل الي عندك
اخوك
mmx

[مرجان]

الحل اللي أنا عرضته عليه هو إن هذا اللي حصل له درس من العلاقات المغلوطه ويتكل على الله وينساها بس ما هو مقتنع إلى درجة إنه يبي يزورهم في البيت ماهو صاحي يفكر الدنيا سايبه وبيني وبينك هو أصغر منها بحوالي 5 سنوات يعني قدرت تلعب عليه ..................... أخوك مرجان

[mmx]

مرجان
السلام عليكم ورحمة الله وبركاته

استعن برجال الدين في تقديم النصح اليه وان يحدثوه عن مساوء ما فعل
والى اي مدى وصل هو وايضا اجعل اصدقائكم يتحدثون اليه وان يحاولوا ان
يخرجوه من حالته النفسيه تلك
اكيد انك قرائة المواضيع الموجوده بهذا المنتدى ومدى سوء هذه العلاقه عليه
بعد ان يتزوج وعليها ايضا فقبل الزواج شيء وبعده شيء وان امكنك دعه
يسجل في منتديات الود لكي يستفيد مما هو موجود بها وعليك ان تجعله يشغل
نفسه في اشياء مفيده وخيريه تنسيه ما اصابه فالفراغ الذي يعيش به الان
هو السبب الرايسي في ما هو فيه

لم تخبرنا كم عمره الان ؟
وما هي درجة تحصيله العلمي ؟
وما هي الوظيفه التي يعمل بها ؟
وكيف يقضي معظم وقته او اوقات الفراغ عنده ؟
كم من الزمن وانت صديق له وكم عدد اصدقائه وهل هم من نفس المنزله الاجتماعيه بالنسبه له ؟
هل هو متدين ؟
هل لديه كثير من الاخوه وكم عددهم؟
هل هو اكبر اخوانه ؟

ارجو ان تجيب على كل الاسئله

اخوك
mmx

[مرجان]

ألف شكر لك يا أختي وكلامك عين العقل بس ماهو مقتنع عمره 21 سنه أول سنه جامعيه وقت فراغه روحات وجيات وبيني وبينك مثل ما قلت لك الوالد غني جدا يعني يصرف الولد بشراهه يعني ما يفكر في المستقبل أبدا كل من نصحته قال انا ماني في حاجة شيء وأتوقع أبوه هو السبب لأنه يصرف لهم مخصصات شهريه لكل واحد من عياله وهم جالسين في البيت كل واحد بما يعادل 6000 ريال .... أما من ناحية صدقتنا فهو ولد خالي يعني ما نفترق أبدا .. أصدقائه ممكن ما يتعدون 15 نفر من مختلف الطبقات... من ناحية التدين الحمد لله محافظ عليه وقسم بالله أكثر مني ....أما من ناحية العايله فهم 19 نفر الاخوه 15 وثلاث زوجات وابوهم عدد الابناء الرجال 9 وعدد البنات6 وهو أكبر الابناء الذكور.......................... مرجان

[عاشق سهيل]

الله يعينه ولكن انا من رايي
ان يعتبر هذا الفعل الذي قامت به هذه البنت درس وعبرة له ولي امثاله ويفارقها ولايحاول ان يتقرب لها حتى لا توقعه في مصيبه اكبر لان البنت لو اقامت عليه دعوى كاذبه لصدقت وغير الدعوى بل اغلبهن يستخدمن السحر ولعياذ بالله

فاحسن له ان يبتعد عنها ويتزوج ويريح باله .

هذا الحل اللي عندي ولباقي على الله ثم على اخواننا اصحاب الخبرات

ولكم تحياتي اخوكم عاشق سهيل

الله اكبر اصبحت العكس البنات تضحك على الرجال

[مرجان]

ألف شكر لك يا عاشق سهيل ويعطيك العافيه ... بس كيف أنسيه .............. مرجان

[ومضة]

أخي الكريم المرجان ...

الصراحة صعب جدا انك تجد شخص عنده الكثير من المال ولا يفكرفي مستقبله..مع هذا متدين ومحافظ ولا يفكر في البنات واللعب..؟؟؟

المهم ..مثل ما قال الاخوان:: انه يعتبر كدرس له حتى لا يحال مرة اخرى أن يرتبط بفتاة من الشارع..

ثانيا: اخي انت مهتم في امره فهنا عليك انت ان تحاول ان تنسيه الموضوع..

كيف؟؟؟ان تذكره دائما بانه يجب ان يبني مستقبله ولن تدوم له ممتلكات والده..وانه بعد عدة سنوات سيتزوج ..فعليه منذ الآن ان يبحث عن فتاة تناسبه ..ليس هو بل يطلب من الوالدة ان تبحث له..وليس هناك فتاه ذات خلق ودين ترضى ان تعيش مع شخص يعيش على مال والده..

وايضا يتذكر الآخرة فلا يبذر النعمة التي انعمها الله عليه في اشياء لا تفيده..

وعن لماذا تركته الفتاه ؟؟فهذا السؤال واضح انها كانت تلعب وتحاول أخذ ما لديه بس بطريقة غير مباشرة..

اتمنى اني حاولت ان اعطيك الحل ولو كان بسيييط..

تحياتي

[عاشق سهيل]

اخي العزيز مرجااااااااااااان ....................... ألأمر سهل جداً

محاولة ان تنسيه هذه الفتاه او غيرها
ثق ثقه تامه اذا انت معه مستمر وفعلاً انه صديق لك ودائماً انت معه ومهتم بأمرة فهو رايح ينسى ولايفكر بهذه البنت او غيرها ,,,,,,,,.

اولاً اذا جاب سيرة هذه البنت وتكلم بها . لاتجاوب معه ابداً قل يابو فلان اذا انا عزيز عليك رجاءً فكني من سيرة هذه البنت وطريها قفل الموضوع بوجهه عند مايتكم بهذه الامور .

ثانياً اعطه نصائح ولا تكون مستمرة يومياً لا لا انتبه من التكرار لأنه رايح يملك ويطفش منك ويتعقد ولكن اعطه سوالف وقصص وذكرة بهادم اللذات مفرق الجماعات

ثالثاً حثه على الزواج قل انت رجال رازقك الله لماذا لا تزوج ماهو المانع لك فحثه على الزواج بستمرار

رابعاً الله يوفقنا وياكم التوفيق المبارك ويهدينا وياكم ويسكننا فسيح جناته .

والمثل يقول اسئل مجرب ولا تسئل طبيب ................... ولكم تحياتي

[مرجان]

ألف شكر لكم أخواني على الردود الحلوه وبعدين هو عنيد إلى درجه ما تتصورونها والله الواضيع كلها هذي قايلها له بس هو الله يهديه ماهو راضي مره واخر ما قالي يقول لي بروح لهم البيت من جد عليه حركات وأقسم بالله بس أصبره واحتمال كبير إني بعلم أبوه بس أبوه ماهو فاضي من بلد لثاني لدرجة إنه يا تكلمني وإلا بدبرلها مصيبه قلبه معذب فيها لدرجه كبيره جدا بس قلت البنت باعتك وأكلتك بالمعنى الاصح يعني خذت طلبها منك وراحت وأكيد عندها غيرك .... ألف شكر لكم أخوكم مرجان