انتبه انت تطلع برى صلب الموضوع وتعلمني طق فيني عرق ولا ما طق ، ما يخصك ، لو سمحت يعني ...
ازعجتونا باللجان هذي ، هلاليه هلاليه ، وياشين الناس الفاضيه اللي ما وراهم بطولات ، ما يقدرون إلا على حثاثة المواضيع ونازلها ..
انت يا تكذب على نفسك أو انك تفكر اننا دلوخ ولا نعرف شيء ، او انك ما تعرف من الكوره الا اسمها .. !
كيف تقولي كل اللجان هلاليه ، تتكلم من راسك انت ، تجيب كلام منتدى العالمي كلوب مدري شسمه عندنا هنا ..
ترى شغل النسخ واللصق ما احبه انا ، انا الحين جايب لك اللجان بأساميهم ولا فيهم الا ثلاث هلاليين فقط لا غير ..
عادل البطي ونواف التمياط وفهد المصيبيح اللي الجمهور الهلالي ينتقده انتقاد حاد والباقين من جميع الاندية وفيه من ضمنهم من لا يعرف ميولهم بتاتاً
التشكيل الجديد للجان الاتحاد السعودي لكرة القدم :
اللجنة التنفيذية: وتضم الأمير نواف بن فيصل ، د. صالح بن ناصر ، عبدالله العذل، محمد النويصر، د.حافظ المدلج، فهد المصيبيح ، عادل البطي، د. ماجد قاروب، أحمد ذياب.
اللجنة المالية: عبدالله بن محمد العذل ، د. فهد الباني، د. عبدالهادي السالم، د. زايد الحصان، د. سليمان السكران، علي الهويدي، ناصر الشمري.
لجنة المراجعة المالية: سليمان الدميخي "رئيس اللجنة" ، عبدالله التويم، عبدالرحمن العسكر، عبدالرحمن الفايز، محمد الجندل، وليد السقا، حامد الجارالله.
لجنة المسابقات: فهد المصيبيح ، طارق كيال، بندر السعد، بندر الأحمدي، داود الموسى، أحمد العقيل، عصام السحيباني، سعود العواد.
اللجنة الفنية: عادل البطي ، حمد الشمري، عبدالعزيز الخالد، عبدالرحمن المقرن، خالد البدر، محمد الخراشي، خالد الشنيف.
لجنة الحكام الرئيسية: عمر المهنا ، إبراهيم العمر، علي الطريفي، عبدالعزيز العيدان، مهنا الشبيكي، محمد المقيطيب، محمد البشري، محمد السويل.
اللجنة القانونية: ماجد قاروب ، علي بن علي، محي الدين ناظر، محمد الثبيت، المستشار القانوني للجنة الإستئناف، المستشارالقانوني للجنة الاحتراف، المستشارالقانوني للجنة الانضباط.
لجنة الطب الرياضي: رشيد التونسي،. سالم الزهراني، د. خالد نعمان، خريف الخريف، مبارك المطوع، قاسم المعيدي، ماجد السليمان.
لجنة الاحتراف وأوضاع اللاعبين: صالح بن ناصر، أحمد الحربي، فيصل الدهيم، علي بادغيش، محمد السراح، أحمد الخميس، طلال الدامري.
لجنة الأخلاق واللعب النظيف: خالد المرزوقي، علي العلي، نواف التمياط ، محيسن الجمعان، محفوظ العويضي، زكي الصالح.
لجنة الإعلام والإحصاء: أحمد دياب، صالح الحمادي، أحمد المصيبيح، عبدالله العجلان، سلطان رديف، مشاري القميشي، سلمان العنقري، مهند الحواس، علي الزهراني.
لجنة ألعاب كرة القدم: عصام الخميس، عبدالعزيز الصقهان، طارق العيسى، جاسم الدوسري، عدنان خوجة، أحمد البسام، خالد النذير.
لجنة الدراسات الاستراتيجية: عبدالرزاق أبو داوود، إبراهيم الربدي، خالد المزيني، إبراهيم القرناس، أحمد فاضل، طارق التويجري، عبدالعزيز العفالق.
المجلس الاستشاري للتسويق والبث والتلفزيوني: حافظ المدلج، عبدالله الدخيل، عبدالعزيز الرويشد، محمد الجويعد، رأفت التركي، بدر الشمري، عبدالرحمن اليمني.
