ياصاحبي وش تنفعك ذا الزقـاره
لاقيل وش سويت في كل مسعـاك
اليـوم صـم لله وأكتـب قـراره
وأشتر بداله ياابن الأجواد مسواك
أن فات شهر الصوم والله خساره
تجني خسايرها و حظك وماجـاك
كان أنت ترجي رحمـة الله وداره
طشّه عطاها القوم وايطه بماطاك
كم واحدن زيّـن منامـه بـداره
والموت واقف له على الباب منّاك
الموت مادونـه نذيـرن وأشـاره
يجيك فجأه ينزعـه مـن ثنايـاك
وتصير في دربن بعيـدن ديـاره
ماتشوف غير أعمالك هناك وهناك
يا منّهـا زادت عليـك الحـراره
تقول ليت الموت ما عقبـه أدراك
ما ينفعك لو كنت أميـر الأمـاره
غير اللذي قدّمته بطول ممشـاك
والله لو تبكـي عيونـك مـراره
ما يجيك غير اللي كتبته بيمنـاك
أمـا نعيمـن طيّـب اللله ثمـاره
وسعادتن ماشفتها طـول دنيـاك
والا جحيمن تاكـل القلـب نـاره
وتعاستن تخلد بها بين الأشـواك
وأذا جزمت أرجوك ترها بشـاره
أ فرح بها لو كنت في وسط الأتراك
ياصاحبي وش تنفعك ذا الزقـاره
لاقيل وش سويت في كل مسعـاك
كان أنت ترجي رحمـة الله وداره
طشّه عطاها القوم وايطه بماطاك
العرض العادي