لجنة المسؤولية الاجتماعية: عبدالعزيز المقوشي، مصلح آل مسلم، فهد العليان، عبدالمحسن العتيبي، عبدالله السعيد، يحيى الزهراني، بندر الحسن.
لجنة الانضباط: صلاح القثامي، فيصل الخريجي، عبدالله القحطاني، فهد القحيز، فهد العمري.
لجنة الاستئناف: اللواء شعبان بانه، ماجد قاروب، نزيه موسى، بندر الدوسري، علي الأحمري.
يعني كل هالاوادم ما عندهم ضمير ولا يخافون الله ، كلهم هلاليين ما شاء الله تبارك الله!
شفت هالاوادم كلهم ترى يوم القيامه يطلبون من الله حقهم ، لأنك قذفتهم وهم ما يدرون ودخلت في نواياهم ، تدري ولا لا يا حلو ؟!
يعني شيء ما يدخل العقل ، وما يدل الا على ضعف الحيله وضعف النفس ، وسبحان الله ، من سنين ما حققتوا بطولات عشآن هالقذف في هالناس الابرياء
صفوا النيه واتركوا الهلال وصدقوني راح يتحسن وضعكم ، ترى الله يكره الظلم وانسوا انكم تحققون بطولات وانتم نيتكم كذا ..
وبعدين الأمير عبدالرحمن بن سعود رحمة الله واسكنه فسيح جناته كان رئيس اللجنة الفنية بالاتحاد السعودي لكرة القدم
وكان عضو اللجنة العليا للاحتراف في الإتحاد السعودي لكرة القدم عضو الاتحاد السعودي لكرة القدم وهو في نفس الوقت رئيس نادي النصر !
وانا هنا ما اشكك في نزاهة هذا الرجل ، لكن انتم تجبرون الواحد يذكر هالاشياء عشان يدخل في ادمغتكم ان الهلال والنصر واحد
ولو جلسنا نبحث في مثل هالمواضيع صدقني راح تكون عليكم ، بس فيه ناس تركز على تحقيق البطولات فقط وتترك هالامور السخيفه
وردي هذا بعلقه بزاوية القسم ، وأي واحد يبدأ يبربر ، هلاليه هلاليه ، اللجان هلاليه ، بقتبس هالرد واصمغه بين عيونه
عسي ماشر؟؟
وين المشرفين مايحرر كلمة اصمغه بين عيونه لا هي عنصريه هنا الله لايبلانا المهم هذا ردي عليك وعلى كل واحد يحلم با العالميه
الاعلام الرسمي اللي انقلب للتطبيل والنفخ في الهلال وزفوه لليابان ونادي القرن ومن هالسوالف .. هو اللي تسبب على الهلال .. وهو اللي نفخ الهلال .. وهو اللي عيش الهلال انه الان بيروح يقابل انتر ميلان في بطوله العالم للانديه .. وان ياسر بيحمل كاس اسيا وبياخذ الهداف .. وان الحلم بيتحقق .. الخ
اغلبكم كان مقهور يمكن من هالتحيز الفاضح .. لكن لو كنتو تدرون ان هذي نتايجه كان كلكم شجعتوهم ..
الهلال ماكان محتاج تطبيل .. كان محتاج ( كف )
كان محتاج شخص صادق يقول تراك سجلت ٦ اهداف في اخر ثلاث مباريات ولا واحد منهم فيه جمله تكتيكيه !
تراك مهزوم اخر مباراتين !
تراك الان تلعب وانت خسران واحد صفر واي هدف بينهي امالك !
ترا مستواك اما الاتفاق سئ !
تراك تلعب ياسر وهو مصاب ونيفيز وهو ماهو جاهز لياقيا !
ترا ماعندك طبيب ..
ترا مدربك ماهو متفرغ لك ..
ترا مدرب اللياقه راح .. ماعندك مدرب لياقه ..!
كل هذي يعرفونها الهلاليين العقلاء داخل انفسهم وداخل عقلهم الباطن .. ورئيسهم قبلهم .. لكن كلهم كانو يخفونها .. ويقولون .. كلها مباراتين وتزين الامور !
رئيسهم في اكثر من مره يطلع ويصرح ويكذب وهو داري انه يكذب وجمهور يدري انه يكذب ..لكن كانو يقولون كلها مباراتين وتزين الامور .. مهب وقت فتح الملفات !
كنت اقول لاحد الاصدقاء .. ان المشجعين الهلاليين ماهم اغبياء كلهم .. كثير منهم يستغبي .. هو عارف وفاهم بس لمصلحه فريقه يستغبي ..
وقلت المشجع الهلالي العاقل عنده ملف اسود .. مخبيه تحته .. مخبيه على امل الفريق يحقق الانجاز فيروح يحرقه ...
او انه تحدث المصيبه .. ووقتها راح يطلع هالملف الاسود في وجه ادارته الي كذبت عليه وشحنت الفريق والجمهور وتسببت ع الفريق بكل اللي صار ..!
وايضا فيه كذبه الصرف المالي المبالغ فيه ... اجل دفع ٢٠٠ مليون ؟ خخخخخ
اجل موبايلي ماسكه المقصف في النادي
المهم .. فعلا خرج الهلال وظهر الملف الاسود وتشوفون الان جمهور الهلال في مواجهة ادارته .. والاداره اختارت الهروب في نص الموسم !
الاداره الهلاليه نالها نصيبها من التضخيم الاعلامي .. لدرجه ان الجمهور النصراوي صدق النفخه هذي .. ونسى اصل القصه كلها ..
عبدالرحمن بن مساعد اتى لفريق جاااهز .. وحقق ٧ بطولات في اخر ثلاث مواسم ..
اتى عبدالرحمن بن مساعد ووجد مدرب جاهز ( كوزمين ) .. اجنبي جاهز ( التايب ) .. استقرار فني وشرفي واعلام مهيئ لك كل الاجواء .. وفوق هذا .. اخوه هدد موبايلي وخلاهم يرفعون العقد لسبعين مليون .. وتوصل لـ ٩٠ مليون في حال تحقيق البطولات ..
كل اللي سواه عبدالرحمن بن مساعد .. جاب ويلهامسون .. ورادوي .. وحط فلوس موبايلي وفلوسه وركزها عليهم وجابهم باسعار غاليه لان ماوراه غيرهم !
في المقابل مااجرى ولا صفقه محليه .. ( اسامه هوساوي تم حسم صفقته في عهد محمد بن فيصل ولكن النظام لم يسمح له باللعب الا بدايه موسم بن مساعد لانه كان علي قائمه الانتقال )
في النصف الثاني من الموسم اقترح بن مساعد اضافه اللاعب الاسيوي وتم قبول الاقتراح ( كالعاده ) .. وجلب سول الكوري وفشل فشل ذريع ..
بمعنى .. كل اللي سواه بن مساعد ثلاث صفقات .. نجح منها اثنين .. وفشل واحد ..
النتيجه كاس ولي العهد ..
في الاسيويه .. صار طرد كوزمين .. والاداره فشلت في التعامل لا نفسيا ولافنيا وخرجو من فريق ضعيف جدا مثل ام صلال ..
الموسم الثاني .. تم استبدال التايب بنيفيز .. واستبدال سول بالكوري لي ..
نيفيز كان جيد لكن لم يقدم تلك الاضافه والتغيير مثل التايب في اول مواسمه .. اما لي فكان ناجح لانه اتى اصلا في مركز مافيه احد .. وهو الظهير الامين ..
الهلال لم يجلب اي صفقه محليه .. باستثناء المحياني واللي كان بتدخل ورغبه من اعضاء الشرف وخرج عبدالله بن مساعد وقال ان اعضاء الشرف لم يدفعو سوى خمسميه الف .. وانهم سيظطرون لانتظار موبايلي .. ثم خرج بعدها بتصريح ( اتمنى ان يطور عبدالرحمن بن مساعد مهاراته في الشحاذه للايفاء بقيمه المحياني ) وكان المحياني صفقه للدكه ..وتم شراءه بقيمه اقل من عرض النصر !
وتم جلب المدرب جيريتس وكان مدرب ناجح وبديل ناجح لكوزمين خصوصا انه اتى في وقت تخبط للانديه السعوديه بشكل عام فغير اسلوب الهلال من الدفاعي المعتاد الى الهجوم الضارب ..
في الموسم الاخير عبدالرحمن بن مساعد يعلن عن ازمات ماديه .. وعدم قدره لتجديد عقد ياسر ورحيل المدرب .. ورحيل طبيب النادي ومدرب اللياقه لعدم القدره على الايفاء بمتطلبات تجديد عقودهم ..
ثم يخرج بن مساعد ويعلن انه ليس لديه قدره ماليه وتقوم موبايلي حسب خبر جريده الرياض بتقديم دفعه من الموسم القادم له لانهاء بعض الالتزامات ثم بعد مرور اقل من ربع الموسم وبد هزيمه مذله من اصفهان .. يعلن الرئيس استقالته ورحيله !
سؤال للمخدوعين
متى انصرفت ٢٥٠ مليون من جيب بن مساعد ؟ .. وعلى ماذا صرفها ؟
اذا كان عقد موبايلي خلال السنتين الماضيه ضخ حوالي ١٥٠ مليون ريال ! ..
اذا كان بن مساعد جلب في اول الموسم اجنبيين .. ثم اجنبي اسيوي لست اشهر فقط ..
والموسم الثاني اعلن اخوه ان الرئيس سيشحذ من اجل صفقه المحياني !!
وفي بدايه الموسم الثالث الرئيس يعلن الافلاس والرحيل !!
وموبايلي تضخ ١٥٠ مليون وفوقها سلفه مقدمه !
فمتى صرف الاخ ٢٥٠ مليون من جيبه الخاص ؟ وعلى ماذا ؟
خصوصا انه رفض تسديد ديون اداره محمد بن فيصل الـ ١٨ مليون !!
هذا هو النفخ الاعلامي اللي جعل الجماهير تصدق هالحكايات الاسطوريه اللي مافيها اي اثبات واللي ساعدها فقط .. نتائج الفريق الهلالي وابداع اجانبه .. فصارت اي حكايه تتصدق لمجرد ان النتائج تدعم !
-------
النفخ الاعلامي استمر في مواجهة ذوب اهن الفريق خرج مهزوم بالاربعه من الغرافه .. راحو وصفوه انه الزعيم قاهر الظروف ... وانهزم في الذهاب امام ذوب اهن .. قالو التحكيم .. مع ان التحكيم هو الي انقذهم امام الغرافه !
جاءت مواجهه الاياب .. اي هدف لاصفهان معناها باي باي هلال ... شحن جماهيري على اعلى مستوى .. شحن اعلامي ..
قبل المباراه فتح باب التبرعات للتذاكر والباصات الى الساعه ثلاث الفجر !
مباراه الشباب بعد نهايتها بنص ساعه بدو يتكلمون عن الهلال وفجأه عضو الشرف فيصل الشهيل مرتز ... يعني سواءا فزت او انهزمت يالشباب كنا ناوين نسحب عليك ..
والشبابيين مساكين .. رئيسهم تفرغ للتهريج واضحاك مشجعين الهلال .. وصار يتكلم عن النصر والفحوله ونسى انه فاز بشق الانفس في الذهاب ..وصار يقلد تصاريح رئيس الهلال ويتلزق في اعلامهم .. وهو عارف لو خسر .. راس مالها تصريح والاعلام مهب يمه وكلن لاهي بالهلال .. والجمهور مسكين لايقدر يأثر ولا يسوي شي .. لذلك ماراح تفرق معه ..!
اما بالنسبه للهلال ..
تغطيه ميدانيه من ست مناطق في المملكه .. المراسل يقول كنا ناوين نسوي استديو ثاني ع المضمار بس الانظمه الاسيويه منعتنا !!
مراسلين كل كلامهم صح بتدعي للهلال ؟ ..صح بتتمنى الهلال يفوز ؟ .. صح الهلال زعيم ؟
الاعلام وبن مساعد صورو لهم ان هالمباراه لو مافزتو فيها .. فكأنكم ماسويتو شي طوال تاريخكم !!
بن مساعد ربط نجاحه وفشله بالاسيويه والتأهل للعالميه وكان واضح طموحه للمجد الشخصي من خلال البحث عن الاولويات ..ولا بعد فضيحه شراء لقب نادي القرن فضيحه واعتراف بندر بن محمد !!
قيريتس بيروح المغرب وبن مساعد والاعلام والجمهور يقولون بنخليه يدربنا لين تنتهي كاس العالم للانديه !!!!
اللاعب الهلالي كل شي حوله صار يحتفل ..ناس تزفه وناس تتهاوش علشانه باسم الوطنيه.. وناس يطلعون مغصوبين من انديه ثانيه علشان يقولون بالتوفيق للهلال لان الهلال هو الوطن ..الخ
وضع اللاعب الهلالي صارب مثل الطالب اللي داخل اختبار نهائي ويلقى اهله وقبيلته واخوياه كلهم ينتظرونه وواقفين فوق راسه يبونه يجيب العلامه الكامله !
ماعاد فيه اعصاب .. بدت المباراه وكل دقيقه تمر قدام هالجمهور معناها انت بتخسر البطوله العقده ..انتهى الشوط الاول والنفسيات تحطمت .. محتاج فرق هدفين .. وفجأه جاء فيك هدف .. وفي كل احوال المباراه كنت جامد ماتقدر تسوي شي .. انتهت ببساطه الحكايه ..وطلعو .. وطلعت الملفات السوداء !
وانتبهو في الاخير ان الاعلام ضحك عليهم .. وانه نفخهم .. لحد ماانفجرو .. !
انا عن نفسي وكمشجع ( طبيعي ) كنت اتمنى الهلال يخسر ويطلع ويخسر كل البطولات وهذا شي طبيعي وقاله عبدالله بن مساعد .. انه يستغرب وش دخل الوطنيه بمباريات كره قدم ؟؟ .. وان هذي منافسه على كوره مالها دخل الوطنيه فيها !
وبعدين كيف انا كنصراوي تطلب مني ادعم نادي مؤسسهم يقول اتمنى يخسر النصر حتي لو في بطوله دراجات ولو كان ولدي نصراوي ذبحته ... والهلاليين دافعو عنه !!
وفيصل ابو اثنين يطلع يفزع مع الوصل .. ونواف بن محمد يفزع مع الوصل .. بس لان المقابل النصر !!
انا كإتحادي كيف ابشجع فريق الهلال من اجل الوطنيه وهم اللي كانو يهتفون باسم نيجيريا في مباراتنا معهم ؟ .. ويرسلون للفيفا معلومات ان محمد نور اصله نيجيري !!
انا كنجراني كيف تبغاني اشجعك وجمهورك كان ينادي علي بالشيعي وبن مساعد يطلع ويدافع عنهم !!
وبعدين ايام مشاركات المنتخب كان الشعب منقسم قسمين .. قسم مع وقسم ضد وماشفناه الانكار والاستنكار وقفله الاخلاق والتهويل وكأن الواحد ارتكب كبيره !!
اي اهم ويمثل الوطن .. المنتخب ولا الهلال ؟!
ليه انك تكون ضد المنتخب شي متقبل في المجتمع بس ضد الهلال خارجيا لا !!
المشكله نص الهلاليين الزعلانين ع الوطنيه كانو يتمنون خساره المنتخب !
والنص الثاني صارو يشجعون اصفهان امس بعد ماتأكدو من الهزيمه ... وين الوطنيه ؟ .. ولا هي بس مرتبطه بالنتيجه ؟
ابعطيكم ثلاث مقاطع وشوفو .. وعلموني كانكم قد شفتو زيها في مباراه للمنتخب .. يمكني غلطان !
اذا فيه علموني .. يمكني ظالمهم ... لاني مدري والله وش هالوطنيه اللي ماتبدا الا مع مشاركه الهلال وتنتهي بنهايه مشاركته !!
ع العموم اجمل مافي مشاركه الهلال الاخيره .. ان الكل توقع ان الهلال فائز لامحاله وسيتأهل للعالميه ...لذلك كشفو عن اقنعتهم واظهرو وجوههم القبيحه وماعاد تنفع معها الترقيع !
ولو قالولي تبي الهلال السنه الجايه يتأهل لنصف النهائي مع الخريطيات القطري .. وينصقع بخمسه ذهاب واياب ويطلع .. ولا يطلع من المجموعات بفارق الاهداف ..
راح اختار انه يطلع من المجموعات .. لان بصراحه ماعاد عندنا استعداد يتكرر الازعاج اللي صاير والحملات والقلق ولخبطه الدوري والصياح والتصاريح والطقاق الاعلامي وبرامج الطراره وشحذ الجماهير وروابط الانديه .. والتشكيك بالوطنيه .. وشجعنا ولا بنصيح .. الخ ...
كلها ماتسوى علينا والله !
ترا اسيا تقام كل سنه ... واذا شاركنا فيها وقسم بالله مانبي احد يساندنا ... اللي بيشجع من نفسه حياه الله واللي مايبي بسلامته .. والله محد جايب خبره ولا نبي نفخ ولا دعم وبسلامتكم ... بس فكونا
------------------------
فريق ذوب اهن قدم درس للنصر طالما عانى منه النصر .. وهو مسأله الثقه .. والاستسلام لضغوط وهميه !
ذوب اهن فاز في الذهاب واحد صفر .. فجاء هنا واكد الفوز بواحد صفر
انا متأكد لو ان النصر فاز اثنين صفر بالذهاب ..راح ينهزم بالاياب ٣ ... ومباراه الوصل والاهلي ماهي عنا ببعيده !
الدور النفسي له اهميه كبرى في مواجهات خروج المغلوب ..
مدافع ذوب اهن سألوه عن جماهير الهلال قال راح نخلي وجودهم كعدمه ..
ذوب اهن لعب بثقه .. ليه ؟
لانه حسبها صح ... احنا الفايزين .. هم محتاجين فرق هدفين .. هم جماهيرهم شابه عليهم .. احنا اي هدف في اي دقيقه ينهي امالهم تماما ... يعني الضغط من عليه ؟؟ .. على الهلال !
وكل دقيقه تمر هي ضغط ع الهلال .. بينما ذوب اهن يرتاح مع كل دقيقه تمر ... مسأله منطقيه .. انت الفايز .. ليه تنضغط ؟
هذا اللي ينخاف عليه في النصر ولا بعد شفت بوادر للحل ..
الاخ ماجد يقول مشكله النصر عدم الثقه في الديربي ... وانا اقول يالييييييت .. يالييييييته في الديربي بس ... الا في كل مباراه !!!
اي فريق صغير قدام النصر تحس ان اللاعبين ماعندهم ثقه بالفوز ويلعبون اخر الوقت بارتباك شديد .. ولاتحس انهم يقضون عالفريق المقابل نفسيا ويخلونهم ييأسون من التعادل .. بالعكس .. دايما اذا النصر تقدم هو اللي ينضغط نفسيا !!
وهذي هي شخصيه الفريق المفقوده واللي البعض قام يضحك عليها من كثر تكرارها .. لكن هذا مايمنع انها لاتزال مفقوده .. ولاتزال مشكله !
-----------
البعض ماادري ليه مصور لنا ان مباراه الاحد الهلال بيحضر بدون رئيس وبدون مدرب ولامدير كره وبدون اجانب وماراح نلقى الا العابد لحاله وحماده ع الدكه !!
ترا الهلال لازال كما هو ماتغير شي .. اللهم هزيمه اثرت عليهم .. لكن هم نفسهم بيقابلونك اللي قابلوك الموسم الماضي .. فوش هالتباشير اللي صايره وكأنهم بيلعبون قدامنا بثلاث لاعبين !!
كل الكلام عن الاستقالات والغاء العقود هي امور مستقبليه مالها علاقه بمباراه الاحد ..بالعكس .. الان الاعلام والجمهور بيحاول يضخم من مواجه الاحد وبخليها بطوله علشان يخففون شوي من الهزيمه .. وتشوفون امس سامي وصف مباراه النصر باهم واعظم مباراه !!
لان لو انهزمو من النصر .. فهنا اقولكم سلمو لي عليهم .. لان محد راح يتحمل هالهزيمه لا اداره ولا لاعبين ولا جمهور ولا منتديات واحتمال يتركون الكوره مؤقتا ويسحبون ع المدرجاات !
لذلك هم راح يضخمون من الديربي من باب المحاوله الاخيره .. اما يرجعون للساحه وللهياط ويرفعون معنوياتهم بعد مايفوزون ع النصر .. او خلاص تنتهي الامور ويغسلون يدهم !
ع العموم انا عارف ومتيقن ان الديربي الجاي .. الضغط بيكون علينا خخخخ مع ان المفروض هم اللي محتاجين الفوز ومضغوطين .. بس كالعاده نخسر المباراه نفسيا قبل مانخسرها نتيجه .. والسبب .. عدم وجود شخصيه !
*** فهد نفسي اعرف منهو ماجد ما ظن احد عندنا في منتدى الود الرياضي او احد علق على الموضوع اسمه ماجد من هو الاخ مــاجد !!!!!
هلابك يا البركاان ماتعرف ماجد؟؟ لازم اقوله كامل ابشر أسـمه ماجد احمد الله أسطورة الكورة السعوديه كلها ولا في احد جاب مثله لبي قلبه ابو عبد الله وهذي قالها با احد التصاريح بروم البالتوك ياالبركان
((عموما اتمنى دائما ان لا نعطي الامور ابعاد اكثر ،، فنحن قبل كل شي اخوة وزملاء ويجب ان نفرق بين كلام منتديات الاندية و منتدى الود الرياضي وهذي نصيحه اخوية للجميع )))
العرض العادي
